اللهم لك الحمد كما ينبغي لجلال وجهك وعظيم سلطانك ..
مساكم الله بالخير
طول الـ9 شهوووور وانا مسنتره بهالقسم ..ومتابعه لمواضيعه ..
والحمد لله استفدت منه كثييييييير والفضل لله سبحانه ثم للبنات اللي يحبون الخير لغيرهم ..ويفيدون الغير بتجاربهم من بداية الحمل ليييييين وقت الولاده ..
عاد انا مثل ماأستفدت الشي الكثير جيت افيد غيري ولو بالشي القليل ..
واليوم حابه اقولكم عن تجربتي وولادتي بمستشفى بروكير((الرعايه))
وهذي صورة المستشفى >>>ماخذتها من النت
من اول ماعرفت اني حاااامل ترددت كثير باي مستشفى اتابع وأولد ..خصوصا عندنا بالشرقيه مافيه خيارات كثيره وأغلب مستشفياتنا قديمه وبعضها خدماتها مش ولا بد >>ماتبي تقول المواساة
ولادتي الاوليه كانت بمستشفى سعد والحمد لله تجربتي معاهم فوووق الممتازه من ناحية الدكتوره والخدمات وكل شي ..لكن اللي ردني عنهم هالمره اسعااااااااارهم
رفعوا اسعارهم بشكل خيالي صارت الدبل وانا ولادتي الاوليه عمليه ونسبة احتمال الولادة القيصريه الثانيه 50%
وسعر الولاده القيصريه عندهم تقريبا ب 16 الف >>> حشى اجااار شقه لمدة سنه
عشان كذا طنشتهم ...
سمعت بمستشفى بروكير لكن مافيه احد من قرايبي او صديقاتي جربوووه ..قلت اجازف واروح لهم بما انهم الافضل بنظري بعد مستشفى سعد ..
والحمد لله اختياري كان موفق ..وعجبني المستشفى من اول موعد لي حبيته بأخلاااااااص:hahaha:
كانت الولاده الطبيعيه بــ 5000 الآف
والقيصيريه بـ9500
بس حاليا زادو اسعارهم وصار الطبيعي بـ6000
والقيصري بـ11 الف
قريت بالمنتدى هنا ان افضل دكتوره فيه رنا جمال ..ولما رحت سويت البكج طلبت انها تكون دكتورتي ..
والحمد لله ماشفت منها إلا كل خير ..وارتحت معاها ..
نجي لقصة الولاده>>>وأخيرا
من يوم الجمعه بالليل وأنا احس بمغص خفييييييف على غير العاده شي اول مره يجيني ..بس ابدا ماحطيت في بالي انها بداية الطلق ..
بس بين كل طلقه وطلقه فتره طوووويله..وتميت على هالحاااال لين فجر يوم السبت وبعدها بدأ يزيد لكن الم اقدر اتحمله ..لكن يوم صارت الساعه 5 بدا يعورني وشوي لما دخلت الحمام ((الله يعزكم))شفت دم
قلت اييييييييه جاك الموت ياتارك الصلاة :eek:
تصبرت لين الساعه 7 وقعدت زوجي وقلت له شكلها ولاده ولأول مره من تزوجنا يقوووم بدون مايعل قلبي خخخخخخخخ اسرع قومه بحياته ..
المهم وديت بنتي عند امي وطيران للمستشفى >>>ماتبي تقولكم انها من طلعت من البيت لين نزلت بنتها ووصلت المستشفى وهي تصيح :icon36:
وصلت المستشفى تقريبا 8 و10
وقالوا لي الدكتوره عندها اجتماااع وبتخلص الساعه 9 ..
ودوني غرفة الولاده عشان يحطون لي جهاز التخطيط ويشوفون نبض البيبي ويتأكدوون من الطلق
وهذي غرفة الولاده
وعطوني لبس المستشفى اللي مستر من قدام وبحري من ورى هههههه
طبعا زوجي كان معاي ومافارقني إلا وقت صلاة الظهر والعصر
وخلوني على جهاز التخطيط لين جتني الدكتوره رنا تقريبا 9 ونص وشيكت على النبض وقالت فيه طلق بس للحين ماحمى مع انه كان يعورني والله
وجت اللحظه اللي أكرهااااااا وقت قياس الرحم :08:
وقاست وطلع بس 1سم
وقالت لي بخليك ساعه او ساعه ونص وأرجع لك يمكن مع الطلق يفتح
وراحت ..وانا كل شوي يزيد الالم والله عذااااب
وتميت ليييييين اذان الظهر ارسلت لي دكتوره ثانيه مدري ممرضه مصريه تشيك كم فتح الرحم
كانت دفشششششششه اعوذ بالله من أيدها يحليل ايد رنا عندها ..وقالت للحين 1سم ..وبسوي لك تحريض لالالالالالالالالالا ماتحملت القياااس بتحمل تحريض:icon8:
وقسم بالله لوما الفشيله كان صيحت ..بس اني سكت وتوكلت على الله ..وحسيت ايدها وصلت بلعومي وربي كسرت خاطر نفسي حيل عذبوني ..
وقالت لي ان شاء الله التحريض يزيد الطلق ويفتح الرحم اكثر وراحت وقالت ارجع اشيك عليك بعدين ,,
وبعدها بفتره طلت علي فلبينيه قالت بقيس لك الدكتوره وصتني..قلت توهم قايسين قبل ساعه او اقل قالت ماعليه لازم اقيس ..اففففففف
وهم نفس الشي ماتحرك ولا فتح ..
اقوووووول مابقى احد ماجا وحط ايده وقاااس مابقى إلا السكيورتي ومدير المستشفى :biggrin: من جد جننوني
المهم تميت اناااازع والطلق حاااار لين صارت الساعه 2 جتني رنا وقاست كم فاتح قالت 2 سم بس
أحبااااااااااااااااااااااااااااااااااااااااااااااط :crap:
قالت فيه حل أخير قبل نقرر العمليه ..انها تفتح المويه..وننتظر الرحم يتوسع
وفتحت المويه ..بعد معاااناة لاني كل شوي اسكر رجولي من الالم ..
طبعا من جلسوني على السرير وانا كل ساعه اناديهم ابي اروح الحمام((اعزكم الله))وساالفه على ماأقوم من السرير وأدخل وقلق كل شوي يشيلون المغدى وغرابيييل ..وربي رحمت اللي مايقدرون يروحون الحمام بنفسهم ويحتاجون للمساعده وحمدت ربي وشكرته على الصحه والعافيه..
الحلو بالموضوع ان كلما جتني الدكتوره او ممرضه يقيسون وانا اتعذب وساكته ولا اصرخ ولا اقووول شي اول مايروحون يقولي زوجي يعووور ؟؟
اقوووله يموووت ..وهو ياقلبي متأثر ووجه اسود كسر خاطري بس احسن ههههه خله يعرف وش كثر الوحده تعاني وتتحمل..
ايييييييييه وبعد كل هالمعاناة جتني الدكتوره رنا الساعه 4 وقاست ولقته للحين 2 سم
وقالت لي نبض البيبي ضعف وانتي تعبتي والمويه بدت تصير خضراء
وعنق الرحم بعده قااااسي والراس بعيييييييده ..خلاص لازم عمليه :32:
يتبع
وبدو يجهزوني للعمليه ..وقبل اطلع من الغرفه قالي زوجي ترا الممر برى فيه رجاال لايطلعونك وهم كاشفين وجهك وانتي عالسرير منسدحه>>يؤبرني اللي بيغااار :hahaha:
ودفوني وودوني للمشرحه يمه احسااااس يخووووف ..هدووووء والغرفه بارده وانا من طبيتها طقتني النفاظه وكل مافيني ينفظ سألوني تبين بنج نصفي او كلي بغيت اهوون واقول كلي بس انا قلت بجازف وبطلب نصفي ابي اكون حاااسه باللي حواليني وخاطري اشوفها لما يطلعونها من بطني وأعيش هاللحظه اللي انحرمت منها في ولادتي الاوليه ..
وبعدين انا سألت الدكتوره قبل عن الافضل بنج نصفي او كلي قالت النصفي افضل بكثييييييير
طبعا بالبدايه ولا رجال دخل للغرفه بس الدكتوره والممرضات عشان يجهزوني ويغطوني
ويوم جهزت قالو لدكتور التخدير حياااااااااااك خخخخخخ
وجا ووقف على راسي ..وجلس يسألني كم سؤال اذا عندي مشاكل بالقلب او سكر او ضغط واذا من قبل مسويه عمليات او لا
قالي الابره بنحطها بالظهر عشان البنج ..وشرح لي شلون بيكون الوضع
وشوي دخل واحد ثاني نسيت وش هو له ..وهم وقف عند راسي ..
المهم انا بالي مع الدكتوره خايفه تشق بطني وانا بعدني ماتبنجت خخخخخ الحمد لله والشكر مهبوووله..
ايييييييه يوم جت اللحظه الحاسمه قالي الدكتور احظني المخده ولازم تدنقين مرررره يعني صدري عند ركبي تقريبا وأنا جالسه ولازم مااتحرك نهائيا..
عشان يحط الابره وشوي وتجيني طلقه واقوووله لحظه لحظه جتني طلقه :06:
ويرجعوني مره ثانيه انسدح ..واذا راحت يقوموني ويعطوني المخده وعلى ماادنق إلا الطلقه الثانيه جايتني يااااااااااربي ..
ويوم راحت الطلقه واقوم واقوله بسرعه قبل تجي الثالثه خخخخخ
يوم جا بيحط الابره قال انتي عندك مشكله بالظهر ؟
قلت لا..خلصني عطني الابره احس الطلقه بتجيني
قال لا مافيه ابره انتي عندك ميلان بالعمود الفقري
سلاماااااااات وش ميلانه:16:
قال والله فيه ميلاااان وحط ايده على فقراتي وقال اللي حاط ايدي عليها فيها ميلان ويمكن الابره ماتدخل وبنضطر نعطيك بنج كامل
إلا وتجيني الطلقه وارجع انسدح وحالتهم حاله اشغلتهم انا وظهري
ويروحون ينادون دكتور حق الفقرات مدري عظااام ويجي يشوووف وربي كسااافه تأخرت بالغرفه بس عشاان يشوفون سالفة ظهري ..
قال عادي مافيه اي مشكله عطها الابره بس ميلها شوي عشان تدخل
قلت انا لالالالالالا مو بكيفكم ماابي هونت ابي كامل وانا اتنافظ
قال الدكتور والله عادي ولا تخافين لو مادخلت الابره ماراح نحاول مره ثانيه خلاص بنعطيك كامل
قلت لاااا اخاف انشل هههههههه
ضحك قال بعيدالشر مين اللي زارع براسك هالخرابيط
وطبعا كل شوي تجيني طلقااات وينقطع الارسااال خخخخخ
ويرجعون مره ثانيه يسولفون ..
ورنا واقفه تطالعني تنتظر الحفله تخلص عشان تولدني ..
طبعا قلت بقلبي خلاااااااااااص بجازف وتوكلت على الله وقلت يله عطني الابره بس بسرعه
وفعلا حط الابره وهـ مابغى ..وثواني إلا أحس بشي حااااار بظهري بدأ مفعوول البنج سبحان الله وراح الطلق بس للحين احس برجوولي واحركهم
قلت لحظه لحظه تراني احس لاتشقون بطني وطبعا زادت النفاضه وارتفع ضغطي وزادت دقات القلب وهم يقولون لي لا لا هدي هدي ضغطك ارتفع ودقات قلبك سريعه لاتخافين ماراح نسوي شي لين تقولين يله ولدوني ..
وانا اقول للدكتور والله احس لحظه لاتشقون بطني هههههههه
اشغلتهم ..وهو يقول مستحيل نسوي شي لين نتأكد ان البنج اخذ مفعوله ..
وهو يبي له 10 دقايق عشان تتخدرين كاااااامل ..وتم يسولف معاي ويقولي قبل نشق بطنك بنسوي اختبار نشكك بأبره على فخذك لو ماحسيتي فيها خلاااص يعني تخدرتي ولو حسيتي بنستنى شوي بس انتي لاتخافين وماراح نسوي إلا اللي بدك اياه
وانا اقووول طيب طيب
تعرفون اللي لاحقه شي يخوووفه ويركض وشلون يكون نفسه ؟؟
انا كنت كذا اتنفس بسرعه بسرعه وقلبي يطقطق كأن احد لاحق وراي
وانا كل شوي اقووول تراني احس برجولي وهو يقولي كم بيبي عندك؟
وكم عمرها ؟وانا مطنشه ماأرد مركزه مع رجولي اللي أحس فيها :hahaha:
شوي واسمع واااااااء واااااااااء :huh:
خيييييييييير وشو هذا ؟؟؟
قال الدكتور مبروووك وهاي أحلى بنووته شفناها اليوووم ..الحمد لله عالسلامه
هااااااااااااااااااااه:ohmy:
يعني كانو يضحكون علي وشاقين بطني من زمان وانا اللي اشغلتهم لحظه لحظه تراني احس ولا تشقوون بطني خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
يبون يشغلوني عشان مااخاف ؟؟ماشاء الله عليهم والله عندهم اسلوووب >>احلفي :hahaha:
بس والله وقسم بالله اني كنت احس بأيدينهم وحركتهم في بطني لكن من دون الم
سبحان الله وهذي ميزة البنج النصفي ..
ايييييه وتمت الولاده على خير ..وطلعت بنتي الساعه 5 ودقيقه طبعا وروني بنتي وشالوها على طوول لانها كانت تعبانه شوي وودوها ينظفونها ..
ولما خلصت الدكتوره الخياطة قالت لي الحمد لله عالسلامه ياخوافه ..ههههه
لكااان كنتي بتحسي :pinklove:
تفشلت قلت والله احس ههههههههههههه
طبعا طلعت من غرفة العمليات الساعه 6 إلا ثلث وقت اذان المغرب واول ماطلعت شفت زوجي وامي حبيبتي بالممر تنتظرني ومعاها بنتي وأخوي وودوني غرفة الملاحظه وخلوني ساعتين وبعد الساعتين بدا البنج يفك وحسيت برجولي الحمد لله وحركت اصابعي ..وودوني بعدها لغرفتي تقريبا الساعه 8
وطبعا من الفرحه اني ولدت وارتحت ماجاني النووووم ابد تميت مواصله مع اني قبلها من قمت يوم الجمعه مانمت ..
وجاني زوجي جلس عندي لين 12 وجبنا البنوته وشفناها وطبعا قالو لي لاتتحركين ابد ولا ترفعين راسك لين بكره الصبح ..ولا تاكلين شي ابد لييييييييين يطلع بطنك ((الله يعزكم))عشان يتأكدون ان الامعاء رجعت مكانها وان مافيه مشاكل بعد العمليه
وانا اساسا عندي امساااك مزمن وتميت لين يوم الاثنين يالله طلع بطني
ومن يوم العمليه لين الاثنين بالليل يالله انهم جابو لي اكل وإلا طول الوقت على المغذي والسوائل بسسسسسس هلكت من الجووع والله ..
طبعا المستشفى اكثر من راااائع ..عناية وخدمه ونظافه وهدووووء:biggthump
والحضانه مايجيبون البنت إلا اذا طلبتها يعني مايشغلون الوحده كل شوي جايبينها
الممرضات حبوباات لابعد درجه ..
الاكل انا ماعجبني مره والنااس اذووواق يمكن بعد لأن انا مزاجيه مو اي شي آكل
بعد العمليه بيومين جتني مدربة حقت التمارين اسويها وانا منسدحه عالسرير
جتني يومين ورى بعض..
ومرت علي مسؤلة علاقات الممرضى سألتني عن المستشفى وخدماته اذا عندي شكوى او شي ..
وجتني طبيبة الاطفال اكثر من مره تطمني على بنتي ..
يعني بصراحه حريصين لابعد حد ..والمثل بعد يقول حط فلوسك بالشمس وأقعد بالظل ..
وهذي كل السالفه ..ادري طولت عليكم بس فيه بنات كثير طلبو مني اكتب لهم بالتفصيل قصة ولادتي ولعيونهم كتبتها مع ان الجلسه تتعبني والله لكن لجل عين تكرم مدينه
وتفضلو هذي صور المستشفى