اللهم بارك لها وبارك عليها
{.. البيتزا المكسيكية
ميزة البيتزا هذي أنها لذيذه جداً، سهلة جداً، سريعة جداً جداً..
الطريقة بدون مقادير لأن المقادير راجعة لذائقتك ومعتاداتك:
عجينتك للفطاير تفردينها وتقطعينها دوائر بشيء مدور كبير شوي
مثل بادية الشوربة أو قدر صغير.
الجديد في البيتزا هذي: أن الحشوة حقتك تخلطينها سواء.
يعني الكشنة + الفلفل البارد + الزيتون +الدجاج الصغار+الفطر
بالكميات اللي تحبين بشرط إن الكشنه ما تكون كثيره مرره
ولا تكون قليله بحيث تنمد الخلطه معاك..
وجبن موزريلاا تخلينه على جنب.. لا تخلطينه..
الآن كلشي جاهز معاك (العجينة والحشوة)
تجيبين صاج او مقلاة(تاوه) وتحطين فيها العجينة اللي قصيتيها على شكل دائرة، مثل كذا
تخلينها ثواني فقط تشد يعني ما يحتاج تحمر ابداً وتقلبينها على الوجه الثاني مثل كذا
بعد كذا تأخذي من الحشوة بمقدار مناسب لحجم عجينتك (غالباً ملعقة كبيرة ) وتحطي في نصها وهنا ظاهر معنا الحشوة والعجينة فيها الحشوة
وهذي صورة اقرب للحشوة وهي على الوجه اللي ما تحمر لاحظي هالشيء
يــــتــــبـــع
وبعدين تصفطين العجينة بالنص وتقلبين وتقلبين عشان تحمر على راحتها والحشوة تموع.
وذوقي أحلى بيتزا صدقيني من تذوقينها بتدمنينها اكثر من البيتزا العادية..
{...فطيرة الجبن من ماما نورة
سبب التسمية لأن اللي ذاقوها قالوا نفس فطيرة الجبن حقت ماما نورة
الطريقة: جبن قشقوان تخلينهم يقطعونه لك شرايح..
وبرضوا دوائر عجينة..
نفس الطريقة اللهم انه بدال حشوة البيتزا شريحتين من الجبنه
انتبهي لا تحطين اقل من شريحتين لأنه بيكون مرره قليل الجبن
لو بعدين حبيتي تزيدن اكثر براحتك..
{..فطيرة الشوكلت
نفس طريقة فطيرة الجبن بس بدال الجبن شوكلاته نوتيلاا
تحطين ملعقة او 2 اللي يناسبك..
وهذي صورة لفطيرة النوتيلااا
المفاجأة في الموضوع: ترى العملية هذي ماتاخذ منك نص ساعه اذا كان فيه احد يساعدك في تقطيع الدوائر يعني العملية سريعة جدا واختصرت الصور حتى لا تحسون الموضوع صعب، ولا تتكرر الصور.
لأنه اسهل مرررره من ماتتصورون .
وبالعافية على قليباتكم