أخواتي أبغى أحد يدلني على حضانة مجربة تكون كويسة في يورك أحط فيها ابني ابو 6 شهور....وكيف حضاناتهم عموما أبغى سلبياتها وايجابياتها أرجوكم.....وكيف أعرف اذا كانت الحضانة جيدة والا لأ ؟ وووش المعايير اللي تقيسين بها جودة الحضانة من عدمها؟؟؟ هل يهتمون في البيبي مرة والا مشي الحال ؟وهل الافضل اجيب بيبي ستر والا الحضانة؟:cool: وبعدين هل أحجز وانا هنا في السعودية والاأصبر لين أوصل هناك؟ أرجو الرد للأهمية جعله الله في موازين أعمالكم

السلام عليكم


كيفكم ان شاء الله تمام ..الله يبلغنا واياكم ومن يعز عليكم رمضان ..

الحمدلله كلشي موجود مدام الواحد في عافيه فهو بياكل ..وبالنسبه لسمبوسه موجود طريقة عجينتها للي ماتفضل السويتز ..وبيني وبينكم مافيه احسن من الفطاير والبتزا تشبع ومافيها دهون ..

اخت hsamo
انا جربت دكتوره هنديه حسبي الله عليها ونعم الوكيل ..تعامل سئ علاج اسوء ..اقولها سني فيه الم شديد مااقدر انام منه وتقول لامافيه شي والالم اللي فيك من الاكل اللي بين الاسنان ..

اتوقع انهاتنتقم مني لاني مره رحت لها ودخلت لحالي طبعا اللغه ميييييح وكنت بسالها هل الادوات نظيفه لاني اغلب الامراض تنتقل عن طريق ادوات الاسنان الغير معقمه ..
فقلت لها is it clean ???وقلتها مره ثانيه بس تستهبل ..يعني له مافيه ثقه ..

فهي تتكلم انا مافهمت لها قامت جابت لي ممرضه تتكلم اردو قلت لها ماافهمك انتي ؟ قالت اجل وش تتكلمين ؟ قلت عربي ..
سوت المطلوب منها لان اول مره كان معي زوجي وهو اللي يتكلم وهالمره دخلت لحالي على اساس انه فهمها المره الاولي وجايه على اساس تركيب تلبيسه طاحت مسويته في السعوديه ..وسوتها تمام ..

لكن المره الثانيه جيت على اساس الم في الضرس وتفولي مافيه شي ؟!!!! حسيت انها بتنتقم مني تقول لانك ماتفرشين اسنانك زين ؟!!!!!وانا الحمدلله جايه لبريطانيا واسناني مافيه احسن منها بس طاحت تلبيسه ضرس ورا وجنبه سن مسوس ..

قلنالها سوي اشعه تقول مايحتاج فيه اشعه قديمه ومافيك شي ..

ماادري وش عندها ؟حسبي الله عليها ونعم الوكيل ..


جعلك ماطيحين في هالاشكال ونصيحه بعدي عن الهنود ..سيئين جدا في التعامل

هلا
ام هنو ..الله يجزاك خير
وفعلا كان زحمه وجينا متاخرين ماقررنا
الا متاخر ,بعد ابسالك فيه حديقه حول السنتر
مثلا لو جينا نقدر نصلي مثلا اذا حانت الصلاة
وابسالك يقول زميل زوجي بالمول مسجد صحيح والا لا؟!

وبالنسبه للرواتب يقولون والعهده على الراوي اذا
كانت فيه زياده بيتاخر
او على العاده الاثنين الجاي ان شاء الله

د.نوال
اسمه تراش واذا تقصدين السبلنق
ماادري
بس اصبري علي انا ادور عطور اول مااحصل ارد لك

فررحه
جزاك الله خير والله ذكرتيني
بالليل كيف بنطلع
بس انا متحمسه على التراويح هنا علشان
نحس برمضان الله يسهل ان شاء الله

hasoma
وبالمره وانتي رايحه خوذي دونات بالشوكلاته تجنن
وبالعافيه مقدما
وبالنسبه للجوع روحي لازدا اوسنسبري
او اي سوق وروقي
جيبي لك بيتزا وكوكيز ومافن وحمص ((طحت به طيحه))
وكورسان
وفواكه ياسلام
انا مثلك اول ماجيت عجزت اشبع
لكن الحين الحمد لله

سوسو
تصدقين العام تقريبا او اللي قبله
زميلتي هنا بيورك تقول (لندن ))
عيدوا قبلنا بيوم
عاد انتي بتصومين مع السعوديه
ان شاء الله نوافق يومهم يارب

وبالتوفيق للجميع

هلا اختي
والله انا ماعندي خلفيه لكن اشوف كل حي تقريبا
فيها مركز للاسره
ورحت له بصراحه عنايه وفيه تعليمات على الباب
علشانهم ومجهز بكل شي
وكان فيه نساء بقسم ثاني يدرسون
ماادري عيالهم او لا
يعني لازم تكون الام مسجله وفيه حضانه بالجامعه
لكن ان شاء الله بسالك وحده وارد لك باذن الله
وماله داعي تحجزين وانتي في السعوديه
وحياك الله في يورك
متى بتنورونا ان شاء الله :27:

ام عبدول

بالنسبة للمصلى في المول صراحة ماعندي خلفية!! تراي مافرفة مولاتهم صح
وبالنسبة للحدايق والله مدري بعد ههههههههههه بس عادي تقدرون تصلون اي مكان متعودين هنا
وبعدين ليش ماتجين تصلين عندي تراي مو بعيد عن السنتر من جد والله حياك اي وقت نتشرف بمعرفتك

اما عن الراتب ماظنيت الزيادة قريب بس من قال ان فيه زيادة اصلا ؟وماقالوا كم ؟ زوجي يقول سمع كلام بس اتوقع كلام فاضي مدري ليش
<< ماودها تتامل
بس من جد ماودي يتاخر اعوذ بالله احس الفلوس هنا مافيها بركة ابدددددددددددددددددد كل اسبوع ازدا ولا يخلص الاسبوع الا ومابقى ولا غرض :( الله يبارك لنا في هالراتب بس


russia1975
هلا اختي ..مادري عندك خلفية عن حضاناتهم هنا ترا غالية مره للي اقل من 3 سنين يعني ممكن تكلفك500 الى 600 باوند ااذا يطول عندهم لان يبغى له تغيير ورضاعة وعناية
الله يعينك...بالنسبة للامان يقولون مره اااااامنه وموثوقين بس صراحة مره شايله هم بنتي مادري كيف اخليها تغيب عني كل هالووووووووقت:icon33: