السلام عليكم
كيف حالكم جميعا..
اعجبني كلامكم عن العناية بالجسم ماشاء الله عليكم...
انا استعمل الفازلين + الكركم طبعا حق الجسم من العطار والله مره تمام لكن ما استمر ان ذكرت قبل اتحمم بكم ساعه احط منه تلاحظين التفتيح بعد اسبوع لكن في حالة الحمل ممكن يخف السواد وبعد الولادة وتعديل الهرمونات بالجسم يروح ان شاء الله ..
واستخدم زبدة الشيا من بودي شوب للبطن والصدر .. وهي مفيده لكل الجسم لان جسمي فيه جفاف شديد تقولون جلد ضب لكن بجد مره مضبوط هالكريم انصحكم فيه ..
وفيه عند نكتار زبدة الشيا ريحتها جنان ..
وعندي زيت بذرة الجنين من عطار بن منقاش مره ممتاز خصوصا للهالات السوداء مع الاستمرار وللوجه عموما واهم شي تهتمون بفيتامين الحديد فترة الحمل وفترة مابعد الولادة نصيحة يابنات والكالسيوم برضو لا تتركونه بعد الولاده ضروري جدا جدا لاتتكاسلون او تهملون نصيحة لكم ..
اخذت من البودي شوب مجموعة فيتامين سي البخاخ والمرطب والجل للبشره تصدقون له تاثير فعال عالبشرة ومن تجربة صفا ونظارة وكملوها بشرب عصير برتقاله او تاكلينها ..
واخذت مجموعة من ايفون للوجه مقشر وغسول وقناع ومقشر للجسم مره روعه يعطي نعومه ..
واخذت مجموعة العناية بالقدم وحجر القدم بصراحه نتائجهم عن تجربة مره واضحة وراح استمر عليهم الى مابعد الولاده ..
بالنسبة للشعر ودي اجرب الليزر لان اللي فيني خفيف مره مره باليدين والرجلين وان شاء الله ينفع صديقتي جربت الليزر في عيادة الموعد ومره تمدح فيهم فيه احد جرب عندهم وحتى اسعارهم مره حلوه
واهم شي يا حلوات يكون لنا ملف في اي منتدى علشان نتواصل ونعرف اخبار بعض بعد الولادة
ومفكره اشترك في نادي صحي مجرب وتمام مدحوا لي اللي بالتخصصي وانا جربت اللي في باريس غاليري لكن فقط اجهزة .. ومريت اللي في لومييغ وما ارتحت لهم مدري ليه .. اي وحده تعرف منتجع صحي تدلنا عليه وتكون مجربته غير مركز الاميرسلمان بليييييييييز ..
وبالنسبة للنظام راح اتبع نظام لمو العسل احس انه سهل رغم اني جربت نظام فيافي بالبداية تمام لكن لازم تستمرين عليه بكل دورة والا كانك يابو زيد ماغزيت رغم اني قبل ما استعمل الا الاشياء المتعارف عليها تمر + رشاد + كمون+ حلبة + فلفل اسود + يانسون + مره فقط..
ومشكوره لمو مره الجدول والنظام مره مرتب وواضح بطبعه وبعطيه كل وحده حامل واقول ادعوا للي رتبته ونظمته وربي يوفقك بدنياك واخرتك ..
سمعت بدكتور اعشاب اسمه الملحم ينصح ب 3 عشبات للناس والله نسيت اسمها من ضمنها رجل الاسد.. بسأل وان عرفت كتبت اسمها لكم ...
بنات نصيحة لوجه الله ابتعدوا في نفاسكم عن المرمية شربتها بنفاسي السابق وربي انقطع الحليب قبل اكمل 40 يوم نشف صدري مره مره وهي السبب تنشط المبايض وتنشف الحليب انتبهوا اللي تبي ترضع تبعد عنها ..واشوفكم على خير..

محبوبه وعسل

يسلمو ثم يسلمو ثم يسلمو على اليدين اللي خطت كل هالفوايد

ماقصرتي والله يالغاليه واعجز عن شكرك انا علطووول فتحت

الثاني وانا مغمضه وحفظته عندي وكل نفاسي بدعيلك من قلبي

ام ريان

هلا وغلا وبشرينا عسى المغوص خفت عنك

والله قلبي معك .

ومشكوره على كل اللي كتبتيه وان شاء الله يستفيدون البنات منه

خصوصا زبووره هي اللي متحمسه

زبووووووره

كان سحرتي ابو العيال شي ثقيل يمسك قلبه نواشف ووراه دوام احس مايصلح

واحسه بيجي من الدوام وهو سايق كذا شكله خخخخخخخ

هلا فيك كبوره الحمدلله اليوم هاجده عكس البارح والله احسها انقباضات مره بالبطن اعتقد اني دخلت الثامن او على وشك ..

يوووووووووووووووووووووووووووووووووووووووه
تحمست جدا مع قصة أم بسمة بس كانت رائعة جدااااالصراحة كذا الحريم ولابلاش ماشاالله عليها...