ام نور واسراء :

هلا فيكي اختي اماني والله ما عندي اي معلومه بهالخصوص لاني مو ببرلين اتمنى من الاخوات اللي مر معهم هيك شي يفيدو الاخت اماني عزيزتي زوجك جاي هون يكمل دراساتعليا ام بس لغه وانت من اي دوله عربيه

هلا فيكي اختي اماني والله ما عندي اي معلومه بهالخصوص لاني مو ببرلين اتمنى من الاخوات اللي مر...

blue sky :

سلام بنوتات كيفكم اليوم انا عندي كسل مش طبيعي اليوم هلا فيكي بس والله ما عندي فكرة ان شاءالله البنات اللي في برلين يساعدوكي وان شاءلله تلحقي زوجك بالسلامة moony78 وbehined the moon شكلكم انتوا كمان نمتوا امبارح كيفكم اليوم وين ما طليتوا علينا جيزانية نصيحة اقبلي الدعوة من ام نور وما تفوتيها :) ام نور كيفك الله يعينك يعني حتغيبي عنا اليومين اللي جايين شو جهزتيلهم الغذاء ولا لسة يافوية كيفك اليوم

سلام بنوتات كيفكم اليوم انا عندي كسل مش طبيعي اليوم هلا فيكي بس والله ما عندي فكرة ان شاءالله...

يافاوية65 :

السلام عليكم ياحلوين إن شاء الله يكون يومكم حلو اليوم الشمس مشعة والجو لطيف، الصبح كان عندي موعد مع دكتورة الأسنان علشان فحص وتنظيف والحمدلله مر على خير، أنا دائما بخاف من دكتور الاسنان، ما بعرف ليش... Behind the moon ان شاء الله تكون العملية سهلة وما تتعبي بعدها ، اكيد راح يكون في وجع وانتفاخ، انا بتذكر انو وجهي نفخ وقعدت كم يوم ما أكل غير اشياء سائلة، بس بيني وبينك احسن لك ، تخيلي بدك تعملي بدون عملية، يعني 4 مرات تروحي وتخلعي ضرس، وبعدين تشوفي وتحسي كيف بيشتغل الدكتور يعني حتى لو في تخدير، بالنسبة لي افضل اني ما اشوف واسمع شو بيعمل دكتور الأسنان.. بالنسبة للغة انا الحمد لله كمان خلصت 6 شهور لغة وأخذت شهادة B1 وبعدين درست كمان 4 شهور اكثر يعني عملت mittelstufe كمان، بحس حالي كويسة الحمدلله، زوجي بيقول اني كتير كويسة، بس انا بدي احكي بدون اخطاء، المشكلة بتكون اني ما عندي حصيلة كلمات كتير بالألماني بتلاقيني على طول بقلب انجليزي، بس الحمدلله أنا من زماااااااااان بروح لحالي على كل الأطباء، يمكن بعد 3 اشهر من حضوري هنا، وصدقيني هيك اتعملت احسن. وعلى فكرة انا كمان زيك في شغلات الشكل والبشرة والشعر ما إلي دخل بالمرة.. بتعقد لما اشوف شو بيعملوا البنات، وبسأل حالي احيانا ممكن الواحد يتعلم يعمل هيك ولا هي مسأله هواية.. أماني الله يوفقك وتلاقي واحدة من برلين تقدر تساعدك، بس انا مش فاهمة كيف يعني (مش سامحينلك ترافقيه) حاسة انه هذا الشيئ غريب، ربنا يوقف معك موني نعيما ان شاء الله، عقبال عنا ، بس زي ما حكيت لك هنا مش عارفة ألاقي صالون خاص للنساء، او يمكن موجود هنا عند مناطق الأتراك بتوقع، بس دايما بقول خليها لما أنزل على عمان أضمن، شعري مشكلته انه ناعم وخفيف، وبحس ما بينفع معه إلا قصة الكاريه، انا نفسي زهقتها، بس أحسن لي لأني بصراحة ما بعرف اتعامل مع السشوار يعني ما بعرف اتفنن، اذا خليه على العادي احسن أم نور الله يعينك ان شاء الله على الضيوف، بس حاولى من اليوم تحضري حالك بخصوص الأكل، انا يعني مثلا بحاول يكون عندي دائما في الفريزر لحمة مسلوقة وجاهزة، أو لحمة مفرومة مقلبة، أو دجاج منظف أو حتى مسلوق، ما تصدقي قديش بتساعد، وان شاء الله تكون صحتك احسن علشان ما تنزعجي كتير blue sky انا ماعرفت انتي وين ساكنه، يمكن بعرف بس وين ام نور، بس الباقيين لا، عندكم صالونات خاصة للنساء، وجلسات للبشرة كثير حلو... ومعك حق تماما مرة احباط ومرة انبساط، وعجبتني جملتك والسبب في كلتا الحالتين مجهول :) جيزانية اسعد الله اوقاتك، بحب كتير احكي معك ومع الصبايا، بس للأسف ما عندي فرصة غير 3 رسائل في اليوم، وامبارح بالليل كان الموقع كتييييييييييييير بطيئ وكنت لازم اروح انام. تحياتي القلبية لكل المتواجدين

السلام عليكم ياحلوين إن شاء الله يكون يومكم حلو اليوم الشمس مشعة والجو لطيف، الصبح كان عندي موعد...

behined the moon :

السلام عليكم صبايا ,كيفكم ان شاء الله كل شي تمام ام نور واسراء شكرا حيبيبتي, الله يخليليك بنتك ويحميهم يارب ويعني ديما عندك واكيد بنتك امورة لانه كل الي بعرفهم واسمهم ديما بيكونوا ماشاء الله عليهم ,بس ان شاء الله ماتكون مغلباكي زي ديما الي عندي ,بنتي هدي عن عشرة والله ما ببالغ ,عقدتني انا وابوها بنت صعبه وعنيده جدا ,الله يهديها . وبالنسبه لغدا اليوم حبيت اغير واعمل اشي جديد اصلي بزهق من الطبيخ العادي وبطلت احبه ,المهم ياريت ما غيرت وابتكرت عملت رز مع كبده وبابريكا شوفتها بالنت ,وماعجبت حدا واضطريت اكل لوحدي والله يسامحنا علي الباقي ,مع انها مش سيئه وانا عجبتني وزوجي قالي ما تعيديها ,يالله حرمت خليهم علي الطبيخ احسن .وانت جهزي حالك اليومين الجايين لانهم بدهم اهتمام زائد عزابية ولازم تهتمي فيهم ,شو ناويه تغدي وتعشي وتفطري يا مسكينه يافاويه صحيح كلامك مزبوط اعملهم مره واحده وانا في البنج اهون .لاني مجربه قبل هيك ,مرة دكتور عربي الله يسامحه اتشغل فيه ساعتين قص وحفر وخياطه وبالاخر كله غلط يومها كنت حاروح وانا بين ايديه ,واليوم روحت وعملت كل التحاليل والفحوصات اللازمه قبل العمليه والله يسهل blue sky كيفك ,صحيح امبارح روحت نمت مع اني كنت ناويه اسهر بس قرات قصه وحده بالاسريه ومتت خوف روحت نمت جنب زوجي احسنلي اعتقد انه مابينفع ,انت زوجك طالع منحه دراسيه صح ,وهما بيشترطوا انه يدرس لغه لوحده.وصعب تتطلع لوحدك لانه لازم تامين صحي وكفاله ماليه وهان كل شي بيعقدوه الالمان ,انا استنيت زوجي 6 شهور بعدين اجيت المانيا ,بدك تتحملي هالفتره

السلام عليكم صبايا ,كيفكم ان شاء الله كل شي تمام ام...

alfurkan2 :

اهلين ام نور انا الحمدلله بخير وعليك العافية بس مارحتي على الدكتورة هون مشان حساسيتك انا ياستي حامل :icon33: ومابعرف اذا بقدر انزل هالسنة مع انو المفروض انزل على امتحاني باول شهر 6 وهي اخر فرصة الي اذا ما نزلت فصلوني :icon33: بدي اسالكن من يومين كنت عند الدكتورة اول فحص لسى الحمل باول شهر قالتلي انو البيبي صغير لسى ومافي نبض هاد ممكن عادي لسى بكير تشوف النبض بس قالتلي انو في دم بالرحم وقال هاد نشت نورمال وشلم وقال بدنا نستنى 10 ايام ونشوف شو رح نعمل :icon33: قولولي حدا بيعرف شي عن هالموضوع ودعواتكن انا مو زعلانة على البيبي الله بيعوض ان شاء الله زعلانة خايفة يمنعني الحمل من السفرة بعد غياب 3 وسنين ونص الله يستر

اهلين ام نور انا الحمدلله بخير وعليك العافية بس مارحتي على الدكتورة هون مشان حساسيتك انا ياستي...