السلام عليكم

جنونة
ماشاء الله تبارك الله ربي يحفظهم و يخليهم لك يا رب و تشوفيهم شباب ... هم التوأم هيك متعبين كتير انا لي صديقة عندها توأم اولاد و صديقة تانية عندها توأم بنات يالله شو بشفق عليهم بحب الاولاد و بس اشوفهم بظل الاعب باولادهم بس بقولهم بحب التوأم مووووت بس عند غيري العب عليهم مو عندي ..:09:

سارونة
شكرا يا عمري كلك ذوق ربي يطمنا عليكي و يقومك بالسلامة قوليلي متى موعد ولادتم ان شاء الله بالسلامة .

فدوءة
وينك يا بطة و الله اني بشتاق لك ...:)

ماما أحومي
أهلا وسهلا ... و بالعكس نحنا حنمسك فيكي بايدينا و اسنانا .... عشان نستفيد من خبرتك و ترفعي معنوياتنا شوية .:(

غزالة
هلا و مية هلا بالغالية وينك يا شيخة ووين بتغطي و ما بنشوفك ...و الله فرحت بيكي بس كان نفسي نتقابل بمكان تاني :( ...طمنيني كيف كل امورك ان شاء الله تمام ... طيب ليه احتمال تولدي قيصرية و لا عشان المشيمة .

كندر
ما شاء الله ربي يخلي لك ما جاكي و يفرحك فيه يا رب

حياتي بتول انتي كمان وحشتيني يا قمر

لا انا المشيمة الحمدلله طلعت
ما انا يا ستي تركت الشغل بقالي شهرين ومتسطحة عى طولي لحد ما ارتفعت المشيمة الف حمد وشكر

بس عشان انا لما كنت من زمان عاملة صورة ملونة للرحم وقالولي ان الرحم عندي بالعرض شوي و ذو قرنين بشكل خفيف وهدا النوع قال بيخلي الولد يضل بالعرض

بالاضافة يا ستي الى انه قال انا حملي عزيز ومدلل عشان كده ما بخاطروا بمضاعفات الطبيعي

شايفة يا بتول تبهدلنا على اخر الزمن بس الف حمد وشكر على كل شي
ماني اكلة هم القيصيري كتير يمكن لاني عملت مرتين عمليات فيها شق بطن نفس القيصيري

والله ييسر للكل
بس انتي ليه قيصيري؟؟؟؟

غزالة
يا قلبي لا بهدلة و لا شي الحمد لله على هالنعمة اللي كتير ناس مشتهينها و انت اكيد متلي حاسة بيهم ربي يعطي الجميع يا رب. و يرزقهم الذرية الصالحة .

حبيبتي انا قيصري عشان ركبت لولب وركبه لي الدكتور بالغلط و ساوا لي ثقب بالرحم عشان هيك ممنوع اولد طبيعي يعني متل اللي مسوية قيصرية و حملت على طول بخافو تولد طبيعي انا نفس الشي .

يلا قوليلي جهزتي شي للبيبي و لا لسه .

الف حمد وشكر على نعمة الله والله يطعم كل البنات يارب ولا يحرم وحدة
الله يهديهم هالاطباء ما بيعرفوا يتانوا يلله قدر الله وما شاء فعل
انا بتوقع انه القيصري اسهل من الطبيعي والله يسهل للجميع يارب

يا ستي لسه ما جبت شي للبيبي بنوب
اختي ولدت من كم شهر وكمان بنت حماي وقالولي لا اشتري شي بنوب قال كل شي عندهم وجديد لانه الولد بيكبر بسرعة

بس انا مشتهية انا اجهز للبيبي جبت بس بطانية صغيرة كتير وناعمة ومريولة وحدة نايلون وتلات افرولات صغار ناعمين وبس

انتي شو رايك اسمع منهم ولا اشتري جديد ؟؟؟انا مو هاين علي اول ولد وعلى سن ورمح وما اجيبله كل شي جديد

انا ما قلتلك لسه انه البيبي الافندي بوي يعني ولد
ان شاء الله وبإذن الله رح اكون ام عبد الله الف حمد وشكر

انتي شو ناوية تسمي ان شاء الله

شلونكم بنات؟؟

تحية سريعة للكل و طالعة....:(

زوجي ماخذ اجازة و الكمبيوتر صايرة أسرقه سرق لما ينام او يطلع!!

سلامي للجميع و ادعو لي

ما بقا شي والله يعديها على خير