كوبونات الراقية تسجيل الدخول

رفيف2009
رفيف2009 •
رهوفهتوصلون بالسلامه ياقلبي وبالنسبه لحليب الاطفال انا جبت معي 6 علب حليب حطيتها بين الملابس طبعا بالشحن ولا احد سئل عنها وجبت معي عجينه سنبوسه حطيتها بشنطه وشايلتها بيدي ولا سئلو عنها وكنت جايبه معي عسل طبيعي سئل قال وش هذى قلت ذس هني اخذ منه بعود وحطه في جهاز بيتأكد وقال خلاصوبالنسبه للاشعه لاتذكريني كل ماتذكرت قمت اضحك ...طبعا حنا جايين لمطار هيثرو وبعدها رحله داخليه لمطار ليدز ماقالو شي عن الاشعه بس يوم شفنا رحلت ليدز باقي عليها 7 ساعات قلنا خل نطلع نتمشى في لندن وبعدين نرجع يوم رحنا بنطلع للندن قالت وين الاشعه قلنا ماسوينا قالت روحو هناك سووها قلنا والله البلشه لو اننا قاعدين بالمطار احسن المهم ورحنا لذيك العجوز وعطيناها اوراقنا والله لايوريك كان ذيك الايام فيني كحه ذابحتني ذبح ......... كل شوي اكح قال رجلي يابنت الحلال لاتكحين تقعد تعلنا ذا العجوز وتحولك لمكان ثاني تحسب فيك سل ولابلا <<< بسم الله علي و الله لايوريك احاول اكتمها ماقدر ..اعوذ بالله احس ان اذاني تفقع وكل ماكحيت ناظرني رجلي .. وده يعطيني كف واخرتها عطتنا الاوراق وقالت فنش لا دخلتا لاكشف ولا شي كتبت بالاورق كلهم سليمين شكلها عجازه مالها خلق وسلامتك يالغاليه <<<<<<اعذروني ادوخت روسكم بالهذر بس والله تذكرت السالفه وقمت اضحك لا نسيت لا اقول لكم بعد كل هالف والدوران ماطلعنا نتمشى في لندن انطقينا 7 ساعات في المطار ههههههههه
فراشة بنت نحلة
فراشة بنت نحلة •
الزغروطة الزغروطة :
um hana.. وش اخبارتس ياحرمه .. مشتاقه لتس ماااااااااااااااره مااااااااااااره..... يالله ورينا فطورتس كودي أتحمس وأصور فطورنا..صايره فيني رباده لا حدود لها..هع هع
um hana.. وش اخبارتس ياحرمه .. مشتاقه لتس ماااااااااااااااره مااااااااااااره..... يالله...
بنات ودي اشقر حواجبي وين باحصل مشقر ووش اسمه بالانجليزي؟
الزغروطة
الزغروطة •
أم عبدول يالبى قليبتس...

وينتس فيه؟؟؟

انتي معنا بنيوكاسل؟؟؟

يالهوي يالهوي..

أجل صرت بين القمارى(أم دحومي الحلو وأم عبدول) وه ياحبني لكم بس..

وش اخبار السعودية فديت ترابها..

الجو باقي فحيح والا اعتدل..

متى جايه ان شاء الله..؟؟
ام عبدول
ام عبدول •
وي
وي يالزغروطه على هونك ياخيتي
انا في يورك
بس كنت مسيره عليكم
ومالقيت الا وحده عربيه دلتني عليه
الله يجزاها خير
اما السعوديه الله يكفينا الشر
اول ماجيت حرررررررر ورطوبه
والحين الحمد لله الجو حلو
تكفينا المكيفات !!!!!

فراشه بنت نحله
اذكر البنات ذكروا مشقر في بوتس
بالصفحات الي قبل
اذا لقيت حطيته لك

وبالتوفيق
الزغروطة
الزغروطة •
أم عبدول..

هههههههههههههههه
هههههههههههههه
هههههههههههه

وه ياتسبدي انجطلت فيذا من الضحك..