AMAL 3MRY :

جزاك الله خير على الموضوع الرائع واللي فتح علينا جروووووح وجرووووح نحاول نتناساها ونعيش حياتنا إلا إنها مصرة تنغص علينا ما تبقى من حياتنا :( أنا منب جايه أقولكم إني إيه أضرب وأموّت من الضرب لااااااا أنا بجيكم من البدايه موب من الآخر !!! وياليت تصبرون علي وتتحملوا كثر كلامي و ألقى منكم آذان صاغيه وقلوب واعيه لأني تعببببببببببببببببت وتعبت عيالي معي ... أنا مشكلتي بنفسي أنا , وشكلي الله لا يقوله بنقلها لعيالي إن ما كان نقلتها وخلاص .. مشكلتي إن أمي الله يصلحها ويطول بعمرها بطاعته ويجعها تلحق وتكفر عن أخطاءها اللي ارتكبتها في حق الآخرين ؛ كانت معاملتها لي جدا جدا سيئة في طفولتي ومراهقتي وصباي حتى بعد زواجي ظنيت إن العقده إنحلت بعد زواجي لقيتها تصب جام سخطها موب بس علي وعلى زوجي بعد !!!!!! حكاوي طويلة عريضة من ظلم واطهاد وتفرقة و و و و و و و ........ يعني صارت مضرب مثل عندي في معنى الكره الحقيقي والغل اللي يمكن أن يملئ صدر إنسان ما !!!! ومازالت .. ومو آخرها طبعاً هذا شي أنا متوقعته طردت زوجي من البيت وأنا نفاس ليش قاعد لازق فيني ويلبي لي إحتياجاتي ومهتم فيني وفي عياله وموب منقص علينا شي رغم فقره المدقع بينما أختي زوجها معطيها الخامس , اللي كانت نفاس معي أيضاً واللي تآمرت مع أمي وأخوي بصفته الوكيل الشرعي لنا بعد وفاة أبوي يرحمه الله وباعوا بيت أبوي لها غصب عني ودون رضاي بحجة إن أخوي معه توكيل مني ويقدر يبيعني ملابسي اللي علي وأنا مالي كلمة ولا راي بأي شي أسمع وأنفذ بس و و و و من هالكلام اللي كله تحقير وتنقيص وإمتهان !!! طبعاً الحركات هذي كلها تسويها عشان ترضي أختي اللي سبق وطردتني من البيت على أساس إنه بيتها وعشان تذكي نار الفتنه بيننا أكثر وأكثر مع إنه السبب الحقيقي تبي تذلن وبس .... المهم ما علينا أمي الله يجزاها الجنه ومع كل هذي الصفات طبعاً قتلت كل شي حلو فيني منذ نعومة أظفاري , كنت وأنا صغيره ما أحب أناشيد الأم كذا من الله أو يمكن لأني كنت أشوفها تناقض الواقع أمامي ؟! كنت في المدرسة أكره ما أشوف مواضيع التعبير اللي عن الأم !! ما أدري وش أكتب ؟؟؟؟ كنت آخذ مقالات من المجلات وأحياناً أعيد كتابة العناصر اللي تعطينا إياها بالدرس وأزيد عليها كلمه وإلا كلمتين وداااااايم تطيح بي المعلمة لأن كتاباتي كانت مفضوحه باين إنها من مجلات خخخخخخخ أما الضرب واللي هو موضوعنا اليوم فحدث ولا حرج ؛ كانت أمي الله يذكرها بالخير أكثر ما تستمتع به إذا ضربتني على وجهي بنعال الحمام وأنتم بكرامه !!! تطلع من الحمام وتفصخ اللي برجله وطراااااااخ على طول ماعمرها كلفت على نفسها وسألت مين اللي سوى كذا وإلا ليش سويتي كذا وتعرف مين الظالم ومين المظلوم ومن حظي الشين دايم أنا اللي بوجهه وآكل العلقات ... يااااااااااااه تخيلوا عمري اللحين 31 وأم لثلاث أطفال الله يصلحهم وللحين أتذكر !!!!!! بنتي كملت ثلاث شهور وللحين ما تكلمني من بعد ماطلعت من عندها وأنا نفاس !!! حتى العيد ماعيدتها ما ترد علي ولما شفتها في إحتماع العائلة بالعيد أسألها ليش ما تردي على إتصالاتي تقول خلاص شبعت منك ومن عمايلك روحي الله يساعدك ما أبي منك شي ؟! وش سويت أنا ؟ ضربني وبكى ......... موب أختي اللي هي بنتك طردتني من البيت وأنا نفاس غيره وحسد ليش زوجي يهتم فيني وزوجها لا ؟ ولما شفتوني لازقه قمتي أنتي وطردتي زوجي وأهنتيه واستهزأتي بزوجته اللي هي أنا واللي هي بنتك بعد وكل ذنبه إنه يحبن ويحب عياله وأثار هذا الغيره عندك وما قدرتي تتحملي أكثر وطلعتي المستخبي قدام ولد الناس ؟؟؟؟؟؟؟؟؟ كل هذا وتقولي أنا الغلطانه ؟! ومع ذلك ما تركتها بست رجولها قدام الكل في الإجتماع ولا همني أحد .... بيني وبينكم تعودت على إذلالها فما صار يأثربي بالعكس صرت أفتقده هههههههههه وقصص كثيييييير يشيب لها الراس ولا أحد أصلاً يصدقها . زوجي من الصدمه قعد شهر مريض قلبه يوجعه موب مصدق قالي كنت أسمع إنها قوية وشديدة وكنت أحس فيك كبت نفسي بس ما كنت أتصور أبد إن كل هذا يصير فيك وأنتي ساكته ... والصراحه أنا ما كنت أقوله شي عن أمي أبداً لأن بصراحه ما في شي يسر يذكر كان كلامي معه عنها طول فترة زواجي مقتضب جدا جدا .. كان يسمع من الناس وقت ما خطبني إنها شديدة على عيالها وبس حاول يفهم مني معنى هذي العبارة بس ما عطيته جاده , إلين جا اليوم اللي فهمته هي بنفسها ههههههههههههه وكما قيل في المثل فاقد الشيء لا يعطيه ... أعطيت زوجي كل الحب والحنية وعيالي أحبهم أمووووووت فيهم هم عيوني المركبه لكن عجزت أمسك يدي عن ضربهم !!! كنت قبل ما أتزوج أتمنى المووووووت في اليوم ألف مره لأني كنت بايعتها ولاعندي شي أخسره بس بعد ما تزوجت حسيت لحياتي قيمه وإن في أحد يحبني ومحتاجني فقررت أوهب له حياتي وأعوضه وكنت بالواقع أعوض نفسي به حملت وجبت بنت زي القمر ماشاء الله ما تمت شهرها الخامس إلا وأنا أضربها وأصارخ عليها !!!!!!!!!!!! شي موب معقول اللي كنت أسويه بس ما كنت أقدر أمسك نفسي حتى مره شالها أبوها مني وقالي كلمه ترن بإذني للحين قالي : أشك إنك أم !! وجا الثاني ونفس الطريقة ظرب وهواش لسبب وبدون سبب ... الحين البنت خمس سنين والولد أربع ولا يمكن أسيطر عليهم وضرب رايح جاي أدري إني خطأ خطأ خطأ بس ما أقدر تعبت صرت أحاول أذكر نفسي إذا جيت أضربهم إن أمي كانت تسوي لي كذا وما كان يرضيني بس كنت أخاف منها وأكيد عيالي اللحين يحسون بنفس الألم النفسي اللي كنت أحسه .. بس عبال ما أقول لنفسي هذا الكلام أكون خلصت من ضربهم !!! جربت سالفة العد 1 .. 2 .. 3 .. وهي اللي أستخدمها اللحين ( مع الضرب ) يخافون صح شوي ويبطلون الشي الخطأ اللي كانوا يسوونه بس أغفل ألقاهم فص ملح وذاب طاروا ... صاروا يتصيدون غفلتي ويشجعون بعض على الخراب والفساد وعصياني وتكسير كلامي ... وسالفة الجدول أحسها صعبه مره للي بسنهم لأنهم توهم مايعرفون يقرون مع إني حاسه لو كانوا يعرفون يقرأون ما راح يلتزمون وراح ياخذوني طقطقه ........ زوجي يقول لي بدل ما تدوري بالنت وتدوّري طرق وأساليب لتربية الأبناء تربية صالحه قوّمي سلوكك معهم أول وهم يزينون ومع الدعاء أمورك كلها تمام ..... وهو صادق من كثر موب شاغلني هالموضوع وما أبيهم يذوقون وعلى إيدي اللي أنا ذقته قبل , بس كيييييييييييييف ؟؟؟؟

جزاك الله خير على الموضوع الرائع واللي فتح علينا جروووووح وجرووووح نحاول نتناساها ونعيش حياتنا...

لوجن 2009 :

نفس مشكلتي مع بنتي ام 3 سنوات

نفس مشكلتي مع بنتي ام 3 سنوات