انا مخنفره عليكم اليوم ولا صورت الفطور

لان ولا وحده عبرتني وصورت فطورها

لاتزعلين يا دكتورتنا الغالية نوال والله لو اعرف كيف انزل الصور علي الجهاز وكيف احطها هنا كان سويتها لكن البركة في بقيت البنات
يلله شدو الهمة ولاتزعلن الدكتورة
علي فكرة يادكتورة نونا كم مقدار الدقيق الي حطيتيه في القيمات

أم عزيوه..

أعتذر أشد الاعتذار بدل ما أشكرك شكرت أم عبدول(بس تستاهل والله)

عاد هذا شكر خاص لتس انتي بس..

(الله يجعل حياتك كلها أفراح,,ويمتعك ومن تحبين بالصحه والعافيه والسعادة فالدنيا والاخره)

الله يعافيكم علموني شلون اجيب صور هنا من جهازي،،ودي لالقيت شي حلو اشاركم فيه:27:
واذا ع الفطور يابنات الله لايوريكم بس اول يوم من الله علينا وارسلت لنا مرة صديق رجلي بف لحم وبف جبن واشوى انا مزينة رز بالربيان وسمبوسة بالفرن،وطلع الاكل كثير وعلى بالي اني كله انا مزينته:cook:،،المصيبة امس الحمدلله وله الشكر انا معرسة لي ثلاث سنين لاحظت دايما ثاني يوم برمضان طبخي يصير يحوم الكبد مدري ليش؟؟هو من الحماس بالتفنن والا ملل من امس واللف اللي من اسبوع مدري والله بس ادري ان امس عشانا نعمة كريم،:06:الشوربة مدري شلون صارت كذا(بصراحة اول مرة اجرب شوفانهم ،،مالي دخل جايبه زوجي ويقول شوربة وانا اشك انه كورن فلكس:hahaha:،،)وصينية المكرونة انحاست ماله اعي ذكر اسباب عشان ماتصيحون،،بس القهر اني كنت مسويه ساموسا تجنننننننن من العجلة شلتها بحطها بصحن كان جنبي انا اشوفه نظيف مابه الا العافية اصلا كنت مجهزته لساموسا،،يوم شوي وحنا ناكل الا طعم غريب فيها وتغير لونها صار فاتح وصارت ترطس،،طبعا عرفتوا السبب،،كان باسفل الصحن شوي مويه متحمس ابو الشباب مع الطبخ قام حط فيه مويه وكبها على الشوربة يوم لقاها ثقيلة وهي تطبخ وخلى نقيطة موية حاست اخر طبق الف فيه من الصبح:06::06:
بس بشد حيلي واسوي فطور محترم اليوم ان شاءالله(متفشلة فيكم:22:)واصوره واجيبه هنا بس هاه ،اولا: علموني شلون اصغرها وارفعها للموقع
وثانيا:كلكم صوروا خل نتعاون ونشجع بعض..:26::26:

ههههه لا تخنفرين يا د نوال ولا يضيق صدرك
والله اني مصوره فطوري حق امس
والمشكله صورته قبل لا تكمل كل السفرة وبعدها خنفر جوالي مثلك وعيا يكمل تصوير
مو مشكله عندي اوريك السفرة وهي ناقصه بس بلوتوث الجهاز عيا يشتغل
باجرب الحين واشوف ..

hsamo وشهي هالساموسا من لحيه .. ما اعرفها ..
والله يعينك .. حاسه بشعورك اذا تحمستي بالشئ وفي الاخير يطلع شئ ثااااني .

باقي البنات سخباركم عساكم بخيييير