وخرن ياحريم الله وأكبر يا زمانً مضالي آجني زهور الورد والقلب مرتاح >:biggrin:> اي ي تهيجن الاخت اي زهور واي خرابيط حدتس باب جيرانكم وان تطورتي لبستي نعول > ابد ماكنت امشي حافيه بالشماس ورجولي شطوب واحط عليهن مناكير طبعاً هالحتسي يومي وغد وغد لغير الناطقين باللهجه الحايليه اي طفلتون صغيره
لاحدن يشره علي ابد ياوخيواتــي مفطرتن اندومي وعصير تفاح :icon8:صايبتن تخمه ع هالفجور ورعصت على افكاري النيره وجابنن لكن عاد تحملنن
يابنات الدنيا وش به شيٍ زين اتعبتن والله العظيم كل يوم اقول اليوم يتعدل الحال مير عمتس اصمخ لاحس ولا رس هو بي بلا انا ولا معمولن لي عمل > ماهو من زينتس يامقرودة الحظ وجهن شين وجلدن مروح التفاؤل زين وجلاب للخير صحيح ساعات ايأس بس قولو لي وش اسوي امرنا لله ابوي يقولي حظتس طايح يابنيتي ولا انتي مامثلتس حقاً ياابي ولاكن اين اللذين يسمعون عساهم مايسمعون :huh: وساعات يقولي لو يجي تكروني زوجتتس اياه :blink: اثبت على علمن واحد يابيي دام االنفس عليك طيبه
ترى هذا كله مقدامات موضوعي هذا سلمكن الله برعاية (
) الله يجيبك يامبعدن حيل عني ليتك قريب نفسي ادري هو يبي يجي ولا اشطب على احلامي الورديه والفوستقيه بعد احس اني طهئت وشي طهئت مدري بس بمعنى اني وصلت حدي من اخذ المسكنات كل يوم نقول اليوم تتحقق الاحلام > ياحليلتس انتي واحلامتس الناس وصلو لباريس وانتي بحوشكم تلفتين*مايستفاد من الموضوع
1/ ياحريم التفاؤل زين بس لاجتن العنز وشلون اروحه بمعنى اني ايأس واقول لين اموت وانا على هالحال ياربي لك الحمد ياربي لاتغير علينا الا بالزين .
2/اي وحدتن تبي تسير علي تراني بحايل تجيب قهوته وشاهييه معه وياحبذا لو معه صحين حلا وفطاير .
3/ وش هي توقعاتكن لي
1/ ابقى تسذا على نفس الحال
2/ يأتي الي صاحب المال والجاه ويمتطيني على حصانه :laughing:
3/ ليه قلبي يرتعش لاشفت بشت وعقال :humm:
هلمو ايتوها الحوائيات وادلن بدلوكن
وهاكن هالورده :26: شمنه ورجعنه لي