شلونكم بناااااات؟؟
عساكم طيبييين!!
أكييييد مستعدين لوصفتي اللذيذة..
تفضلوا..
نبدأ بالمقادير ..
قيمر KDD الكبير (250 مل)
8 حبات كيري
2 كيس دريم ويب
علبة حليب 125 مل
ربع قلاص ماي دافي (تقريبا 100 مل)
علبة صغيره جيلي ليمون فوستر كلاركس (اصفر مو اخضر)
باوند كيك أبيض من سارالي
صلصه بلاك بيري (توت أسود)
الطريقة:
1- تترك المقادير خارج الثلاجة ماعدا الحليب قبل فترة من إعداد الوصفة.
2- يخلط الكيري مع القيمر بخلاط الكيك حتى يتجانس تماماً.. عادي خليه بو 10 دقايق و انسيه..
شوفي الصوره
3- بالوقت اللي قاعد ينخلط فيه القيمر و الكيري.. قصصي الكيك على الشكل اللي تحبينه.. تدرين الحين هابين بالقلاصات.. انا مرات اسويها بماعون الجيز كيك و احيانا احطها بقلاصات.. قصصت الكيك مكعبات صغار و وزعته بالقلاصات..
4- بعد ما تخلصين من تقصص الكيك راح يكون المزيج العجيب متجانس.. فحطي عليه جياس الدريم ويب و الحليب البارد.. و خليه بعد بخلط ليييين ينتفش..
5- على ما يخلط حطي الجيلي على الماي الدافي و ذوبيه.. و بعدين صبيه علي الخليط و حطيه بالقلاصات فوق الكيك..
6- آخر فقره خخخ نحط من الصلصه الحمرا (البلاك بيري) فوق الخليط الابيض.. اللي تحب تكثر خل تكثر.. بس يصير طعمها حاد.. اهم شي يتغطى الابيض.. و ينحط بالثلاجه يفضل ليله كامله.. او 4 ساعات عالاقل.. علشان يتيمد و يكون باااارد
و يالله هجووووووووووم
خخخخ
حياكم.. هالله هالله بالردود الزينه
*ملاحظة: الوصفة وصفتي ما أخذتها من كتاب.. أخذتها من أمي و طورتها..
الله يسلم ايديك يامرايم