هههههه ربي يسهل عليج روبي
مشتاقة الحمدلله ع سلامتك وسلامة البيبيات
الظاهر إني من ألحين راح أنسي نومة الظهر صاايرة متعبة جدا النومة،،الله المستعان

مرحبا كروشات شخباركم

ابتسامه مره انبسطت احس ارتحتي من كلام الدكتوره وتطمنتي الله يطمنك ويفرحك والجميع

زمان ايه انا مرتين حسيت رفرفه بعدين ماحسيت شي بس سبحان الله بموعدي اشوف بالسونار تخلقو كان شعوووور روعه

بنات بالنسبه للبس عطونا نصايحكم
كم رضاعه وكم لبسه وكم وكم ﻷن وحده هنا ارسلتها ماشاءالله ماقصرت بس في شغلات مو محدد العدد او شي احس بيكون كثير او بيكون قليل

ثانيا لو قدرت اقنع ابو الشباب بالشغاله اجيب اي جنسيه
قريباتي نصحوني بهنديه او سرلانكيه شرايكم

دعواتكم انها تتيسر ويقتنع 

انا قدمت على سريلانكيه بس رح تجي خلال الشهرين الجايه اسال الله انه يعطيني خيرها ويكفيني شرها

وبالنسبه للملابس رح انزل لك قائمه طبعا للبيبي الواحد حسيت انها شامله من والى..

تجهيزات للطفل:
أفضل المحلات : ( مذركير و سنتربوينت ) < لاتدورين غيرهم أبد أبد .. !

3 طقم استقبال
1 طقم استقبال خفيف للمستشفى
2 طقم عادي
بربتوزات بيتية مج new born
2مجموعة 0-3
القطع الداخلية bodysuit .
( خوذي 2 باكيج الي يصير فيه 3 قطع ، باكيج مقاس new born و باكيج 0 – 3 ،
وممكن تاخذين مقاس أصغر الي هي tiny baby إذا متوقعة الطفل يكون وزنه قليل )
فنايل داخلية مج new born
ملابس خارجية 0-3
- الأوفرولات الكاملة .
( خوذي مثل البدي سوت ، بس خوذي شي ملون وشي أبيض – الأبيض يخلي الطفل كيووووت /
حقات سنتر بوينت أفضل لأن لها طوق صغير من عند الرقبة أما مذركير فتحتة الرقبة واسعة ما تلم الطفل /
للي ولادتها بالشتاء فيه أوفرولات عند ماركس سبنسر تجي مخمل مرررة عملية ودافية )

- 1 أو 2 أطقم البيجامات .
( فيه عند مذركير طقم كامل أوفرول وبدي سوت وقبعة وقفازات ،
وعند سنتر بوينت مثلها بس إني تختارين القطع الي تبينها وزيادة فيه مهاد أو شرشف قطني حلو نفس الطقم ،
لكن لا تاخذين الي تجي بيجامة قطعتين ، عشان السرة وأصلاً موب مريحة للطفل أبد )
- سدارات للحليب.
( خوذي مجموعة الي فيها 5 أو 6 إحرصي على الصغار ، وحلو لو تكون مبطنة ببلاستيك ،
وفيه أنواع حلوة نهايتها فيها حبل ينربط حول البطن عشان ماتنقلب السدارة على وجه الطفل )
- 2 قبعات قطنية .
( غير الي تجي مع الأطقم )
- 4 مهاد
( ماركة المنيف كويسة ، تلقينها عند الهرم والشماس ، وفيه الي يسمونها السحرية حقت مذركير )
- سرير صغير .
( مع إنه ما يستخدم إلا ست شهور ، بس أحسن للمولود من السرير الكبير )
مجوعة سديرية (عند شرب الحليب)
3 قبعات
3 مهاد + ربطة(سباق)
3 *شرابات
3 قفازات
1 مناشف
2 شنطة للطلعات الخفيفة مستشفى وغيرة وشنطة للزيارات.
1 مدس للطلعات.
1 مفرش بلاستيك لتغيير الحفاظة
1 سرير أو سلة
1 دولاب للملابس
1 مفرش للسرير
1 طقم مشط وفرشة للشعر
1 جهاز قياس الحرارة(ممكن الاستغناء عنه لحد بدايه التسنين)
4 مصاصة + سلسلة لحفظها
3 رضاعات زجاج وبلاستيك
2 فرشاة للرضاعات (أفضل الي يكون بطرفها إسفنجه ويكون معها فرشة صغيرة للحلمة )
1 قسام طبقات للحليب
1 مجموعة جونسون شامبو وزيت وصابون سائل للجسم وبودرة اطفال وليفه واسفنجه
1 بانيو صغير
- إسفنجة البانيو .
( مررررة مهمة لتثبيت الطفل )
- منشفة .
( عند مذركير ثلاث مناشف تجي مع بعض خامتها مرة ممتازة ،
وحلو إنك تخلين وحدة للبيت ووحدة عند أهلك ووحدة للسفر )
حفائظ بامبرز للمواليد..
كرتون مسحات طبية للسر
1 كريم سودو لالتهاب الحفاظ
أعواد إذنين صغيرة
1 صندوق لحفظ أدوات العناية
2 ترمس للماء الحار سعة نصف لتر
(بتحتاجينها بعد النفاس وحتى وقت النفاس تحطينها في الليل جنب سريرك مع
كم رضاعة نظيفة أريح لك عشان ماتقومين /
وأفضل شي ترامس تايقر فيه بعد ترامس ستاربوكس )
- مجموعة تنظيف .
( عبارة فيها شنطة فيها مقص أظافر ، مبرد ، مقص عادي ، مشط ، منظفة الأنف )





توضيحات لازم تاخذنها في بالك في تجهيزك :

- مقاس new born
الكثير ينصح انه لا تاخذي مقاس نيو بورن عشان ان المواليد خلال فترة الاربعين
يكبروا بسرعة لكن في اطفال يولدوا خدج قبل موعدهم
اويكون حجمهم مرة صغير يعني حتى نيو بورن كبيرة عليهم
وفي اطفال يولدوا مكتملين في نهاية التاسع بس وزنهم 2 كيلو
باختصار: لو كنتي عارفة ان وزن جنينك قليل اشتري ع الاقل بدلتين
نيو بورن تمشي فيهم فترة الاربعين

- ( الصدريات)
قد تحتاجيها بكثرة يعني تشتري درزن 12 حبة
وقد تحتاجي 2 بس
والسبب .. ان بعض الاطفال يستفرغوا الحليب بكثرة ,
وبعضهم الله يحفظهم ما يرجعوا ابدآ او يستفرغوا كمية بسيطة جدا مجرد نقطتين
تمسحيها بمنديل وانتهينا.

- المهادات – الكوافل – القماط. << بكل اللهجات
احتياجك منها يختلف عن غيرك
على حسب هل هناك من يغسل لك الملابس كل يومين ,, هنا ما تحتاجي غير 2 أو 3 فقط
وعلى حسب هل طفلك يرجع الحليب بكثرة
وعلى حسب هل انتي ناوية تعودي ولدك على اللف دايمآ! لان بعض الامهات تلف ولدها
فترة الاربعين بس او وقت النوم بس.
وعلى حسب ايضآ انه هل ناوية تشتري بدلات من الاطقم اللي تجي بربتوز وطقمه مهاد
.. يعني مايحتاج تزيدي تشتري مهادات ثانية لوحدها

- الرضاعات
افضل رضاعات AVENT
فيه نوع منها بلاستيكها اصفر.. بتلاحظينها فيها صفار..
صراحه روووعه ومايلزق الحليب من جوا..وتنظف بسرعه.. شوفي هذي صورتها..

وماله داعي ست او سبع رضاعات تشتريها
يكفي 4 رضاعات تشتريها اثناء تجهيزاتك وانتي حامل
رضعتين 60 مل وحدة للاعشاب وحده موية و2 بتكون 120 ملي للحليب.
وبعدين لمن يجي البيبي حتحكم الظروف لانه قد يعتمد على الطبيعي فقط


- مقاس حلمات الرضاعة(المصاصات)
ركزي انه في مقاسات لحلمات الرضاعة
احيانا تجي بارقام (1,2,3)
واحيانا بحروف ( ( S,M,L خذي الاصغر وبعدين لما يكبر كبري الرقم معاه.

- اللهاية
لا تستعجلي بشراء لهاية او اكثر الا اذا كان نيتك تعودي طفلك من بدري
لان اللي تجي تعود طفلها بعد عمر شهر يرفضها في الغالب

- مناديل الاطفال المبللة
صح حتحتاجيها عشان لمن يكون في عندك ضيوف او لمن تخرجي برا ..
بس هيا الخراب اللي تسبب تسلخات للطفل فترة الاربعين لان الام تعتمد عليها
في مسح فضلات البيبي وماعاد تغسل له مؤخرته بالماء الا مرة باليوم لمن تروشه
انصح ماتجيبونها..

- الشراب ( الجوارب)
لاتاخذي بكميات كبيرة مقاس مولود لانك بتكون اغلب الملابس كامله وماتحتاجين شراب.
خلي الشراب اخر شي تقضيه عشان تشوفي ايش الالوان اللي تحتاجيها
بالضبط وكم العدد اللي تحتاجيه

- الجو
ركزي على كيف حيكون الجو في تاريخ ولادتك وكذلك في تاريخ وصول ولدك الى مقاس 3-6
لان في بعض الامهات يوم يقضوا ياخذو كام بدلة من مقاس 3-6
ركزوا ع الجو عشان ماتشتروا شتوي وماعاد تستخدموهم أو تشتروا صيفي والجو بارد


واحلى شي للمواليد البربتوزات الكاملة وليس اللي تجي قطعتين
لأن البنات النونات مو حلوة عليهم الفساتين ولا البنطلونات
احلى شي البربتوزات الكاملة والافرهولات

- منتجات جونسون وغيرها
منتجات جونسون اللي تجي كرتونة المجموعة كلها مع بعض
انتبهي لصلاحية كل علبة داخلة لوحدها
لانه في الكرتونة الواحدة تلقي تواريخ الصلاحية مختلفة لكل قطعة

- المدس
اشتري حجم صغير لان البيبي المولود صغير مرة وممكن يضيع جوا المدس
وعلى فكرة المدس الكبير بدل ما يخلي شيل البيبي سهل..
يصير مرة صعب ويخليكي تخافي تحمليه


- الماركات
الكل يقدر شوقك لتدليع ولدك بأحلى الماركات بس لاتنسي
ان البيبي خلال الاربعين يكون باللفة محد يشوفه ويكبر بسرعة
يعني مايلحق يلبس البدلة الا مرة او مرتين
بعض الماركات قد تخرب من الغسيل ويبهت لونها ..
وتنقهري لان سعرها غالي بعكس لو قطعة متوسطة السعر خربت ماتتضايقين كثير


- الهدايا:
لا تستعجلي بشراء جلاسة او عربية خروج او كرسي سيارة او مرجيحة
او مشاية او كرسي طعام لأنه ربما تجيكي هدية
وخليها لمابعد الاربعين