كوبونات الراقية تسجيل الدخول

redbutterfly
redbutterfly •
hsamo hsamo :
كل عااااااااااااااااااااااااااااااااااااااااام ونحن وانتم مغتربات الوطن العربي بخير<<<حسيت بالخطب القومية جت،، والله يابنات الرمضان من غير اذان بن ماجد من اذاعة القران وحنا ماسكين تميرة برحي والا سكري كنيز عليها طحينة وسمسم ونتحراه يذن يالله من فضلك مهوب رمضان ابد ابد،،:44: والا عاد السفرة:cook: ترص من قبل ما يذن لقيمات وجبنية واحيانا بف باستري محشي كيري والا سمبوسه صغار بجبن وجنبهن ترمس قهوة وجيك مويه وجيك فيمتو وجيك ياتانج يا قمر الدين،،يروح الواحد يصلي المغرب منغث:09:،،وعقب الصلاة يجيكم العشاء سمبوسه بلحم مفروم وجنبها سبرنغ رول بالجمبري واقماع خضار وابعد شوي من لم ابوي <<خشت جو ،شوربة شوفان حمراء تهبل واكيد عاد يارزيزة والا جريشة،،وبعض الاحيان يتفنن الخوات جيب تاجر والا صينية خضار بالكريمة،،وبعد العشاء ياكريمة ياحلى مسويته اختي كله دريم ويب و قشطة،،مدري ليه اول يوم كلش نحطه تقل مجاعة،،:7_2_103v: وعجزت عاد من النحاسة ادور موقع الاذاعة ومالقيت شي يشتغل ودي لامنه اذن بن ماجد دقيت على اهلي وخبيتهم و اقول لهم: افطرتوا؟؟؟ياحظظظظظظظظظظظظظظكككككككككككككككم حنا تونا باقي لنا ساعتين:time:،،ههههههههههههههه ياحبني لي ذابحني الجوع وهذانا تونا الصبح<<فاتنا السحور يالله مكتوب خير من اول يوم.. يؤ هذرتي اليوم واجد،،بس اخيرا بنات تكفون ابي اذاعة القران ،،ابي اسمعها اللي تعرف الموقع تعلمني والله ما اكلم اهلي بس ابي اسمع برنامج نور على الدرب و سؤال على الهاتف ومسابقة رمضان والمصاحف المرتلة،،يالله من فضلك نسيت اجيب رادو والا مسجل فابيها من النت تكفون ساعدوني بصيح:icon33:،،
كل عااااااااااااااااااااااااااااااااااااااااام ونحن وانتم مغتربات الوطن العربي...
تفضلي...

http://www.saudiradio.net/

http://www.2quran.com/

http://www.tanateesh.com/quran/

http://www.qassimy.com/tvlive/suqoranrado.htm

http://www.salamway.net/

http://www.almisk.net/live.php?live=315
hsamo
hsamo •
مشكورة حبيبتي redbutterfly
لقيت الاذاعة وسمعتها حسيت بشعور غريب،،الحمدلله يارب يمكن الغربة سبب من اسبابا التفرغ للعبادة يعني الواحد بديرته يوم اهل ويوم حمولة ويوم عشاء رجال ويروح الوقت طبخ وحوسة بس هنا مافيه الا انت و زوجك واي شي تسوينه يطلع ياسلام،،و الله يتقبل،،
وبالنسبة للإذاعة هذا الرابط الوحيد اللي اشتغل معايhttp://gsm-egypt.com/quran/saudi.htm
والحلوة الزغروطة،،خطا اكبر خطا انك مسنترة وانتي جوعانة ومتغربة بعد بقسم الطبخ والنفخ هذاك خليه لعزيزة وصاحباتها،،ياحبيله من زمان عنه،،
المهم كل اللي قلتيه موجود بس اشوفهم غالبا في ازدا،،،القشطه مكتوب عليها دبل كريم والخل اكيد بس تأكدي لايصير معه white wine او spirit vinegerترا السبلينق لك عليه
والنشا كورن فلور،، يختي وش ذا الحلا اللي كلش فيه؟؟كانك في برايتون ارسلي لي صحين<< تمون
يختي قلت لك كلها قد شفتها بأزدا ماعدا الزعفران مدري بس عندي لو تبين شوي اعطيك،،بس مدري عن تسكو،،
د.نوال**
د.نوال** •
hsamo hsamo :
مشكورة حبيبتي redbutterfly لقيت الاذاعة وسمعتها حسيت بشعور غريب،،الحمدلله يارب يمكن الغربة سبب من اسبابا التفرغ للعبادة يعني الواحد بديرته يوم اهل ويوم حمولة ويوم عشاء رجال ويروح الوقت طبخ وحوسة بس هنا مافيه الا انت و زوجك واي شي تسوينه يطلع ياسلام،،و الله يتقبل،، وبالنسبة للإذاعة هذا الرابط الوحيد اللي اشتغل معايhttp://gsm-egypt.com/quran/saudi.htm والحلوة الزغروطة،،خطا اكبر خطا انك مسنترة وانتي جوعانة ومتغربة بعد بقسم الطبخ والنفخ هذاك خليه لعزيزة وصاحباتها،،ياحبيله من زمان عنه،، المهم كل اللي قلتيه موجود بس اشوفهم غالبا في ازدا،،،القشطه مكتوب عليها دبل كريم والخل اكيد بس تأكدي لايصير معه white wine او spirit vinegerترا السبلينق لك عليه والنشا كورن فلور،، يختي وش ذا الحلا اللي كلش فيه؟؟كانك في برايتون ارسلي لي صحين&lt;&lt; تمون يختي قلت لك كلها قد شفتها بأزدا ماعدا الزعفران مدري بس عندي لو تبين شوي اعطيك،،بس مدري عن تسكو،،
مشكورة حبيبتي redbutterfly لقيت الاذاعة وسمعتها حسيت بشعور غريب،،الحمدلله يارب يمكن الغربة سبب...
ياحلوه انتي ب الهنا وصوري لنا الاكل عشان متفقين نحط سفره الفطور

واسمعي التورتيلا دايما اسوي فيه ساندويشات وحركات واحيانا اخليه كانه خبز مفرود احطه على الفطور والعشاء ماعرفت اخبز خبز زين
شلون تشوحينه بالزبده؟




هلا زغروطه يختي اسمك حلو دايما لين قريت اضحك عليه الله يفرحك قلبك

ايه كل هالاغراض بازدا شايفتها والزعفران بقسم البهارات الهنديه
أم عزيوه
أم عزيوه •
هلا الزغروطة
هذي طلباتك اتمنى ما تأخرت :)


النشا
Cornflour


الكاسترد
Custard Powder



الفانيليا السائلة فيها كحول
فيه البودرة وفي اعواد الفانيليا


الزعفران
saffron



ماء الورد
rose water





القشطة
extra thick cream



الخل
Vinegar
+1
حبيبه
حبيبه •
مبروك عليكم الشهر جميعا ..
بنات مافيه موقع في النت .. يخلينا نسمع الاذان على وقت فطورنا ..
مافيه برنامج يشغل صوت اذان المغرب للمدينه الي انتي تختارينها ..
ما احس برمضان الين اسمع صوت اذان المغرب ..
ما اتخيل قاعدين وماغير نشوف الساعه كم بس !!

اليوم ناويه اسوي الفطور شوربه كويكر وساندويتشات بالتوست وسلطه مكروونه ورز ..
وحلي مدري ما بعد قررت وشكلي مانيب مسويه حلى .. كانكم تعرفون حلى بالتوست .. اكتبوه لي ...