حبيبتي مصرية انا اكل تمر واذا انتي خايفة لاتكثري بس التمر مفيد جدا بالنسبة للجنين

ليونا

ايه الطله الحلوه السريعه دي يلا كلنا لهفه وشوق للاكشن

مصريه

انا باكل تمر من اول حملي او بمعنى اصح بعد ماعديت اول 3 شهور خفت بصراحه ليكون فعلا ليه تأثير
طبعا هو فوايده لا تعد ولا تحصى كلى منه بس ماتكترتيش يعنى لو في اليوم كله 7 تمرات يبقى حلو ومش كتير

من عمرها راحت سياره مسافة ساعتين ...



جوجو كم المسافه بين الخرج والرياض ومتى جيتي للرياض باي اسبوع ؟؟؟
ردي عااااجلا ياعسل ...

السلام عليكم

في البدايه احب اشكر كل وحده هنتني
نبدء بماشاء الله

اخ يابنات شعور الامومه احلى شعور
الله لايحرم كل محروم و محرومه من هالشعور

عند صلاة المغرب كنت اتكلم مع رانسي في المسن طبعا البنت تحاول فيني تقول تسوي الوصفه وانا والله مالي خلق ابد اكره هالشي مرره المهم البنت تقنع ومستمره اني اسويها اذا بغيت الولاده لكن تذكرت اختي تقول من بداية التاسع وانا اعمل هالوصفه ولا في فايده

المهم عالساعه ١٢ الليل قلت يالله نجرب نشوف وش بيصير جربتها بعده حسيت زي الشده في اسفل بطني وظهري بس مافي الا الم خفيف جدا جدا لما اتحرك يروح وجيت عصبت على رانسي وبرستيج قلت امحق من وصفه ماجابت شي لكن رانسي تقول انتظري وش بك مستعجله

المهم نمت الساعه ٦ الفجر لكن صحيت كم مرره احس بطني مليان غازات وابي اطلعها او ابي اروح الحمام افضي
طبعا قمت كم مره اروح لدوره المياه وارجع
عالعموم وانا نايمه بطني احسه منتفخ مررره واسمع بانفجار في بطني قلت هذا غازات الظاهر لكن كنت ابي اروح لدورة المياه رحت ابقعد الا وتنكب مويتي شي كثير يابنات زي المويه يعني يصب صب مو اذا نزلت رطوبه قلتو مويه
انا المويه انكبت على الارض وعلى دفعات وقتها خلص بغيت انهبل جتني الصيحه واركض اجيب جوالي ادق على زوجي بس مايرد لانه يصلي الجمعه واحاول وانا خلاص انقطع قلبي قلت شكلي ابولد في البيت مدري من ادق عليه دقيت على ابو زوجي وعلى الدكتور محد يرد المهم كل هذا ودفعات المويه قاعده تنكب لبست فوطه ولما تنزل دفعه جديده تملي الفوطه كلها
المهم واقعد اصرخ على خالتي قلت لها ابولد قالت لا لاتخافين قلت مويتي انكبت قالت نعم وشو المهم خالتي انهبلت معي خخخ
وراحت خلت السواق يدوره بالمسجد وسواقنا مسيحي ويقول لا ونصرخ عليه ادخل بس المهم وانا وقتها كنت بالحوش الا واسمع من بعيد سياره تفحط ههههه
طبعا صار زوجي واروح اركب السياره ومن ركبت بدء معي الطلق وهو ميت خوف مايدري يسرع ولا يهدي وانا في السياره تجيني كم دفعه مويه تنكب
طبعا في خمس دقايق اتوقع وصلنا المستشفى
ويجبون العربه وركض يقيسون رحمي الا ويلقونه ٣ سم وقتها كانت الساعه ١٢ الظهر
والطلق حمى معي
المهم ودوني لغرفه الملاحظه لان رحمي بس ٣ اخ ياشين الطلق كان منتظم المهم دفعنا ابره الظهر لكن يوم قريت مضاعفاته خفت قلت لزوجي مابيها خلاص الا ويجيني طلق نساني وش اسمي قلت لا لا هونت ابيها ابيها
ويجي دكتور التخدير ويروح الطلق جيت سالته قلت تنصحني اخذها قال اكيد انصح كل حامل تاخذها ولا تخافين ولا تسبب شلل مثل مايقولون
لكن احتمال تجيك رجفه في الجسم وهذا الي جاني بس عادي يابنات
المهم ضربو لي الابره
ملاحظه ( الطلق ماتحسيه الا بلحظة الولاده )
والطلق يوصل لاعلى درجاته وانا اضحك ولله الحمد وجاني احلى نعاس ونمت وكل فتره يشيكو على الرحم الى الساعه ١٠ الليل ورحمي فاتح فقط ٣ سم قالي الدكتور ابجيك ١٢ الصبح اذا اقل من ٦ راح نولدك قيصري ومررره خفت وضاق صدري واقول لزوجي مابي اولد قيصري وهو يهديني لان موية الراس لو صار لها اكثر من ٢٤ ساعه احتمال الطفل يموت لاسمح الله
المهم جتني اختي وصارت تقرء على سوره الزلزله وقتها احس اني ابي اروح عالحمام وعالساعه ١٢ شيكو على الرحم لقوه فاتح ٨ الحمدالله المهم الساعه ٤ الفجر فتح رحمي ١٠ وقالو لي وقتها ادفعي واقعد ادفع وبغت تروح تطلع وانا ادفع تعبت شفت الموت واخونا بالله رافض يطلع المهم الدكتور قاعد يوسع المنطقه على بال مايطلع المهم خلاص حسيت براسه وادفع باقوى ما عندي وسبحان الله اول ماطلع راسه طلع جسمه بسهوله المهم بعدها بثواني رجع لي الطلق الا وسبحان الله الطفل الثاني لف راسه على تحت على طول لكن الله يهديه متمسك بيده مايبي يطلع فا الدكتور دخله مره ثانيه ولف وضعيته وطلعه مع رجله وانا ابموت من الالم
لكن بعدها سبحان الله الالم يروح
وبس خلصنا من الولاده واتصلت على امي عالساعه ٦ قلت لها ولدت توقعت بتصيح او تتفاجئ بس ماصاحت ههههه
لانها بالعاده دايم دمعتها على خدها
المهم
انا اوزان اولادي فوق ٢ ونص كيلو ولا واحد فيهم الحمدالله قعد بالحضانه
وهم كويسين لكن الولد الاول فيه ورمه في يده لكن يقولون طبيعي لان لثاني كان ضاغط عليه
اما الم الخياطه اول يوم كنت ماقدر اتحرك لكن في نهاية اليوم الثاني اروح لدورة المياه بنفسي ماشاء الله والحين الالم جدا خفيف

ملاحظه ( وضعيات اجنتي الاول راسه تحت والثاني جاني معترض )

شعوري الحين مرررره خايفه ومدري كيف اتعامل معهم ومدري متى ارضعهم الكل يششوفوفني يقولي خلاص نامي شكلك تعبانه بس مو قادره

واتمنى لكم ولاده سهله وميسره

اسفه مصريه مدري مو مركزه مررره
عقبالك ياتفرحي باطفالك