ياحبيبتي ..ماتوا الأثنين؟!!
ياربية..الله يصبر قلبها..ويثبت الي في بطونا ويجيبهم بصحة وعافية ويطول بعمرهم

فواحة..
شخبارك..وينك من زمان عنك..:)

السلام عليكم
كيف حالكم جميعا..
انا بخير والحمدلله لكن وقفت الحديد ومستمره ع الكالسيوم تدرون ليه وقفته لان ما لقيت منه فايده بس امساك وطلع لي بواسير واخرتها الدم عندي 8 وقبل كان 9 خسارة تضييع وقتي فيه و3 مرات باليوم مالت عليه .. وانا اقول ليه الدوخة مستمره رحت للدكتوره وكتبت لي ابر الحديد والمفروض من يوم السبت ابدا استخدمها لكن والله مالي خلق والدكتوره قالت لي راح احس بنشاط بعد الابرة الاولى لكن مليت والله رايحة جاية ويوم ورى يوم والله تعب علي ..
كبوره اخبارك ارجعي لزوجك واتركيهم الان هم فرحانين اكيد والله اختي طلبت الطلاق وماتبي زوجها بسبب امه وخواته وندعي لها ربي يهديها انتي رجعي وقاطعيهم فترة والله بيحسون بقهر خلي علاقتك فيهم رسمية مره وربي يوفقك ..
باقي البنات اخباركم ان شاء الله كلكم بخير...

انا يابنات الحين عند زوجي

طلعت يومين عند اهلي ورجعت لاني حسيت انه

ماله ذنب المسكين بس كان هو في بالبدايه واقف مع امه مع انها اول

مره تهينني من يوم اتزوجت وزعلت ورحت بعدين كلمني وفهمني انه

فهم غلط ولازم ارجع

بس والله يابنات من يوم رجعت امس ماجيتهم ابد ابد ابد

شكلها مولعه ومقهوره الحين

وبنتها الله يكفيني شرها

والله اول وش حليلهم معي مدري وش قلبهم علي

تدروووووووووون اللي يقهر كل اللي صار اني هاوشت شغالتهم لانها غلطت علي

طلعوا كل ماوراهم ودونهم؟.

والله لو يدرون اهلي وش قالتلي خالتي وهي تهاوش كان ماقعدوني دقيقه عندهم

سلام يابنات شخباركم اليوم؟؟؟
تصدقون امس لفيت السوق ادور لي شبشب ولاصندل ولا أي شي واطي مالقيت كلها مقاسات صغيره وانا ماشالله رجلي صارت 40 او 41 تنفخت مرررررره بس الحمدلله لقيت لي جلابيه واخذتها بعد الموت وكنت اقول لزوجي خلاص وديني البيت تعبت مابي لبس للعيد في الأخير مل حتى هو وقال خذي اي شي حتى لو غاليه ..........غلاء مو طبيعي بالجلابيات وكلها تفشل فيها عشرين كيلو خرز وخرابيط
كبوره لاتعطيهم مجال انهم يقرقرون براس زوجك وانتي غايبه ارجعي بيتك وطنشيهم والله اهل الزوج مايجي معاهم الا العين الحمرااذا شافوكي طيبه استغلوكي واذا انتي واقفة لهم والله يحترمونك ويقدرونك.....اسأليني عن حركاتهم آآآآآآآآآه بس لنا عوده بعد رمضان لعرض المسلسل ههههههههه
دارين شخبارك وشخبار النونو ؟؟لاتزعلين مننا شوفيني اغيب احيانا كم يوم ولا أحد يسأل عني لأنهم تعودوا ماأدخل يوميا ...بس تراك عالبال دايما ياجميل
فواحه شخبارك وشخبار النونو الله يثبته لحزته يارب ...وعلى فكره الدوكين يجننننننن اختي استخدمته مع الريتين اي ونتائجه شي بس اتوقع ماينفع تستخدمينه وانتي ترضعين البيبي...صح؟؟؟
شيخه الملاك حرام عليكي خوفتي البنات شكل جوجو وياسمين مابينامون الليله خخخخخخخخخ
عاد انا شفت الولاده الطبيعيه عالجوال جاني مغص ذاك اليوم بس يوم شفت القيصريه بصراحه خفت اكثر احسها مؤلمه أكثر الطبيعيه الم ساعه ولاثنتين بس القيصري ياربيييييييييييي تخوف
زبيريه يووووووووووه قسم بالله تقطع قلبي عليها ياربي تصبرها عاد ثنتين مع بعض الله يعوضها يارب
ويثبت اللي ببطوننا ويعطيهم العافيه والصحه
انا لك ماني لغيرك يالله هانت وان شالله تقومين بالسلامه يارب والحين وقت المشي والمشروبات المسهله للولاده وكثري من التمر والعسل...
ام ريان سلامات ياعسل بس ليش يجيكي امساك انتي اي نوع تاخذيم من الحديد...؟ على فكره كثري من عصير الزبيب الأسود والتمر بعد مليان حديد الحقي على نفسك قبل الولاده لايجيكي نزيف الله لايقدر...
الباقين كيفكم كلكم بدون استثنااااااااااااااء :26: :26: :26: