الزغروطة :

بنات والله ماتصدقون..:35: قسما بالله اني ما أحس بالغربه أبد ..:hahaha: ونفسيتي من أروع ما يكون علما اني في نيوكاسل لي شهر فقط.. صراحه أحس الاغتراب يعطيك فرصه لنفسك ولعيالك ولزوجك.. أحس بتماسك اكثر ..يمكن بس اخر يومين وانا فالرياض ويوم روحتنا للمطار ووقت الرحلة كانت دموعي بحر.. بس من جيت هنا الوضع اختلف تماما لسبب ان الحياة جميله بكل ما فيها ..فليش أحرم نفسي من لذتها..(فيما لا يغضب الله) بكرة بنموت..أقعد أنكد على نفسي أبي أمي أبي أهلي ومشتاقه ولا اقدر ووووو ليش؟؟:06: أكيد مشتاقه موت لحلوة اللبن( الله يطيل بعمرها على طاعته)شوق ما تتخيلونه لكن دامها بصحه وبعافيه وبطاعه وراحة بال خلصنا هذا المهم .. أنا فيه كلام كتير يمكن يوجع راس انتوا بس لازم انا قول..:hahaha: يالله خذو كلكم حلاو ولاعاد تضيق صدوركم من الغربه..:04:

بنات والله ماتصدقون..:35: قسما بالله اني ما أحس بالغربه أبد ..:hahaha: ونفسيتي من أروع ما...

أم عزيوه :

السلام عليكم كيفكم ؟ اليوم جايبة لكم بيبي فود يصلح تأخذينه معك بالطيارة او السفر بالسيارة او اوقات الزنقات وبصراحة عن تجربة مرررررررررررررة مريح بلا ملاعق بلا وصخ بلا هم بس اهم شيء تلاقين الطعم اللي يعجب ولدك وهو صالح للطفل من 4 شهور وفوق وهذا حليب سائل للأطفال انتي بس صبيه بالرضعة وارتاحي فيه نوعين شيء كرتون صغير وشيء علبة اتوقع يناسب سنة وفوق فيه سؤال للبنات الحلوات اللي سافروا كم مرة للسعودية بأسألكم عن السوق الحرة بمطار هيثرو وش فيها محلات؟؟ لأني ما سفرت الا مرة وكنا متأخرين ولا شفت وش فيه وأقدر الاقي شوكولاته سواء العلب او العادية مثل الكتكات وغيره والبطاطس هذا لاني بصراحة ودي أخذ وبالشنطة بتنحاس الدعوة بس قلت يمكن لو اخذتها من المطار احسن واريح redbutterfly هلا بك انا احتجت الليمون الاسود "اللومي" مع الشوربة واكيييد التمر وعجين السمبوسة حق السعودية بس طبعا عبرت عمري بحق بريطانيا وش بعد...... وش بعد امممم كان ذكرت شيء رجعت وكتبت والحمد لله باقي الاغراض متوفرة قطيوة^_^ وعليكم السلام ورحمة الله اكيييد كلنا شلنا هم بس هونيها وتهون كلها ايام وتعدي ان شاء الله بحلوها وبمرها لو ضيقتي صدرك ما راح توقف ولا راح ترتاحين بالعكس راح تعدي الايام كئيبة ومملة لكن لو كنتي سعيدة ومتفائلة صدقيني راح تطييير مثل لمح البصر وبالنسبة لتجربتي انا اعتبرت اننا جايين نتمشى جايين سفرية لييين اخذت عالجو وعرفت وضعي واستقريت وصار لي روتين ومليت وطقيت:06:>> خربتها وبصراحة يضيق صدري لا تذكرت انه بيجي يوم وارجع لديرتي واترك بريطانيا لاني هنا معتمدة على نفسي بكل شيء حتى زوجي امس يقول الله يعينك لا رجعتي السعودية وصارت لي سالفة اول ما رجعنا زيارة للسعودية كنت طالعة مع اختي للسوق ومرينا السوبر ماركت وكان اخوي ينتظرنا عند الباب ووراه موعد مهم وضروري ويقول بسرعة لا تتأخرون والا راح اروح وارجع بعد ساعتين وبسرعة طرت للكاشير ابحاسب واطلع واعطيه 100 ريال وانا حسابي كان حول 20 ريال المهم الاخ صك الدرج حق الفلوس (اللي فهمته ان مفتاحه مع شخص ثاني) وتأخر علي بالصرف قلت يا ولد الحلال خلاص خذ الاغراض وعطني فلوسي ابي اطلع انا مستععععجلة وقال لا انا طبعت الفاتورة وقعد يمطرس علي وانا خلااااااص قفلت:mad: واقوله رح تصرف تحرك وينادي واحد من اللي حوله يقول راح ناد فلان بكل بروووود واخوي كل شوي يدق والاخ جدا بااااارد وواقف قدامي وانا بديت امد اللسان وهو يروح ويخليني واقفة عالكاشير والناس وراي والدنيا حوسة يوم شفته كذا كلمت اخوي وقلت رح والله ما خلي ميتي عنده ما يستاهل بعد تقريبا ثلث ساعة جاء هو واللي معه المفتاح وعطاني الصرف قلت خذ اغراضكم ما ابيها توبة ان شريت من عندكم هات باقي فلوسي ابمشي ويعي قال روحي للإدارة ويفزع معه اللي معه المفتاح:mad: اخذتها من قاصرها وطلعت بس عقب اييييييييييييش والله اني بكيت من القهر حتى آسف ما قال؟؟؟؟!!!!!! والله هالشيء ما يصير ببريطانيا حتى وانا متغطية ويكون اللي عالكاشير ما يطيقني مستحيل يسوي كذا ""القهر هنا ان اختي كانت مستغربة وترى ان الوضع عادي يصير"" ومستغربة اني بكيت قلت بلاك والله ما شفتي الاحترام في بريطانيا كيف؟؟ قبل يومين هنا ببريطانيا كنت شارية جهاز قياس الحرارة بالكريسمس اللي راح وخرب وهو عليه ضمان رحت للمحل وعطيتهم الفاتورة (الضمان كان بالفاتورة) قالت لي خلاص تبين فلوسك والا ابدل لك الجهاز قلت بدليه المهم هي انتبهت لتاريخ الفاتورة وكان 2006 قالت لا الضمان سنة والفاتورة لها سنتين قلت التاريخ غلط وانا متأكدة لاني ما جيت بريطانيا الا 2007 وانا صادقة قالت انا مصدقتك بس اللي قدامي الفاتورة قلت راجعي كمبيوتركم انا معي فيزة ومعي جواز يثبت وقت دخولي لبريطانيا كلمت الشركة حقت الجهاز ووافقوا تخيلي قامت وبدلت لنا الجهاز بجديد والله لو بالسعودية ابطي عظم سوري عالإطالة بس حبيت افضفض عاشقة كيد هلا حبيبتي انا جربت وتجيني بريطانية "جارة لي" تشتغل بالكنيسة وتحاول تدعوني للنصرانية بطرق خبيثة ومن تحت لتحت صدقيني كل محاولاتها واااضحة واعرفها كلامها كله خرافات وخرابيط اصل دينهم غلط كيف يعبدون 3 ؟؟ تقول لي مرة عن الاب والابن تقول ان المسيح عليه السلام ابن الله -تعالى الله عما يقولون- قلت ليش الله اختار انسانة لتحمل بولده ليش ما قال كن فكان ابنه والله انصدمت وقامت تلف وتدور صدقيني عقيدتهم خفيفة وهشة واذا حاسة ما فيك مقدرة جيبي معك كم كتاب من السعودية عطي هالمنصرات منهم قولي اوكي بأقرأ كتبكم واقروا كتبي وارمي كتبهم

السلام عليكم كيفكم ؟ اليوم جايبة لكم بيبي فود يصلح تأخذينه معك بالطيارة او السفر...

redbutterfly :

مشكووووووووووووورة عزيزتي و شكل الاغراض اللي حاطتها حلوة للاطفال..تسلمييييين..

مشكووووووووووووورة عزيزتي و شكل الاغراض اللي حاطتها حلوة للاطفال..تسلمييييين..