الله يجزاك خير

ويجعلها في موازين حسناتك يا عسل
والله ماشاء الله عليك كلامك واسلوبك يفتح النفس

لو ممكن تعطينا أسماء بعض الكتب المفيدة في تربية الأطفال
وتكون سهله في الفهم وبسيطه لعلنا نستفيد منها

وجزاك ربي أعالي الجنان

جزاك الله خير
المشكلة عندي أنا فيني مو في أطفالي
ولدي عمره خمس سنوات مواصفاته: حنون جدا- خدوم - هادي- ذكي- شخصيته قيادية جدا جدا وهنا المشكلة ، مايحب انه ينفرض عليه أي شيء وأنا بصراحة من فترة وأنا صايرة عصبية جدا ، ابغاه فوق هذا كله كون طفل مثالي ما يقولي لا مايعاندني
مثلا في الفطور يحب هو اللي يختار نوع الفطور والوقت المناسب له ان شاء الله العصر يفطر، في اللبس يحب يختار ملابسه، في اللعب يختار المكان اللي يعجبه لو على سرير نومي، النوم لازم قبل الموعد بساعة اجهزه للنوم لانه مايحب ينام الا بمزاجه ولو اخليه ماينام الا الفجر يقاوم النوم بشدة، وقيسي عليها في كل شيء، وهو لما أقوله البس او كل الطعام يقولي لا تقولي حاجة والا روحي عني يعني لا تزني علي، ولما اروح عنه يسوي اللي اقوله

احس المشكلة فيني يعني لازم اتأقلم معاه وعلى طبيعته فهل هذا صحيح


المشكلة الثانية انه خجول جدا جدا مايتكلم عند احد ولا كلمة الا عند اهلي بس ويستحي من ابوي واخواني كثير

واحيانا يقولي حاجة في اذني غشان ابوه مايسمعه والا يقول لي حاجة ويقول لا تعلمي بابا لو حاجة عادية والعكس صحيح يعني يسوي هالحركة مع ابوه علي

وبصراحة انا اخاول اتمالك نفسي كثير واطول بالي عليه بزيادة واحيانا انفجر فيه واضربه واعاقبه، المشكلة اني بسرعة ارحمه واحن عليه واتندم اني سويت كذا واعاقب نفسي وارجع اضمه وابوسه ولما يجي ينام يقول لي ياماما انتي ليش ضربتيني انا احبك كثير

ابغى تقولي كيف اتعامل معاه

وكيف امسك اعصابي

وايش رايك في سلوكياته مع العلم ان اخته عمرها سنه ويحبها كثير ومايضربها بس مايحب تلمس اي حاجة من اغراضه والعابه ، وهو عادي يحب يتملك كل حاجة له او لاخته او لغيره

كلامي كثير وطولت عليك بس من جد اعاني من هالمشكلة واخاف يكون لها اثر على نففسيته وترسخ في ذاته وينعكس هذا عى علاقته معي اذا كبر، وهل بامكاني تجديد العلاقة وفتح صفحة جديدة معاه ونسيان كل مافات لاني بجد احاول واقرأ كثير عن التربية لكن عصبيتي مشكلة

اسأل الله أن يحرم عنك النار وأن يبارك لك في حياتك ويحفظ لك كل من تحبين 00
ويالبيك انتي وهذا النونو المعصب00

اختي انين الشوق ربي يسعدك على هالموضوع الرااااائع

انا عندي ولد واربع بنات كلهم طايحين بتقليد بعض في سلوكياتهم
وربي اني احينا اقول اني ام فاشلة

كثر ما اعلمهم وانصحهم مافي فايدة

يزعجونني عند وجود ضيوف عندي اوحتى رحت لمعارف لي ..دايما في مضاربة حتى قدام الناس يسببون لي احراااااج كبير

ماعندهم جديه باي شي ...ماخذين الحياة لعب وضحك ومو مهتمين بشي ...فيهم طيبة زاااااااايده لاي طفل يدخل علينا ويذلون

حاهم عشان هذا الطفل ...مايحبون بعضهم او حتى يدافعون عن بعضهم لو حصل لهم موقف

يزعجوني كثيرا لدرجة اني كرهت اطلع بهم من الببيت واكره ان احد يبي يجي عندي

حتى اهلي حرمت نفسي اني اروح لهم بالاجازة.....ماحب احد يقل لهم شي ولا يتضايق منهم

مشكلتهم مايتحملون من بعض شي وفيهم عناااااااد لبعض

السلام عليكمورحمة الله
مشكوووره اختي انين الشوق على الموضوع الرائع
جعله الله في ميزان حسناتك

مشكلتي ولدي الكبير عمره 7 سنوات عنييييييييييييد جدا ودايم يدور على العناد
الله يصلحه يحب يفرض رأيه وبقوه حتى لو ما كان بمصلحته
مثلا احيانا اذا حبيت ازور اهلي يقول عطيني ( يطلب طلب مثلا حلاو ) ولا ما راح اروح معك
ونفس الشي في الاكل يقول اذا اكلت تعطيني مثلا شكولاته اولعبه ..الخ
والمصيبه اذا سفهته وما حققت طلباته يصمم على رايه وعناده .
وكثير يضرب اخوه اللي اصغر منه ..

والمشكله اللي تعبتني كثير هي انه هو واخوه اللي في الروضه تأثروا بكلام الاولاد بعد اختلاطهم معهم بالمدارس
وصاروا يقول الفاظ محد يقولها في البيت غيرهم ... حاولت اوضح لهم انها غلط بس قدامي يحاولون انهم ما يقولونها ومن يقولوها

الله يصلحهم ان شاء الله