كيفك ام نور واسراء انا فلسطينية وعندي بنتين وولد وصارلي 4 سنين في المانيا بحاول اتعلم اللغة باخذ كورس لغة حاليا وعالنت بدرس شوية

blue sky والله اهلا وسهلا وانا كمان من غزة ,وانا كنت مفكرة انه نسكن بهاي المنطقة الي حكيتي عنها تكون قريبة من الاكاديمية وان شاء الله بتتسهل امورنا وتمشي متل نا احنا عايزين ,واكيد ادا نقلنا بون ان شاء الله بنتعرف علي بعض اكتر ,وكمان انا بنتي بيدرسوهم هنا تربية اسلامية بس كتير قليل ,بس هان مافي عندها صحبات عربيات بسنها وطول اليوم مع صحباتها الالمان وانا مش عجبني هيك بس اكيد ما بقدر امنعها ,يلا ان شاء الله بتغيير الوضع

ام نور واسراء
شكرا حبيبتي وان شاء الله بتتسهل امورنا,وصحيح هان التعامل مع كل الاجانب كتير صعب وناس جافه اكتر ماتتصوري بس شو نعمل لازم نتحملهم ,احنا اليوم الي بنروح نجدد الاقامه بيكون كتير صعب بس من معاملتهم والهم هان اجراءات احتياطيه بس بالجنوب بيعملوها وما بقدر اوضح اكتر شو هي بس شي ضد المسلمين خصوصي يالله الله بعين

behined the moon هلا والله طلعنا بلديات ان شاءالله بتيجي هان واكيد بنتعرف على بعض ان شاءالله
بنتك في اي صف ؟انا ابني صف ثاني و بنتي هذه السنة بتروح المدرسة ان شاءالله
ام نور واسراء مزبوط كلامك معروف كل ما اتجهتي للجنوب العنصرية الله يهون الغربة عالجميع يارب

هلا والله بكل اهل غزه
يالله خلوني معكم
انا كمان فلسطينيه بس مواليد الاردن
الله يخليكم ولادكم
وتتسهل اموركم وتلتقوا في بون عن قريب ان شاء الله
كم عمر بنتك يا بيهايند ذمون
انا بنتي العكس بتروح وتختلط مع العرب اكثر
واحنا كمان العرب هون كثير
وكل شي بدنا ياه من المحلات العربيه متوفر عند الاتراك

سلامي للجميع
بنوتات التجمع
لا تطولوا الغيبه ضلكوا طمنونا عنكم

انا بنتي عمرها سبع سنوات وبالصف الاول وابني في شهر سبتمبر بيفوت صف اول هما بينهم فرق سنتين بالعمر بس بنتي راحت عليها سنه لانها مواليد شهر نوفمبر بس مش مشكله .وعندي كمان بنت عمرها 3 ونص بتروح الكندرجارتن,وانا اولادي بيحبوا يصاحب اطفال عرب بس مافي كتير بعمرهم وادا في ساكنين بعيد واصلا مافي كتير عرب عندي