الا يابنات
انتوا علمتوا أهلكم بنوع البيبي؟؟
ولا بتخلونها مفاجأة؟؟؟
لأن خواتي مجننيني يبون يعرفون وش الجنس
وأنا ماعلمت أحد
بس أخاف يقوم زوجي يعلم أهله أو أمه على الأقل
لأنهم اذا دروا بيعرفون الناس كلهم
زي حملي الأول

أحس عندي سوالف كثيرة ودي أقولها قبل أروح الرياض
شفتوا طاش أمس
اللي يغازل على النت
أنا احترقت لسببين
الأول هالرجال الخايس اللي مطنش مرته وقاعد يكلم بنات خلق الله
(((ومرته مبسوطة وتضحك وهو يكلمها .....لو أنا مت من القهر)))
الشي الثاني
عبير أحمد
شفتوا وشلون طالعة تجنن ماشاء الله عليها مع المكياج الخفيف
والله حسيت بالغيرة منها
وكل شوي التفت عىل زوجي أشوف تعابير وحهه
مع اني والحمدلله ماناقصني زين
بس هي صايرة خيال مع هالصبغة الفاتحة
أفكر اصبغ زيها

عسوووله ياااقلبي انتي ..

كل شي ولا زعلك عااد...

الله يجعل تعبك بميزاان حسناتك يارب ...

بس سامحيني والله مع التعب حالتي حاله الله لا يوريها مخلوووق...

.....

زبوووره ..

ذكرتيييني انتي وخشمك بوحده من صديقاتي..

والله الفجر اسال زوجي خشمي كبر؟؟؟

المسكين كان تووه غافيه عينه طيرت النوم عنه...

.........

سعوووديه حبيبتي ...

انا مجربه الحبي بعد ارادة الله قلب لي البيبي في حملي الي قبل..

والحمد لله قبل ما توديني ماما لحرمه تقول تمسك الرجول وتنفظني علشان تقلبه..

جت من ربي الحمد لله وولدت طبيعي..

السلام عليكم
هلاااااااااااا بكم كلكم اخباركم
وين يابنات رايحين وتاركين احرس لكم الرياض انا هالمره ما ودي اروح للعيد ومالي خلق اطلع من بيتي لكن البنات مجننيني يبون يروحون لاهلي وقلت لهم بعوضكم هنا بالطلعات والروحات وربي يعيني
اول مره اجرب العيد بالرياض علموني بنات الرياض وين تروحون بالعيد هنا ؟
سعودية فخورة هلابك ياغالية اسمعي الكركم والفازلين خلطة من الدكتور عبدالعال تبع الاعشاب ومدحها القحطاني دكتور الاعشاب مفيده للجسم وتفتحه لكن الكميات انتي اخلطي كركم بدره + فازلين الحجم الوسط حطي عليه ملعقتين كبار وحركيه لما ينخلط مع بعض واستعمليه قبل الحمام باربع ساعات يفضل ..وربي يسلمك علمتيني بشي مهم عن الليزر وبسأل عن الضؤ وان شاء اله الاقي فائدة

هلا بنات وش اخباركم ان شاء الله بخير ,,,,,,

تروحين وترجعين بالسلامه اختي محبوبه ................................

الله يعين بس عندي بنتي مجننتني اخلاقها زفت وانا عصيبه عليها مره يعني اعتبرها كانها مره كبيره مدري وش اسوي !

بنات سمعت تقولون عن كبة التوست ممكن تقولون عنها اورابطها وكيف طعمها .....!