البيالة ابشري ياقلبي من عيوني
بس انا لقيت ملف اعجبني تقريبا نفس ادوية امي بس بإختلاف بسيط
لانه موجود فيه بعض الاعشاب امي تستبعدها تقول نتيجتها مؤقتة
انا بحطه لكم بس احاول احذف منه بعض الاشياء حتى يكون سهل عليكم تجهزوه
وماتلخبطوا من كثرة الاعشاب

محبوبة
ماسمعتي الدكتور حابر القحطاني وش يقول؟؟؟
يقول ان هالخلطات كلها مالها داعي ويمكن تضر أكثر مماتتفيد
وأن الحامل مايصلحلها الا السنوت(الكمون) والقرفة والتمر وقشر القهوة والحلبة والمر
(كل شي لحاله)
وأهم شي الغذاء المتوازن
وأنا هالمرة شكلي بريح نفسي من الخلطات
لأني ماحسيت بفرق في حملي الأول
الا اني جاني القولون عقب

سعودية حبيبتي كل قول يؤخذ ويرد الا قول صاحب هذا القبر اللي هو الرسول صلى الله
عليه وسلم
وانا مااقول الدكتور غلطان
بس هذي تجارب امهاتنا وشافوا اثرها قبل ماينصحونا فيها
غير كذا انا من اول اقول انا مااعجبني نظام فيافي لان الاعشاب فيه تعدي وتغلطي من
كثرها وهذا طيعا غلط
لازم يكون برنامجك بنفاسك سهل ومريح وبنفس الوقت مفيد
انا والله امشي على كلام امي وبرنامجها وماشاء الله مخلفة 3 وكأني بنت ماخلفت
سواء من ناحية اللي بالي بالك او من ناحية جسمي
عيب نظام فيافي وغيرها من البرامج بعالم حواء ان الادوية كثيرة
عشان كذا انا بحذف الاشياء اللي مالها داعي واترك المفيد واللي انا ماشية عليه
ولحبيباتي الغاليات هنا الحرية اذا بيمشوا عليه او لا

كأنك زعلانة مني عسولة
والله أنا نفسي مترددة في هالأشياء
ودي أجربها بس أخاف منها
خصوصا أني ماجاني القولون الا بعد انفاس
وحسيت ان هالأشياء هي السبب
بس اذا كنت مجربتها بنفسك شكلي باخذ برايك
ويمكن آخذ كم نوع
والله يعطيك العافية على تعبك
واعذريني على اسلوبي قبل شوي
بس أنا ماأعرف أبين وجهة نظري بالكتابة (أصير جفسة أحيانا)
مع اني في الواقع ماأحب أجرح أحد

يؤ يؤ يؤ سعودية من قال انك زعلتيني لا والله بالعكس احنا نستفيد من بعض