شوكولاتة تويكس :

السلام عليكم اخباركم يااخواتي والله اشتاق لسوالفكم واحب ادخل والان زوجي مررررره مضغوط مااقدر اجلس على انت حتى اهلي لمن يدقو علي يبغوني اجلس عالماسنجر يقول قولي لهم انا مشغول سوسو2 وعاشقة كيد الله يعطيكم العافية وكيف احط توقيعي الشجرة عمة سدوم الله يعافي زوجك ويجعل ماجرى له تكفير لذنوبة ويمكن انها خيرة لكم تبعدون عن هالديرة بنات محتارة وش اخذ لبس لي للعيد مالقيت ودي اسال الي تعرف او هي الان بالسعودية كيف اسعار الماركات هناك بالسعودية حلوة والا غالية وكيف البضاعة عارية والا زينة وعارفة انها برمضان راح تندبل الاسعار بنات ماتعرفون عن شمالية اخبارها غريبة مررررره غاطسة عنا ولاغربة ماتدرون عنها

السلام عليكم اخباركم يااخواتي والله اشتاق لسوالفكم واحب ادخل والان زوجي مررررره مضغوط مااقدر...

أم عزيوه :

> ميمي < الله يعافيك ليدي الامورة الشر ما يجيك يا قلبي تسلمين وبالنسبة لابنك الله يحفظه غريبة باقي ما عطيتيه حليب فرش؟؟؟ يا أختي غالي وكله مواد حافظة وأشياء صناعية ما فيه مثل الطبيعي أنا على طول أو ما كمل سنة وقفت الحليب البودرة وأعطيه فرش عادي أي نوع الغالب قليل الدسم الأخضر وساعات أعطيه كامل الدسم الأزرق أما حليب النكهات ما كد جربته بس موجود وفرش بعد من انتاج التسكو او السينسبريز فيه فراولة وشوكلت وموز وفيه نسكويك شوكلت وفراولة ونصيييحة انتبهي تحلين له الحليب بالسكر او بأي شيء خليه يتعود يشربه عادي ترى مو زين لا لأسنانه ولا لصحته والحجز لازم تستعجلون ترى كل شيء فللللللللللللل جمانة هلا بك الله يسلمك يا قلبي الله يحفظ لك بنوتتك ويخليها ان شاء الله ما بها إلا كل خير أو تسنين على قولتك لا تقعدين توسوسين بس لا تهملين الحرارة عطيها خافض وكمديها بماء وخل صدق خلهم ريحته :09: بس الشكوى لله كمدي راسها وجبهتها (ومصافط) رجلينها ويدينها يعني المكان اللي ورى الركبة وورى الكوع وكثري لها سوائل وإذا بغيتي تتطمنين أكثر راقبي لثتها ترى أنا اول شيء انتبهت له اللثة كانت حممممممممراء ومورمة ولينة مو قاسية وتحسين اللثة ابتعدت عن الاسنان التسنين تكون ورمته قاسية وتكون اللثة منشده ولونها على ازرق او بنفسجي وتقدرين تشوفين راس السن لا قرب يطلع ولا أحسن من المرة افركي لثتها يمكن يكون سن بيطلع او مستشم الله يطمن قلبك عليها يارب ولدي لو -استغفر الله- الدكتور عرف له من اول كان ما تطورت الحالة بحبوب وتورم للغدد الحمد لله والشكر على كل حال المال المبارك الله يعافيك ويجزاك خير OoفراولةoO هلا بك الله يحييك بيننا ويهون عليك يارب وتوصلون بالسلامة بالنسبة للحجاب أنا رحت وفصلت وحست يا العباية قماشها يتنتش يا يا ... بس آآآخر شيء ريحت راسي يوم جيت زيارة للسعودية رحت لمحل عبايات وقلت ورني عبايات الكتف بدون زخارف وزينة وشريت كم عباية سوداء كتف شيء مسكر وزي الكاب وشيء مفتوح وتصكينه بطق طق وشيء زي اللف وكلها واسعة وغير مخصرة حتى أخذت وحدة حسيتها ضيقة شوي رحت وأخذت المقاس اللي اكبر مني وخليته يقصرها لي و والله ارتحت من فصل لا تفصل وأخذتهم معي وأنا طالعة بلا انتظر ولا تنتظر وأخذت لي كم شال ملون وطابقت معهم البندانة اللي تجي عالراس تمسك الحجاب وأخذت لي كم لثام مطابق ألوان الشالات وبس وساعات آخذ اللثام نفس لون البندانة الشالات والبندانات أخذتهم من طيبه ومن أسواق المجد وإذا تبين أعلمك كيف البسهم ؟؟ ما عندي مانع وإذا برأسك تلبسين ملون وتفصلين فيه بنات يأخذون قماش ويفصلونه زي عباية الكتف عند أي خياط و ب 30 ريال مو لازم تصرفين فلوس على حقين العبايات اللي بصراحة بعضهم طماعين وفيه محل بطيبة اسمه الشيخة او شيء زي كذا يفصل ب 50 ريال وعنده الوان واشكال وعنده أشياء جاهزة بس اقمشته ما اعجبتني أول مرة يوم افصل رحت وشريت القماش وحطيته عنده وخليته يفصل اللثام من نفس قماش العباية وكل عباية معاها لثامين واحد مغاط وواحد زي الحزام أنا اربطه على راحتي لإن المغاط يضايق بالنسبة للحضانة ترى جدا غالية تقريبا 700 باوند بالشهر بس فيه حريم عربيات (مصريات ، ليبيات) يأخذون على 150 باوند وطالع بس ما أعرف احد ببرايتون :( ودراسة اللغة غير محتاجة أي شهادة ولا تحتاجين تترجمين شهاداتك إلا إذا ناوية تكملين دراسة وبأقول لك على شيء للبيبي اشتري له عربية حلوة وقوية وتكون من النوع اللي لانام تقدرين تنزلينها وأحرصي ما تكون كبيرة لأن بصراحة تبهذلت عندهم عربياتهم الزينة مررررررررة غالية عربية ولدي كبيرة واتبهذل لا طلعت ورحت وشريت له صغيرة من عندهم بس ما انتبهت إنها ما تنزل إذا نام وتصير رقبته مايلة وإذا ناوين تشترون سيارة يفضل تجيبين معه برضوه الكارسيت اللي هو مقعد السيارة وتقدرين تأخذينه معك بالطيارة وتنومينه فيه لأن الطريق طويل وسريرهم مش ولابد فيه نقطة عالكارسيت خذي شيء يناسب ابنك لا كبر يعني هو الكارسيت يكون انواع شي من عمر 0 إلى سنة وشيء من عمر سنة إلى 4 سنوات يختلفن يعني وممكن تلقين من سن 0 حتى اربع سنوات والبرد يا حبيبتي بالبيت فيه دفايات بس لا طلعتي تبردين جيبي لك وللبيبي ولزوجك كم بجامة داخلية وحطي ببالك ان البيبي راح يكبر يعني نوعي المقاسات ولا تكثرين انا ما جبت لابني يوم جيت بس صرت ألبسه بجامة البيت وفوقها لبسه حق الطلعة وجاكيت وساعات لو كان مرة برد البسه بجامتين ولا تكثرين لبس ترى اسعارهم ما تفرق عن السعودية وساعات تكون ارخص أنا في الشتاء ألبس بالطو أو جاكيت فوق العباية ولا تكثرين لك لبس طلعات انا ما إحتجته الا مرة او مرتين ومالبست من اللي معي رحت شريت لأني مليت اللي معي لبسي 24 ساعة جنز وبناطيل واستر من التنورة تحت العباية وحتى لو طلعت اجتماعات السعوديين ما أشيل العباية سوري يا قلبي طولت عليك بالكلام ام عبدول لندن ملياااااانة شركات شحن وعربية بعد أنا كد طقطقت بقوقل وطلع لي كم شركة بس ما أعرف وش الثقة أكتبي بقوقل شركة شحن من بريطانيا

> ميمي < الله يعافيك ليدي الامورة الشر ما يجيك يا قلبي...