ஐ.˛.๏¨¨° نقص وزني 95 الى 68 هذي هي تجربتي وقصتي °¨¨๏.˛.ஐ

نجي لقصة نقص الوزن عندي من 95 الى 68 وكيف صارت

طبعا قبل كان وزني في الستينات وشوي شوي مع الاهمال طلع السبعينات وريجيم ورياضه وارجع انحف واخرب وارجع اطلع اكثر وهكذا حتى وصل وزني للاسف التسعينات :boom:والسنه الماضيه وبشهر رجب تقريبا او شعبان تعبت فجأه تعب مو طبيعي كذا حسيت بكتمه وضيقه في الصدر وكان وقت الفجر بدايه التعب فجر الجمعه ونزلت على اهلي ودخت عليهم حسبت اني راح اموت وبعدها ابتدت رحلة تعبي من مستشفى لمستشفى من مكان لي مكان الله يجعله تكفير امين كرهت غرفتي كرهت بيت اهلي طول الوقت نايمه بالصاله على الكنبه ما احس في احد انتظر بس الموت الله لايعيد الا الخير امين يارب العالمين كانت معاناه ماعاد ادري عن احد بناتي اشوفهم وابكي اقول شكلي ما راح الحق عليهم وكل يوم اودعهم وزوجي اكلمه وابكي هو مسافر برا وحالتي حاله امي تبكي خواتي عندي مايدرون وش يسون المستشفيات تحاليل واشعه كل شي سليم بس يلقون التهاب بسيط جدا في البول يقول الدكتور مستحيل يسبب لك هالاعراض الى مادخل رمضان 2009 تعبت اكثر اكل خلاااااااااااااااااااااص ما ااااااكل الا بس من الخوف اخاف يغمي علي على الفطور بس تمره او ثلاث بالكثير وبالغصب شوربه صحن صغير صحن اطفال وعليهااااااااااا الى السحور اكل جبنه وحده مثلثه عشان ماينخفض الضغط وقطعه من اي شي فيه سكر عشان ماينخفض السكر وما اذوق النوم الا الصبح كم ساعه وبعدين اقوم انواع التعب والبكى والالم وخفقان شديد وساعات اطيح على اهلي فجأه وزوجي ما قدرت اروح له جا في اخر رمضان وبناتي ماعاد ادري عنهم مثل المغشي علي ما احس بااحد وكل شوي اروح للاسعاف :11retcherويلاقون كل شي سليم قلت بس هذا الحق ياربي لك الحمد على الصحه والعافيه فعلا العافيه هي الحياه نعمه من الله يارب لك الحمد وفي اخر رمضان جاني شيخ يقرى علي في البيت تعبت بعد قرايته كثير وبعدين بديت اصحى الله يجزاه خير ويوفقه طبعا هذا بفضل الله اولا والحمدالله صحيت شوي على جيت زوجي وكان وقتها لي سنه ماشفت اهل زوجي وبعض من اقاربي لانه كانت عندي حالة اكتئاب من السمنه وزاد علي التعب اللي تعبته وقتها نقص وزني بس في شهرين بدون رياضه من 95 الى 80 بس طلع لي ترهل لانه بدون رياضه :7_5_127:وبسرعه وهذا اللي ضايقني لانه انا من قبل كنت لما اسوي ريجيم العب رياضه وكان جسمي شاد ويجنن تحسينه ناعم وشاد ماشاء الله تبارك الله :heart: بعد ماصحيت شوي من الحاله اللي جاتني والتعب بديت اكل بس على خفيف معدتي وقتها ماصارت تتحمل ابدا اكل زياده بمجرد ما ازيد في الاكل يجيني مغص واسهال على طول :icon810::icon810:وصرت اخفف اكل واكل بس من الخوف لا يجيني شي يعني اي شي بسيط يسد جوعي فعلا بنات اللي يعود معدته على الكل الخفيف انا اشهد انها تتعود غصب بس مو شغلة يوم يومين لا شهر المهم بديت الحمدالله اتحسن وبصراحه بديت انتبه لنفسي ولعلاقتي مع ربي تركت الاغاني وتركت المسلسلات والعبايه على الكتف والشغلات اللي مالها داعي :icon29:بس بصراحه اللبس وقتها ماشددت عليه كثير كنت البس قصير وبنطلون الله يتوب علينا بس عند اهلي وحمولتي وجماعاتنا وبديت افرح بوزني اللي نقص وصرت انتبه لاكلي وصايره اتعشى بدري على الساعه 9 بالكثير في الازمات الساعه عشره صراحه كنت حتى في العزايم اقولهم معدتي تعبانه ما اقدر ولو تعشيت متاخره هذاك اليوم الله لايوريكم انواع التعب والتخمه لانه خلاص تعودت عشاي بدري واكلي خفيف لحد ماوصلت 75 بدون رياضه بس شغل البيت طلعة درج طلعة سوق وفرررررحت انتبهو الناس علي صار كل اللي يشوفني يقول وااااااو وش اللي صار نحفتي استمري وشذا الرشاقه ومن هنا ومن هنا كلام صار يخلي الواحد يستانس وانبسطت بداية سنة 2010 والحمدالله رحت لزوجي وانبسط على نحفي وصرت اروح واجتمع مع الناس واعوض الايام اللي راحت في عزله وتعب يالله لك الحمد كما ينبغي لجلال وجهك وعظيم سلطانك وصرت البس واخذ راحتي باللبس بس كان في بالي الستينات ما ارتحت لانه احلى الستينات واكثر رشاقه بس بصراحه وقت تعبي كنت اقول ياليتني سمينه وبعافيتي ولا اني انحف وانا تعبانه وتذكرت كلام امي وتمنيت الزمن يرجع واسوي ريجيم براحتي وبعافيتي بدون تعب وقلت تووووووووووبه اعيب في شكلي ولا في جسمي اهم شي العافيه وكل شي بعدها يهون الملابس وساعة الصدر لاحقين عليها بالراحه ماله داعي ضيقات الصدر والكابه والحزن كانني مريضه بمرض خطير ولا معاقه يالله لك الحمد يارب الله يشفي كل مريض وكل عليل ويرزقه الصحه والعافيه وبعدين قبل اسبوعين تقريبا او اكثر شوي قبلها كنت تعبانه عندي التهابات شديد في البول وفطريات عالجتها بس عندي الام ودوخه واحس بمغص بس قلت اطنش ماراح اوسوس جا العيد وبدا اللبس والحركات ولبست ايام العيد لبس ضيييييييييييييييييييييق وطويل الله يتوب علينا بس والله يابنات اني كنت خايفه من لبسها اولا من الله ثم ثاني شي من عيون الناس لاني بعد نحفي اول مره البس لبس يبين مفاتن جسمي واضحه كان استرتش وتعرفون الاسترتش الله لايعيده يطلع المستخبي المهم وبعد صراع مع نفسي غلبني الشيطان حسبي الله عليه ولبسته وزني وقتها 73 ويوم لبسته ودخلت على الناس العيون كذااااااااااااا :surprisedواللي يقول وش الرشاقه هذي وش الاجسام الحلوه ومن هالكلام والنظرات وقتها طقتني ام الركب :unsure:ونسيت وسليت وبعدها بكم يوم يسالوني من وين شريتي الفستان جسمك كان ماشاء الله يجنن تبارك الله المهم انبسطت صراحه بس كان قلبي قارصني من هاللبس بس الحمدالله لعله تنبيه عشان مره ثانيه الواحد يلبس لبس عادي ومحتشم مو لازم ضيق وبربسه المهم بعدها باسبوع او اثنين طلعت لي ورمه وانقلبت حالتي والورمه في اعلى الفخذ وبعدين اكتشفو اورام ثانيه في الكبد فجاه كذا يابنات بس يالله لك الحمد والشكر على كل حال المهم في خلال هالاسبوعين ومع الروعه والخوف والقلق انسدت شهيتي مره وحسيت بنفسي ناقص وزني طلعت لقيت وزني مابين 69 و68 في اسبوعين من التعب والخوف الله بس يجعله تكفير وتطهير الهدف انه يابنات لاتستعجلون ولا تجيبون لاانفسكم مشاكل انتم في غنى عنها واحمدوا ربكم انه مشكلتكم سمنه وبس ماتتخيلون قد ايش الصدمه اللي حسيت فيها وقت اللي قالو لي انه فيني ورم تعبت نفسيتي وظلمت الدنيا في عيني وتحسفت على كل يوم راح في ضيقات الصدر والهم والاكتئاب على اشياء ماتستاهل على سمنه ولا على مشاكل وصرت ادخل على الناس اللي عندهم اورام واشوف حالاتهم واشوف بعضهم ماشاء الله تبارك الله صابرين ومؤمنين واصبر نفسي واهديها واقول ابتلاء وامتحان ولعله ان شاء الله حميد لانه المرض وحده هو اللي يخلي الواحد يتعب ويكتئب الله يشفينا ويشفي مرضى المسلمين والله اذا صار الواحد بعافيته خلاص يحمد ربي ويشكره ليش الزعل ليش الهم حتى المشاكل ماتستاهل يابنات الواحد يزعل نفسه ويعقد نفسه كلها محلوله عشان كذا انصحكم بالتأني وبالعزيمه وبالاراده والثقه والخوف من الله والنيه الحسنه والاحتشام ولايكون هدفك انتبهي عشان والله تكونين احلى من فلانه ولا عشان تقهرين فلانه ترى ماراح تنحفين اذا كان هذا قصدك اجعلي هدفك انك تبين تكونين بصحه وعافيه عشان تقومين بطاعة ربك على اكمل وجه وانتي خفيفه يازيييييييييييييييييييييييينه من هدف

برررررب

اب

ماشاء الله عليك الله يجزاك خير

صحيح كلامك حنا دايما نربط سعادتنا وناستنا اذا ضعفنا

على انا اشكالنا مقبوله وحلوة بس النفس صعب رضاها ولا يكمل عليها المزاج والعصبيه صدقتي يااختي

وكلامك درر

كملي قصة نجاحك وبالتوفيق مسبقا

اخيــــــــــــــرا وليس باآخر بيننا ان شاء الله نصائح لك من تجربه اذا كنتي تبين نحف حلو وصحي وبشكل حلو بدون ترهلات وبلاوي :freak6::freak6:ومن خلال تجربتي :

اولا قبل كل شي تقوى الله والخوف من الله وتذكري ان الله ماتخفى عليه خافيه

ثانيا التخفيف التخفيف ثم التخفيف مو الحرمان يعني كل شي باعتدال فعلا لها دور

الرياااااااااااااااااااااااااااااااااااااااااضه ثم الرياضه :7_5_131::7_5_127:حتى ماتدخلي في مشكله ثانيه اللي هي الترهل لانه بصراحه مو حلو النحف بترهل عندي سمينه وشاده ولا نحيفه ومترهله

العشااااااااااا بدري قبل الساعه تسعه افضل من تجربه صدقوني بنات لها تاثير غير طبيعي

وعليكم بالفواكه والخضار وخصوصا البروكلي والخس والجرجير بنات ترى من جد الاكلات الدسمه ترى مضرررررررررررره بشكل غير طبيعي من جد تسبب امراض ومشاكل والخلطات الحاره والمسبكه خففيه قد ماتقدرين انا كنت اتعشى برا كل اسبوع او اسبوعين واحيانا اطول يعني ما احرم نفسي واكل كيك ومافن وحلويات وشيبسات بس بصراحه بديت اقطع فيه بشكل جدي لانه تاثر على الاورام وتزيده وتنشطها عشان كذا استبدلوها بالفشار اللي تسونه بالبيت والكيك سووه بالبيت وعلى فكره رمضان هذا كنت مبسوطه فيه الله يعيده علينا بالصحه وبالعافيه كنت اكل لقيمات وما احرم نفسي بس اخفف بصراحه واتسحر بدري والحمدالله مازاد وزني :2thmup::2thmup:

وحاولي تشغلين نفسك باشياء مفيده عشان تنسين سالفة الاكل :3_13_12:وانا اضمن لك بعد الله اذا تعودتي على الكل الخفيف صدقيني بتصيرين ماتشتهين الاكل واذا جعتي بمجرد لقمتين ثلاث تشبعين بسرعه تجربتتتتتتتتتتتتي انا اعتمدي عليها:icon18:

والتمر انا صرت افطر عليه سبع تمرات احس انها تقويني ومفيد بعد ومافيه كيماويات

والصبر ثم الصبر ولا تستعجلين وشوفي النتائج المبهره:biggthump

وابعدي عن الحبوب غيرها من الاعشاب اللي غير معروفه ترى تتعبك وتضرك انتبهووووووووووووووووووو :icon8:


وترطيب الجسم بزيت زيتون او جلسرين حتى يصبح الجلد مرن ومايتشقق او اي كريم مرطب

والنوم بدري روووووووووووعه انا من التعب انام بدري واصحى مرات قبل الفجر اصلي الوتر والله راحه نفسيه وعلاج لامراض كثيره

اسفه طولت عليكم بس كنت حابه انصحكم واحكي لكم تجربتي لعلكم تستفيدون
بالنهايه دعواتكم لي بالشفاء العاجل وانه نتيجة الاشعه تطلع سلميه ويطلع غلط في التشخيص او ورم حميد ياااااااااااااااااااااارب ياكريم بكره اشعتي بالصبغه اخذت حبوب الكورتيزون اليوم ويارب يجعل الصبغه برد وسلام ويفرحني ويطمن قلبي بالنتيجه وتكون مطمئنه امين يارب ويرزقني حج بيته الحرام امييييييييييييييييييييييييييييين يارب العالمين ويشفي كل مريض ويرفع عنه امين يارب


اللهم اغفر لي ولوالدي وللمؤمنين والمؤمنات والمسلمين والمسلمات الاحياء

للرفع