أسعد الله أوقاتكم بكل خير..
ياحي الله بنات حواء زمان عنكم وحشتوني يالوجوه الطيبة ..
حبيت أنزلكم طريقتي المتواضعة في العناية بالقدمين لأنه كثيييير سألوني عنها في موضوع ((سر جمال اليدين))وطبعا ماراح أبخل عليكم بها بأذن الله ..
بحكم أننا بنات لازم نهتم بأقدامنا لأن البنت الجميلة تنعرف من يدينها ورجولها أنتي فكروا لماتشوفين وحده أيدينها ورجلينها ماشاء الله حلوة تلفتك بشكل كبير وماتنسينها تحسين بالأنوثة خارجة منها .. بالنسبة ليه أول شي يجذبني في المرأة يدينها ورجولها وأسنانها طبعا واليوم حبيت أذكرلكم عنايتي المتواضعة بالقدمين وبتسعدكم ان شاء الله طريقتها سهلة ونتايجها سريعة ......
الطريقة أول شي لازم تنقعين رجلينك في(( موية تكون شوي دافية وفيها قليل شامبوا الخاص بالأقدام فيه ماركات كثيييره بس أنا أستخدم شامبوالأطفال ومرتاحة عليه+ ملعقتين من الملح + 4 ملاعق أكل خل التفاح وهذي الطريقة يسوونها الأجانب)) ..تنقعين رجلك فيها لمدة 10 دقائق بعدين خلاص بعدين خرجيهاونشفيها وأفركي القدمين بالحجر الخاص بها لأزالة الجلد الميت عنها وبعدين قصي الأظافر وجيبي أي كريم صنفرة للقدمين عندك وسويلها صنفرة أنا أستخدم ملعقتين من صنفرة كاب+ ملعقة صنفرة المشمش أوصنفرة بودي شوب وأفرك القدمين بالليفة المبلولة بموية دافية ألين تنظف الرجلين من الجلد الميت والأوساخ وأغسلها مظبوط وأنشفها بالفوطة ..
بعدها يجي دور الترطيب أذا كنت خارجه لمكان بس أرطبها بهذي الخلطة المرطبة....
((نص فنجان زيت اللوز الحلووو + فنجان ليمون + نص فنجان جلسرين سائل كميات متساوية أحطها بعلبة وأخليها بالثلاجة عند الحاجة )) أدهن منها على القدمين والجسم للتبيض والترطيب وممتازة عن تجربة وماأستغنى عنها..
في الليل قبل ماأنام أستخدم خلطات للتبيض وتنعيم القدمين وحده من هذي الخلطات وكلها روووعه أنتي أختاري منها اللي يناسبك ..وأدهنيها على الرجلين في الليل وألبسي عليها نايلو وجوارب فوقها أو سولكر خاص بالأقدام من الصيدلية..
الخلطة الأولى ..
(فكس + ليمون+ زيت اللوز الحلوو كميات متساوية )
أو
الخلطة الثانية ..
( جلسوليد اللي علبته حمراء + ليمون كميات متساوية )
أو
هذي الخلطة الثالثة ..
للأمانة سمعتها من صديقة لي جربتها وعلمتني بها وأعجبتني نتايجها جدا لماجربتها وقلت لكم ماراح أنزلها ألين أشوف نتيجتها لماطلبوها مني البنات في موضوع سر جمال اليدين والآن نزلتها وتخلي القدمين ناعمة ومورده زي البيبي وربي غير أطالع رجليني ماشاء الله لاحول ولاقوة الأ بالله..
وهي ..نص علبة الفكس الصغير يعني ماقارب ملعقة ..
علبة فازلين أصغر حجم
صابونة لوكس مبشورة
علبة جلسوليد أصغر حجم ..
1 معجون أسنان سجنل اأصغر حجم
تخلط مع بعض بعلبة وتوضع بالثلاجة تدهنينها على القدمين في الليل قبل النوم وتلبسين الجوارب الخاص بالأقدام من الصيدلية أسمها سولكر من جوه بلاستك ومن بره قطنيه واللي ماعندها تلف على رجولها كيس وتلبس جوارب عليها وتنام فيها بالصباح تغسلها وبعد أسبوع تلاحظون فيها فرق البياض والنعومة من أول مره ..
الخلطة الرابعة ..
كمية من الخميرة الفورية تخلط مع + كمية من عصيرالليمون الحامض تخلينها زي المرهم وتدهن بها الأرجل وتغطى للصباح وبعدين تغسلينها الصباح وترطبين الأرجل بزيت اللوز هذي الوصفة تورد الأرجل ممتازة عن تجربة
وأتمنى من كل اللي يعجبه موضوع ليه يدعيلي عليه بالتوفيق ويذكر أسم الله أويقول ماشاء الله لأني محتاجة دعواتكم يالغاليات ...
ولاتنسوون ماأحلل من ينقل مواضيعي بدون ذكر أسمي عليه ((منقووول لفارسة حواء))
وأخيرا أتمنى الموضوع يعجبكم وترضون علينا ياحلووات ..
بس حبيت اسلم علييك ياقمر:biggthump
مع اني استفدت كثييير مرره من بعض الاشياء اللي ذكرتيها :)
ويعطيك الف عافيه ياقلبي:26: