رحلت وتركتني حايره لحد الجنون
الا يابعد كل هلي وناسي
شوقتنا لك وشوقي اشتاق لعيونك النعاسي
الا يامن سكن ناظري بقربه
واحتل خاطري في بعده
وينها ايامك يوم تناجينا
وينها ايامك يوم تلاهينا
وين طيفك الي يدفينا
وين عيونك الي تراعينا
كلهم اختفو مع باقي علومك
لا تبتعد دام الغلا مابين ضلوعي يناديلك
لا تبتعد دام الزرع الي في قلوبنا بعدك ماجنيته
خلك معنا هنا مابعد امتلت ايامنا من ضحكك وسواليفك
لا تطري الرحيل
بدري على الفرقى ولاحقين عالهموم
لا تطري الدموع
جفت العيون من فارقناك
اذكرك واذكر لمستك الحنونه
اذكرك واذكر مواقف الرجوله
كنت الماضي والحاضر
ومالي امل بالمستقبل بليا طلة عيونك
مرت الايام وانا مرهونة طيوفك
تتلاعب بي الذكرى يمنه ويسرى
روحي تتبع ممشاك من مشت جثومك
ناديت بعالي الصوت
ماعاد اطيق الفرقى
رد لي صدا الصوت يشمت بي
محد درا عنك ياوخيه
اه ياصدر الدفا
اه يامفارق الجفا
وينها ايامك ياراعي الوفا
لو ماوسعتك الارض
توسعك من هي بالارض منسيه
توسعك من هي بالارض مجروحه
توسعك من هي بالارض يتيمه
عيوني فدوة لك
تقلب فيها ترا مالي غرض فيهن دامهن مايشوفونك
ماحس قلبي بالفرقا ماغير فرقاك
ماعلمت ان الجفا الي يحكونه ماغير اهاريج ومواقيت
شلون هي دنياك الحين
شلون تمر ايامك
يابعد كلي ومن لي شلون هي ساعاتك وثوانيك
شلون تقضيها
ياترا متهني ولا متعني
وش سار في باقي اثارك
ياترا للحين باقي مابين رفات الرمل ولا محى اخر تفاصيلك
ااه تبخرت حلومي وامالي
ياكل ربحي وخسارتي
كنت الهنا وانا العنا
كنت الدفا وانا الشقا
كنت الوفا وانا الجفا
كنت الاب وانا البنيه
كنت حياتي وانا حيه
والحين من بعد عينك شلون بحيا بلا حياتي
قولي واهمس لي الواقع المر
صحيح مالك رجعه ؟
صحيح مابشوفك ولا بشوف ضحكة سنونك
صحيح مابعد نشف دمعي وكل الي حولي مستانس برحيلك
صحيح اقدر اكمل حياتي بلا طلة عيونك
تهقى قلبي قادر على نبض جروحه وهمومه
شلون بينبض وانا ماتركت عرق(ن) مانقشت عليه حروفك
اسال مالك الملك ومسري الفلك
ان يجعلك لك من بين الحلك
نورا
اسال مجري الرياح ومجري الغيوم ان يبيد الحزن والهموم
اسال الله الذي جمعنا في دنيا فانيه
ان يجمعنا مره ثانيه
في جنة قطوفها دانيه
لن اقول وداعا بل
الى اللقاء يالغالي
مهما كتبت ومهما عدت وزدت لن اوفي حقك يامن فارقتني في ظلمة اليل ومابين انين وترجي
ابنائك وزوجتك رحمك الله رحمك الله
والله اني احببتك في الله واغليتك وقدمتك عالجميع
لكن انا اريد وانت تريد والله يفعل مايريد
اتمنى ان تسمعني حين اهمس لك في حلكة اليالي
اتمنى ان يصلك سلامي واشواقي حين ابعثها مع طائر لن يدل طريقه اليك
اتمنى ان تكون في سعاده وفي جنة وسعها السماوات والارض
يامن رحلت عنا شابا
سنلقاك يوم القيامة في جنات النعيم
مع رسولنا الكريم
فهل انت منتظرنا!!
لا اكاد اطيق صبر الفراق :(
فما بال عمري يشيخ بي ولم تطل علينا هيبتك البهيه
رحمك الله رحمه واسعه يابعد هلي وناسي :26:
قموووووووووووووووووووره