مره صرفنا كثير مقهوره عالفلوس اللي راحت منا
كل شي غالي مصدومه من الكذب الإعلامي صجونا بعبارة ماليزيا رخيصه
المساج ب٢٥٠ وفوق والسوق بشكل عام غالي وحتى المويه في بعض الاماكن ب ٤ رنقت
بس عندي نقطه مهمه
احنا رحنا سيلانجور اول يومين والله يابنات مدينه جدا عاديه واقل بعد مافي شي يميزها
رحنا الالعاب المائيه واسعار التذاكر نااااار تخيلوا انا ١٢٠ وزوجي نفس المبلغ يعني دفعنا ٢٤٠
طبعا انا بعبايتي مالعبت ولالعبه بس اتفرج وزوجي نفس الشي مالعب من سوء المناظر تفسخ وعري شي يلوع الكبد واللي يقهر منظر الاطفال وهم يتفرجون بهالمناظر
اللعبه الوحيده اللي لعبناها سباق الفورميلا لا واخذو منا ٢٥ رنقت ماكفتهم ال٢٤٠
بصراحه كان يوم اسود وكئيب علينا وسبحان الله بعدها رحنا لنكاوي وربي عوضنا كل يوم احلى من الثاني
نصيحه مني خلوا اول يومين بجنتنغ مدينة الضباب ومدينة الالعاب والله انها جنة الله في ارضه
الجبال ملبسه بالخضار سبحان الله والضباب معانقها والمطر عليها يوميا غير البرق وصوت الرعد وريحة الاشجار مع المطر ترد الروح وربي راحه نفسيه ولله الحمد والملاهي عالم ثاني لعبنا حتى تعبنا ب١٠٨ رنقت للشخصين شفتوا الفرق؟؟
والعاب كثيره ومميزه خاصه للأطفال وناس لبسها محترم مع ان الجو البارد اللي خلاهم يتسترون
طولت هذره اعذروني حبيت انقل الحدث اول بأول

موسلينا الله يسلمك يارب
والله العام سافرت ولا اخذت بنتي الصغيرة بس هالسنه دخلت الاربع سنين وصارت تفهم كبيرة مو رضيعة وتبي تروح معنا وتبي اخوانها قلت آخذها كبيرة وتفهم بس سبحان الله المرض مكتوب من رب العالمين تخيلي ولدي الكبير ١٢ سنه بنفس يوم سفرنا جاه العنقز هههه وانا بنفس يوم السفر طلع لي دمل كبير والله يالله كنت امشي وبنتي الوسطى ٩ سنين جاها التهاب شديد بالبول وانت بكرامة غير بنتي الصغيرة
سبحان الله هالسفرة كانت كلها امراض اللهم لك الحمد والشكر على كل حال مقدر ومكتوب
فعلاً الاسعار ارتفعت كثييييير ان اول
انا هذه سفرتي الثانيه لماليزيا اول كانت ارخص حيل
ومع ذلك تظل ارخص من عندنا ومن دول الخليج بشكل عام
تخيلو جلسنا يومين بدبي تكلفت دخلول سكي دبي ٢ كبير وثلاث اطفال مع القفازارت الف ريال وياليته كل شي بس الزحليقة وتتمشين بالحديقة الثلجية ولمدة ساعتين !!!
والله رفضت ادخل قلت لزوجي والله ما ادفع هالمبلغ مو قصدي الفلوس بس والله حرام وفيه ناس مو لاقيه تاكل ادخل امشي على ثلج بالف !!!! دخلو عيالي وحنا ما دخلنا
وبالنسبة للمساج عندك شارع العرب مليااااان وسعره كويس
انا دايم آخذ بس مساج اقدام مع ظهر باربعين رنقت واذا اخذت بس لق ( اقدام ) ٢٥ رنقت بس

وبالنسبة للعري بصراحة وبدون زعل اي وحدة طالعة برا السعودية ما ادري ليش تستغرب اذا شافت عري
شي طبيعي جداً لا ورايحة مسابح ههههه اكيد وش نتوقع الا هالمناظر لكن الواحد يغض البصر و يبعد عنهم وخلاص
اذا الشارع مفاصيخ وشلون عاد المسابح والشواطيء الحمدلله الذي عافانا وفضلنا على كثير من خلقة
واللي تروح لا يفوتها مطعم الطربوش بشارع العرب مرره اكلهم لذيذ
والله تحب الاكل الهندي فيه مطعم abc في منطقة الهنود المسلمين اكلهم لذيذ مرره

بنآت انا لي يومين جايه وربي وربي ماليزيا ماتستاهل الزياره
الشعب يكرهوووووون العرب و المسلمين يكرهوننا كره لا احد يقول وش عليك منهم نظراتهم خاصه الا في كوالالمبور
اما شعب لنكاوي شوي اللطف
وبعدين غاليه غاليه ماهي رخيصه

جد جد اللي مفكره تروح لا تروح نصيحه تروح تركيا
صحيح طبيعه و خضرا حلوه بس جددد شعب خايس
و اللي تبي تروح لكوالالمبور ترى فيه باصات مجانيه تودي من klcc البرجين الى شارع العرب و العكس ( لون الباص موف او بنفسجي كذا) و ع 11 ونص ف الليل تكون مقفله وفرت علينا التاكسي
و اللي تبي تستفر عن اي شي ارد ماعندي مشكله


و كل عام وانتم بخخخير

انا ابي شرح مفصل عن الألعاب في مدينة جنتيق مدينة الضباب ؟؟؟