يا مساء الورد والفل والياسمين على عيون اغلى الغاليين
ها الموضوع اهداء مني لمعلمات الاجيال فديتهم واقول لهم الله الله باالبنات في فترة الاختبارات راعوهم باالتصحيح والدرجات الله يسهل عليكم سهلوها :biggrin:
قبل لاابدا بعرض الملابس عندي بعض الملاحظات.....
اول شي نجي حق الميك اب بما ان الدوام راح يكون فترة الصباح راح نبتعد عن الوان الآى شدو القويه مثل الفوشي والازرق والتركواز ونفس الشي الارواج الفوشي والاحمر
راح نستبدلها باالاالوان الطبيعيه مثل الزهري اللحمي
ونفس الشي الآى شدو راح نختار الدرجات الترابيه او الرمادي وراح يوضع بكميات قليله مع اني افضل الماسكرا والكحل والروج فقط بس اذا انتو ماتستغنون عن الآى شدو ممكن تستخدمونه بس مثل ماقلت بكميه قليله وباالدرجات الي حددتها.
لاني اشوف مناظر في المدرسه عجيبه !!!!!!! تجيك وحده مليانه وبصحة ولها كرشه ومفقصتن نفسها بــ بلوزه استرتش ياالله لاتضيق علينا ويصير شكلها كذا ياالله لاتعاقبنا وش حادك!!!!!!
ولا البلايز الي قصة الصدر وسيعه والصدر نصه طالع احسها ماله داعى ها البلايز!!!!! ومكانها مب في المدرسه راعو ان فيه مراهقات في المدرسه هاذا غير شكلها المقرف :icon8:
ثالث شي الجزم تكرمون المفروض ماتكون مشغوله بشك او كرستال حتى لو شي بسيط ولايكون فيها موديل يفضل تكون ساده وخامتها جلد لان الجلد عملى اكثر من الخامات الثانيه
اخر شي الاكسسورات ياليت تبتعدون عن الاكسسورات الكبيره مثل العقود والحلق والأساور الكبيره والاطواق المشغوله باالكرستال ونستبدلها باالشغلات الناعمه.
راح تلاحظون التنانير إلي عرضتها كلها ساده وانا افضلها ساده بدون قصات وموديل حتى ماتقيدني باالبلايز اما البلايز انا اخترت الواسعه من عند منطقة البطن ودخلت في التطقيمات الجاكيتات ومعروف عن الجاكيتات انها تنحف وتخفي عيوب المنطقة العلويه من الجسم الزنود, والصدر, والبطن, اما باالنسبه للاالوان انا افضل الاالوان الهادئه للدوام اما الجزم تكرمون لكم حريه الاختيار إذا انتو من محبي هاى هلز(الكعب العالي)
او من محبى الفلات وبما ان التنوره راح تكون سودا المفروض راح يكون عندك اللون الاسود وممكن اللحمي والبني والكحلى ها الاالوان عمليه وراح نستخدمها كثير اما إلي عندها مشكله مع الكعب العالي ممكن تستبدلينه باالفلات الساده او الجزم الطبيه المرتفعه مع اني الفلات ماافضله لان الطالبات راح يكونون لابسين الفلات.
وفــي الــخــتــام اتــمــنــى انــو الـــمـــوووضوووع يحوز عــلــى اعــجــابــكــم <<< اما يحوز خخخخ متعوب عليها :biggrin:
الحين انطلقو والي مايشتري يتفرج :biggthump