رهوفهلاتفكرين بكل شي ترى بتتعبين ...صدقيني اذا جيتي كل امورك بتتسهل ...وبالنسبه لعربة الطفل انا انصحك تاخذين الكبيره لانها عمليه وتتحمل والطفل ياخذ راحته اكثر في النوم واذا ركبتي الطياره ياخذونها منك فيه مكان جوا الطياره مخصص لها وذا بغيتي تنزلين يعطونك العربه وبالنسبه لمقعد السياره ماعندي خلفيه وبالنسبه للعبايات فيه عبايات سود بس الغالب عبايات ملونه وبالنسبه للبرد يلبسون بالطوات طويله فوق العبايه عاد انتي يبيلك بالطو اسود زي عبايتكوبالنسبه لملابس البيت خوذي راحتك لان بيوتهم فيها تدفئه ماتحسين بالبرد وسلامت قلبك

هلا رهوفه والله يحييك ببريطانيا
بس انتي باي مدينه

الله يجزاكم خير يابنات ,,

انبسطت مرررة بردكم ومساعدتكم لي ,,




بالنسبة للحليب حق البيبي اخذ معي علبة بشنطة يدي اربع علب في شنطة السفر الي بالشحن
عشان ولدي ياعمري اخاف اغير له الحليب يتعب ,,

بالنسبه للحليب خوذي كثير عادي انا خذيت لبنتي 10 علب بالشنط حقت الملابس ولا احد سائل عنها لاني مثلك خفت اغير الحليب وتتعب بنتي بس انا طلعت من هيثرو لكامبردج بالسياره يعني مامرينا بمطار ثاني ولاشئ وخوذي مصاصات لولدك لان بنتي جننتني
مصاصتها مالقيتها هنا ماعندهم الا نوعين بس
تعبت ادور مثل مصاصتها مالقيت
ولاتنسين تاخذين دواء حراره وحبوب منع الحمل

وبخصوص الاشعة ان شاء الله بنسويها ,,
والاشعه ماسويتها ومثل ماقالت وحده من البنات طحنا في عجوز تعيجزت تفحصني وقالت اكيد مافيك اي امراض بالصدر وقلنا لا وبس

الشاهي والحبق والنعناع والتمر والعسل ناخذهم عادي بالطيارة ؟
الشاهي والنعناع موجوده هنا ونوعيه الشاهي احسن من اللي بالسعوديه بس اعتقد مافيه ورق
والعسل تقدرين تطلبين من هنا يجيك من المناحل بس انا ماقد طلبت




بشتري لي قدر ضغط وقدور عادية ثلاثة ,, وشريت حافظات للاكل باخذ حجمين فقط الوسط والصغير
وبشحنهم بشركة الشحن ,, بعد مانستقر ,
اذا كانت بس هاذي المواعين اللي بتاخذينها حطيها مع الملابس ولا تنسين تاخذين ترامس للشاهي والقهوه وبيالات وفناجيل وغلفيها عشان ماتتكسر وجيبي صياني تيفال واذا بتشحنين اغراضك جيبي كل الاغراض اللي تحتاجينها وانا جبت معاي بهارات وماجي ابيض وماقالو شئ طبعاً حطيتها في الشنط الكبيره حقت الملابس والتمر حطيناه بشنطه صغيره وركبناه معنا في الطياره عشان ماياخذ وزن زياده ولاتنسين تجيبين سفر بلاستيك


بالنسبة لعربية البيبي ,,

عندي ثنتين ,, واحدة غالية وكبيرة مررة وثقيلة بلشت فيها نشحنها وتنفعنا بالطلعات ؟
ولا اتركها هنا ,,

شريت واحدة ثانية رخيصة بمية ريال ولا عجبتني كنت ابي ام عصا ,, ويكون البيبي فيها
ينسدح بس ماحصلتها وتكسرت رجولنا ندورها وانا تعبانة ,, اخر شيء شريت واحدة عادية
وصغيرة وتنسدح بس الحين شلون طريقتها بعد مانوصل للطيارة بياخذونها ويحطونها بالشحن
ولا شلون ؟
العربيه خوذي من مذر كير تجنن ويجي معاها بلاستيك حق المطر وبميتين ريال واذا ركبتي الطياره بياخذونها منك واذا جيتي تنزلين تاخذينها
لا مايحطونها بالشحن

وبخصوص المقعد في الطائرة ,, احنا حجزنا متأخرين ويالله لقينا حجز بالواسطة ,,
وقالوا لنا مافيه سرير بيبي يعني توهقنا مو معقول بقعد امسكه على يدي سبع ساعات ؟؟
ورحلتنا على الخطوط السعودية ,,

شنسوي بهالحالة ,, ناخذ كرسي السيارة معنا ويركبونه لنا بالكرسي حق الطائرة ولا اخ معي
جلاسه له نحطها فيه ولا شلون ,, انا المشكلة عندي مثل الخلع في كتفي مقدر اطول
شايلة البيبي ,
والله انا مثلك مالقينا سرير وطول الرحله وبنتي علي رجولي بس اشواء كل فتره ياخذها ابوها شوي والجلاسه وكرسي السياره اعتقد مايدخلونها الطياره اصلا مافيه مساحه تحطينهم فيه والبيبي مايكون له كرسي بالطياره الا اذا كان عمره اعتقد سنه ونصف

بالنسبة للحجاب ,, أنا فصلت عباية كتف سوداء وفوقها حجابات ملونة بس مارتحت لها وبرجع
افصل طرحة سودا كبيرة وعريضة وطبعا نقاب ,, البسهم اذا جينا نسافر ولا اخذ عبايتي
العادية ولا وصلنا لبست حقة السفر >> احس اني مستحية من عباية الكتف مدري شلون
اتأقلم على هالشيء ,,,,
والعبايه عادي انا رحت بعبايه الراس
وفصلت عبايات كتف ملونه و مسكره من قدام يعني بس طقطق من فوق و معاها طرحه ولثام لانه صعب تلبسين عبايه سودا هنا واحسن لك العبايه ماتكون طويله مره عشان ماتسحب في الارض وتتوسخ وتترطب في المطر او تتنجس من بول الكلاب والقطاوه الله يكرمك


الملابس ,,
ملابس البيبت الي تاخذونها فقط بجامات ؟ ولا تاخذون قمصان وحراير وكذا ولا مافيه حاجة لها
عشان البرد ؟
بصراحة محتارة مرررررررررة
لا عادي جيبي قمصان وحراير وبجايم وكل شئ وكثري من ملابس البيت والبيوت فيها تدفئه يعني عادي ماتحسين بالبرد الا لما تطلعين براء

وبخصوص لبس البرد لما تطلعون وش تلبسون ؟ خصوصا ان العباية على الكتف ومايمديك تلبسين
شيء كبير يدفيك بتنتفخ العباية ويطلع الشكل يضحك >> لا تلوموني كل شيء افكر فيه ,,
جيبي معاك بالطو طويل تلبسينه لحاله مع الحجاب او فوق العبايه وجيبي شي مقارب لالوان عبايتك


بصراحة كثرت من البناطيل الي شادتني جنز وغيره عشان تدفيني بدون ما البس تنورة ,,
لأني حايمة كبدي من جسمي الجديد بعد الولادة وحالتي النفسية دمار بسبب هالشيء
بس ان شاء الله لا جيت عندكم بنحف يقولون كل شيء غالي بجوع نفسي
وعادي ليه نفسيتك دمار كلنا مثلك تغيرت اجسامنا بس رجعت مثل اول
وكثري بناطيل لاني جبت تنانير وندمت


اتمني اكون افدتك وان شاء الله توصلون بالسلامه

ياصباااااااااااح الخيرااات

كيفك يابنااااااااااات

الله ياخذهم هم وديرتهم ماتروحين مستشفى الا بمواعيد حتى لو فيك زكمه

جعلهم مايربحون

المهم عندي مووعد دحييين

يابنات ابي طريقة التشريبه الثريد باللغه العربيه الفصحى اذا سمحتواا

مررره مشتهيتها وابي خبززز صاااااااااج

طلبااات حضرتي:42:

هلا ساره
اي والله مستوصفاتهم تجيب الضغط
مو بس لو كان فيك زكمه لو فيك الموت لازم موعد
واوقاتهم تقهر بعد مايعطوني موعد الا ويكون زوجي في الجامعه ويضطر يغيب عشاننا

وش تقصدين بتشريبه الثريد؟؟
احنا الثريد عندنا بهذي الطريقه
تخلطين دقيق بر مع ما وخميره وشوي ملح وتترك تخمر وتكون تقريباً مثل قوام عجينه الفطاير او اثقل شوي وبعد ماتتخمر تحطينها في الفرن لما تتحمر
بعدين نطحنها في المولينكس لما تتفتت و نحط معاها بصل محموس بالسمن او نحط في المولينكس بصل مقطع قطع كبيره وسمن وينخلط مع الثريد وبس
وخبز الصاج ماعرف اصلحه بس اتوقع بتلاقينه في قسم الطبخ

مرحبا بنات

مغتربه جديده

لسى مالي الا شهر تقريبا

بس طفشانه مرررررررررررررررررررره ماتعرفت على احد



ابي اشوف سعوديين من جد احس اني رايحه باكستان كلهم باكستان


في احد في برادفورد ياجماعه


ابي اسألكم اشياء كثيره وابي احد عنده عيال اطلع انا وياها ينبسطون العيال مع بعض


وبس الله يسهلها علينا