][ نونية ][ :

وش اسم عياده الجلديه بالانجلس حست مع القاموس ماطلع معاي شي مشكوره حبيبتي بوادي تنصحوني بالمستشفايت الكبيره مثل جورج تاون

وش اسم عياده الجلديه بالانجلس حست مع القاموس ماطلع معاي شي مشكوره حبيبتي بوادي تنصحوني...

حمصية يا احلى بنت :

السلام عليكم صبايا.. كيفكن مع الصيام؟؟ وحشتوني.. كيفكن مع هالعطلة؟؟ شو عاملين نور يا قمر الف مبروك.. و عقبال ما نشوفك عم تفحطي بهالسيارة :22: هلا حبيبتي.. بتنور كاليفورنيا :) انا ساكنة قريب من سان فرانسيسكو.. و الطقس صار بارد هلأ.. يعني اذا معك اطفال لا تنسي جواكيت تقيلة.. و اذا بتقدري تلبسيهن اكتر من طبقة بيكون احسن.. خاصة سان فرانسيسكو باردة كتير.. و لا تنسي طواقي صوف في وحدة من الصبايا كانت سائلة من قبل و حطيتلها اغلب المعلومات اللي عندي.. رح ارجع نزللك ياهن ان شاء الله بيفيدوكي تفضلي: اول شي كل ما حجزتو بكير بتكون اسعار الفنادق ارخص.. بالنسبة للوس انجلس.. الفنادق فيها كتيرة كتير.. و بتلاقي اسعار معقولة.. المناطق اللي فيكي تزوريها هني ديزني لاند و اليونيفرسال ستوديوز اذا ما رحتيلهن.. و كمان هوليوود حلوة كتير شارع تمشية و فيكن تروحو شارع النجوم.. كمان روحو اتمشو ب بيفرلي هيلز.. بيجوز تلقطولكن شي واحد من هالمشاهير هون ولا هون.. و اذا لاء.. بتوقف قلوبكن من البيوت.. كل واحد احلى من التاني ماشاء الله سان دييغو.. فيها متل سفينة ناقلة طيارات استخدموها بالحرب العالمية التانية مع اليابان على ما اظن.. و فيها نماذج من الطيارات و كيف كان يعيشو.. و هي كم صورة منها و كمان التمشاية عالشط حد السفينة حلوة كتير كتير خاصة بالليل بيكون الطقس بيجنن و ناس كتير عم تتمشى و فيه شوية تماثيل بتاخدو معهن صور.. حلوين تسالي.. امم كمان في جزيرة و انتو رايحين عليها عالجسر بتشوفو المكسيك من جهة و سان دييغو من جهة تانيية.. رووووعة بتجنن اسمها Coronado Island .. المشكلة الوحيدة فيها انو لازم تدورو منيح على مكان فيه شط مباشر عالمي.. نحنا كتير كتير فتلنا للقينا.. بس كانت بتستاهل الدوارة يعني.. و كمان انتبهو ما تفوتو بالغلط عالقاعدة البحرية العسكرية :22: احم احم.. و وقت بيطالعوكن بترجعو بتفوتو مرة تانية هههههههههههه منيح اللي ما اخدونا على غوانتامو هداك النهار و طبعا ما مننسى ال Sea world حلو كتير كتير كتير و خاصة اذا معكن اطفال بينبسطو كتير على العروض اللي بتصير فيه.. في دلافين و كلاب بحر و حيتان.. عرض الحوت احلى شي اخر واحد بالليل بيعملوه و بأخرتو العاب نارية.. روووعة و بياخد معكن نهار كامل بسهولة نحنا تقريبا رحنا حوالي الساعة 1 الضهر و ما طلعنا لل 10 بالليل.. بس ما كان معنا اطفال.. يعني العاب الاطفال و العروض تبعن ما رحنالها.. و اول ما بتدخلو خدو خريطة و شوفو اوقات العروض و خططو نهاركن على هالاساس.. لانو غير هيك بتضيعو و ما بتلحقو شي.. و كمان اركبو بالالعاب.. و روحولهن وقت بيكون في عرض مثلا لانو بتكون الزحمة اخف.. سان دييغو فيها حديقة حيوانات كتير حلوة.. انا ما رحتلها بس خالي قال جدا ضخمة.. و فيها كمان legoland اللي هوي بظن متل ديزني بس جد ماني متأكدة.. بالنسبة للحجوزات.. فيه عرض انو بتاخدي تيكت وحدة بتتضمن اكتر من مكان لمدة 14 يوم.. متواصلين طبعا.. يعني اذا زيارتكن اسبوعين بتكون مناسبة جدا.. و هي اللينك أخر شي بتلاقي Multi-park tickets نحنا اخدنا اللي ب 104 و رحنا ال Sea world و اليونيفرسال و فيكن تروحو اماكن تانية كمان بس وقتها ما كان معنا وقت.. اذا زيارتكن اطول فيكن تاخدو الاخلى و بتتضمن حديقة الحيوان و ديزني و اشياء تانية كمان منجي لسان فرانسيسكو.. رووعة و بتاخد معكن يومين بالساهل.. اول شي لازم تروحو Pier 39 حلو كتير و فيها محلات كتير و صاير على الشط مباشر... فيه بتشوفو كلاب البحر بيكونو كتار.. و اكلهن بحري بيجنننن.. بتقطع فيه اربع خمس ساعات بسهولة.. بالشارع اللي جنبو فيه متحف شمع.. انا ولا مرة دخلتلو بس من برا شكلو بيجنن.. و جنبو فورا فيه متل مطعم.. بس كأنو ادغال.. نحنا فتنا تفرجنا و اخدنا كم صورة.. كمان فيه شارع الورد اسمو Lombard street فيكن تمرقو فيه بالسيارة او توقفو السيارة على جنب و تنزلو تتفرجو و تاخدو صور.. و كمان ال Golden Gate Bridge حلو كتير و فيكن توقفو و تاخدو صور فيه مكان محدد لهيك اشياء. و انتو على ال Pier 39 فيه جولات بحرية بتاخدكن حوالي سان فرانسيسكو بس لازم تحجزو من قبل بوقت لأنو بتروح المحلات بسرعة و هي رابط فيكن تحجزو.. لازم تروحو على Alcatraz و هيي جزيرة كمان فيكن تروحولها بجولة.. كانت سجن يحطو فيه المساجين الخطيرين بس هلأ عملوها للزيارة و كمان روحو ال Union square هوي مركز تسوق بس ضخمممم يعني Macy's لوحدو بيطلع اربع بنايات :( اذا عندك اي سؤال تاني انا حاضرة.. :)

السلام عليكم صبايا.. كيفكن مع الصيام؟؟ وحشتوني.. كيفكن مع هالعطلة؟؟ شو عاملين نور يا قمر الف...