والشكر على فضله وامتنانه
أستغفرك يارب وأتوب إليك
◘ ◘ ◘ ◘ ◘ ◘ ◘ ◘ ◘ ◘ ◘ ◘ ◘ ◘ ◘ ◘
مالكم بالطويلة
هذا الله يسلمكم البارح مالي خلق أحد
بنتي بهدلتني ونشبت بحلقي
والرجال طلع البر
والبنات مبحلقين بهالكتب يذاكرون الله يساعدهم وينجحهم
من القهر تسدحت ونمت
إلا الرجال فوق راسي وانا ماغطيت يمكن 10 دقايق
جلس وجلس وجلس
والدنيا برد
والبرد يجوع
وبدا الزن...جعنا ...وش العشا...شكلك مافيك خلق تسوين شي
قلت وانت صادق
المشكلة يكسرون خاطري
قمت وشمرت عن ساعدي
بنتي ماما وش بتسوين قلت مادري
طبعا يعرفوني ام الاختراعات خاصة عند الطفش
وطلعت بهالصينية الرهيبة
..................................................
جبت بطاطس أصابع وقليته بالزيت وصفيته بصينية ورشيت عليه ملح وفلفل اسود
وخذت همبرغر لحم 4 حبات وحمرتهم وقطعتهم أصابع
وفوق البطاطس
خذت بعد نقانق وحمرته وقطته اصابع رقيقه وفوقه
خذت شوي ثوم وحمرته بزيت زيتون وحطيت نصف علبة فطر مقطع وحمرته وفوق مع زيتون اسود واخضر
في إناء غزير نضع علبة قشطة +2/1 كاس حليب سائل +2/1 كاس جبن موزوريلا+ملعقة جبن سائل+ ملعقة
مايونيز+ملعقة دبس رمان+ملعقة صلصة صويا+ كسبرة مجففه ملعقة+ فلفل اسود
تخلط جيدا
نضع جبن شدر اولا فوق الاغراض السابقة ثم نصب الخلطة السابقة عليه
ونرش اورغيانو
وطوالي على الفرن ويكون شغال من فوق وتحت
وبعد ماتحمرت هذا شكلها النهائي
وقدمته مع متبل
قشرت باذنجان 3حبات وقطته شرائح وصفيته بصينيه
ودخلته الفرن لين ذبل
وبعدين في الخلاط الباذنجان+علبة زبادي+3ملاعق طحينية+ ليمون+ملح+ قليل من الماء+ ثوم
ويقدم
مارضوا ياكلون على الطاولة
حطوا سفرة بالأرض وبسطوا بجنب الدفاية من البرد
و توني بصور الصحن زوجي بدا ياكل من الجوع قلت الحق اوريكم قطعة
مالحقت الا الصينية باااااااااااااااااااح
اتمنى تعجبكم مثل ماعجبت زوجي وعيالي
وبالعافية عليكم اذا جربتوها