كوبونات الراقية تسجيل الدخول

**بريد الشوق**
**بريد الشوق** •
كملي الله يعافيك ذابحني الفضول أعرف النهايه
وبالتوفيق...
تقبلي مروري(:
شــادن
شــادن •
البارت التاسع

اعذلوني فيك عشاق النصيحه
وانشدوني عنك طرفين الحكيه
إن شكيت من الهوى قالوا فضيحه
وإن سكت استنقظوا جرحي عليه
كيف بخفي الحب وجروحي صريحه؟
كيف احجب الشمس ياخلي بيديه؟
من عذلني بالهوى الله يبيحه
ومن عذرني ماحصل مني خطيه
"بعد شهر في ..بيت فهد "
×الـــصــقــر×
ماصدقت وانا اشوفهااا بفستانها الابيض ان هااذي هي نواال ؟!! هذي نوال بنتي الصغيره ..شكلهاا تغير واايد
مع اني انا ألي اخذتها من البيت للصالون للقاعة ومع هذا كله مااشفتهاا بعد ماااالبست فستااانهاا وتعدلت
قربت من نوال وبستهاا ع راااسهاا : مبروووك حبيبتي
نوال جاوبتي : الله يباارك فيك وحضنتني بقوووه
طوقاتهااا بيدي وانا اتمنى ابد مااافكهاا ما اتخيل ارجع بيتناا وماالقاااهاا فييييه
نوال : الله يخليك خذني معاااكم مااابي اتم هني
ضحكت : وين خلااص انتي اللحين مالك مكااان الا هني
مهاا : اقول خلصو هالفلم بسرعه خل الادميه تصوركم ترى مره طولتو ع الرجال له ساعه بالصاله
نوال : ينفلق
قلت لهاا بعتب : نوال
المصوره خذت لناا كمن صووره واطلعت
مسكت ايدهاا وجلستهاا ع السرير وجلست جنبهاا ومها جلست بالجهة الثااانيه
قلت لها : نوال انتي اللحين رح تبدين حيااة جديده .. حياة مختلفة تماااماا عن الحياة الي عشتيهاا ببيتنااا
من اليوم هالبيت هووو بيتك مملكتك الخاااصه ... بيدك انتي وحدك يكون جنه .. وبيدك تخلينه نااار
نوال كل شي كااان قبل مااتتزوجين ماله أي وجود اللحين ..انتي كتاب ابيض اول سطوره تنكتب اليووم
مها قالت لها : نوال فهد يحبك وشاااريك لا تبيعينه يوووم بسبت عنااادك ترى محد بيخسر غيرك .. ولابيوم تقارنينه باحد لا تقولين له شف فلان ولا شف علان ترى ماايقهر الرجل كثر انه يشوف نفسه بعيون اهله ناقص فاااهمه
هزت رااسهاااا بمعنى ايه ... كنت احس برجفه فيهاا رجفت خووف
مها ضغطت على ايدهاا : نوال الخووف اليوم شي طبيعي كل بنت تكون كذا
نوال قالت بصوت مبحوح : لو سوى زي سعد بتصدقني ياااصقر
ضميتهاا لصدري: ماارح يسووي هذااا الفهد ياانوال ماايسويهاااا
نوال رجعت تسألني : بتصدقني ؟ لو سواهاا رح تصدقني؟!!
اكتفيت بالسكوت مدري ليه ؟! يمكن لاني حتى اللان مو قادر انسى الي صاار حتى اللان لسى في باادخلي شك اتمنى من كل قلبي يكون وهم ومايوصل لليقين احسد فهد شلون قدر بسهوله ينسى شلون قدر بسهوله يصدق هل هو قلب العااشق ؟! ماادري ...حسيتها اتضاايقت هالشي باان من دموعهاا .. مااقدر اكذب عليهااا ماااقدر اكون مخاادع لاحد يلومني ..اللي صااار مااينسى
مها حاولت تلطف الجوو ..: صقر اطلع ياللا خليها تبدل
قمت وانا مو مصدق : انا بطلع لفهد بست نوال على رااسها وطلعت ..نوال كانت فاااتره معااي ولا اهتمت اكيد انجرحت مني ..عاز علي جرحها بليلة عرسهااا

× خــــــالد ×
اااخ هالصداع فضييع ماني لا قاادر اناام ولا اقعد صااحي اااخ .. سندت رااسي ع الجدر وزفرت زفره حسيت انفااسي رح تطلع معاااهااا .. تذكرت الي صار لي اليوم وحسيت بالقهر يملاني ... كان الوقت استراحه الغذا ..وكنت تعبااان وهلكااان ع الاخير ..اشتريت لي سندويش من الكفترياا القريبه من المستودع الي انا تعينت فيه من كم اسبووع .. كنت داخل لغرفة الاسترااحه سمعت العمال يتكلمون عني
واحد من العمال : الا شو حكاية العامل الجديد
رد عليه : بيئول ان وراه ظهر ساانده اوووي اووي
رد عليه واحد ثالث : أي ظهر أي خرابيط الولد مدمن مخدرااات
رد عليه واحد من العمل : ياراجل متالش الكلام داه دا باين عليه قدع ابن نااس
رجع رد عليه : أي ابن نااس الكلام هااذاا اناا جاايبه من مكتب المدير نفسه ويقولون انه دخل السجن بعد بتهمت الترويج للمخدرااات
جاوبه باستنكار : يااراااجل ؟ّ
دخلت عليهم : ايه اناا مدمن سااابق عندكم مشكله بذا الشي
الكل نزلوو عيونهم وسو نفسهم ولا كان صار شي ..قلت لهم : وش فيكم ؟! تكلموو ؟! شفتم علي شي ؟! قصرت بعملي ؟!! اخلااقي بالارض ؟!! وش فيكم سااكتين ؟! لا يكون بس خايفين اعديكم ترى لعلمكم الادمان ماينتقل عبر الهوا او الكلاام
جاوبني واحد منهم : هدي نفسك يااابني الموضوع مايستاهلش
قلت له : ودامه مااايستاهل على قولتك ليه تكلمون فيه ؟! ليه محد فيكم جا وسالني ماكنت خبيت عليكم ماله داعي تنبشون وااار ي وتحطوون بهااراااتكم وطلعت بعد ماا خبطت البااب بقوة
الادمااان نقطه سوداا بحياااتي وسخ انااا جبته لنفسي مهماا تغيرت ومهمااا نجحت ماارح ينسى الناس هالشي مااارح تعمي عيونهم عن هالقذاااره .. قذاااره من صنع ايدي للااسف .. ليتني بس فكرة ولو مره في النتاااايج ليتني مااسمعت كلااامهم ..لاااتخدع نفسك ياااخالد .. لا تلووم غيرك ... انت عندك العقل ماانت بسفيه لاا ترمي غلطك على غيرك لاا ترميه ..هذاا زرع انت زرعته وحان وقت قطاافه
شــادن
شــادن •
× فــــهـــد ×
اللحين وبعدين اناا كم لي جالس هناا متى رح يطلعووون من عندهاا ؟! جلست اطاالع بالسااعه اوووف نزلت مشلحي وشمااغي وحطيته جنبي
حصه : ههه فهيدااان اثقل شووي
قلت لها : فهيداان بعينك عريس وتقولين لي فهيدااان
جاوبتني :ادلعك مالت عليك
قلت لهاا : ماابي دلعك خليه لك
قالت لي: اكيد ماتبيه دام عندك نوال اللحين
ابتسمت لهاا.. ماادري مااكاان عندي رد عليهاا ... خصوصاا وانا مااعرف طبيعة مشااعر نواال
حصه : فهد اعرف بشنو تفكر .. حتى لو ماالك بقلبهاا مكااان بيدك تزرع حبك بقلبهااا
التفت عليهاا : اللي يسمعك اللحين مايصدق ان انتي نفسها الي كانت تنصحني اتركهااا
حصه : هذااك اوول كنتوو لسى ع البر اماا اللحين وبعد ماااصرتوو تحت سقف وااحد مااعدت اقدر اقول ذاك الكلااام .. سكتت شووي ..فهد اعرف انك مو محتاج توصيه واعرف زيين انك بتحطهاا بعيوونك .. فهدعااملهاا زي ماتحب اني انا اتعاامل لاا تنسى انهاا يتيمه وتذكر زين انها بنت عمك عزهااا من عزك
قاطعتهااا : لااا توصين حريص
ابتسمت لي : هااذي الهقوه
قلت لهاا : انتي اللي يااخذك بتكون امه داااعيته لها
وطت رااسها بخجل ومااجاوبتني
طلع صقر من الغرفه ولان حصه متعدله غطت وجههاا ...قلت له : بدري الشيخ كان طولت
صقرضحك : اعوذ بالله ترى خلااص بتقعد عندك خلنا نشبع منهاا
قلت له : وشبعت ؟!
قالي : لاااا
قلت له : احسن
خذتناا السوالف .. حصه كاانت سااكته ماااتكلمت معاااناا ماادري كان وضعها غير ... عشر دقاايق وطلعت مهاا ومشيوو كلهم سواا

× سراااااااااااب×
يااربي هذاا وين راااح ؟! اللحين صااارت الساااعه 3 وهو لسى مااارجع .. وين رااااح ؟!!
فركت اصاابعي ببعض حسيتهاا شوي ورح تفتت هذاا وينه
منيره الي كانت سهراانه عندي لان رجلهاا بالدوام الليلي : سراب اذكري الله اكيد عنده شي اخره
قلت لها : منيره الساعه ثلاثه الفجر وهذا لسى ماجا ولا اتصل قلبي يااكلني عليه
منيره : سراب قدمي الخير
سراب : ويلي لا يكون صاار له حادث
منيره صرخت : اعوذ بالله
جلست وانا حااطه ايدي على رااسي: وليدي ياااويلي ياااوليدي اكيد فيه شي انا قلبي نااغزني من الصبح
منيرة بعصبيه : حسبي الله على ابليسك وش ذا التشاائم
قلت لها : منيروووه ولدي هذا ولدي
عصبت بزيااده : رااكااان رجال هب بزر تخافين عليه تلااقينه بجمعه مع اصحاابه وخذتهم السووالف
قلت لهاا : ماايسويها ولو بيسمر برى كان قاااالي قبل لاا يروح شغله
منيره : يمكن نسي ..اووف مدري متى بتفهمي انه كبر ومو محتاج يعطيك تعليمات بكل تنقلااته وحركاااته
قلت لها : منيروه ليه ماتروحين بيتك احسن لك
منيره تغايضني : والله ورعاني نايمين انا انتظر رويكن يوصلني ماارح اطلع بهالوقت لحاالي
قلت بعتب : يعني منتظره مو خوف عليه مصلحه
منيره تمد لساانها لي بحركات بزران : ايه
قلت لها : الحمدالله والشكر مبزره
طلعت فرح من غرفتها : عمه ؟! وش فيكم
منيرة : مافي شي حبيبتي اتيسري لغرفتك
فرح بستنكار وهي تفرك عينها : انتي وش تسوين عندنا " تكلم منيره " ليه ماروحتي بيتك
منيرة تهز راسها : حسبي الله البنت وعمتها يطردوني
قلت لها : منيرووه مو وقت هبااالك اللحين
سمعت صوت خشخت مفااتيح عند البااب الدااخلي .. قمت ركض باتجاهه
فرح لمنيره اللي صاارت تعدل شيلتها وبرقعها : راكان جاا
فرح : توه ؟!!!
فتحت الباااب : انت توك شرفت كان تاخرت شوي
جاوبني : عمه شفيك
قلت له وانا احااول امسك نفسي لا انفجر بالبكاا : وينك اللين اللحين ؟! طالع السااعه كم ؟!! انت متى تخلص شغلك هاا ؟!! الساعه 11 واللحين الساعه 3 يعني اكثر من اربع سااعات لا حس ولا خبر ماااتقول في ناس بالبيت تستنااني ناس ينأكل قلبهاا عليك ؟!
راكا ن يحاول يرد : عمه .. انا خلصت شغلي و
قلت له مقااطعه : اكيد رحت حضرتك تنبسط انت واصحابك وانا بالطقااقه الي يطقني ؟! وبديت ابكي انت لا مسوي قيمه ولا اعتباار
رااكان : انا؟!
قلت له بعتب وانا ابعد ايده الي حاول يمسكني فيها : ايه انت .. انت لو مسوي لي خاطر كان اتصلت وقلت يااعمه ترى بتأخر كان انا نمت ومنيروه روحت بيتهاا
جا صوت منيره : ياامره اسكتي خليه يتكلم اعوذ بالله كلتيه بقشوووره
قلت لها : منيروووه انتي معه او معي
منيره : حرب اهي خليه يهرج .. راكان وين كنت عمتك بغت تاخذ عبااتها وتدور عليك بالشوااارع
وتصيح بعالي الصوت ياااهل الخير احد شااف طفل ضاايع طوله يصك المترين وله شنب يوقف عليه الطير
قلت لهاا : تتمصخرين انتي وجهك ؟!!
جاوبتني : ايه نعم مااتشوفين حالتك تقول مضيعه ولد ابو سنتين
رااكان وهو يضمني مع كتفي: اعذريها ياااخاله هذا من غلاااتي
قالت له : تخلخلت عظامك قول امين
رديت بسرعه : وعظامك قبل عظاامه لا تدعين عليه
منيره : افاا تدعين علي ؟!
قلت لها : وتدعين على وليدي واسكت ؟!
فرح : ايه رااكاان بتردين عنه وانا لي الله
منيره تخبطهاا : ترى مو وقت غيرتك انتي وجهك
فرح : ااااي يعور
التفت على راااكان : وين كنت ؟!!
رااكان : والله يمه كنااا مع ترووك بالمستشفى
سألته : وش فيه تركي ؟!!
قالي: مافيه شي عمه تعب مره فاسعفنااااه وعطوه جلست اكسجين ومااخلصناا الااللحين
فرح : طيب ليه مااا اتصلت علينا ؟!
جاوبها : وربي انشغلناااا تعرفون الرجال كبير بالسن ومقعد محتاج احد معااه فتركي جلس مع عمه ويتفاهم مع الدكاتره واناا رحت اسوي اجراءات المستشفى
منيره : وكيفه اللحين عسااه بخير بس ؟!
قالها : الحمدالله تماام
منيره : الحمدالله هياا تعال شيل ورعاااني وودني بيتي
قلت لها : اقول رجلك هب جاااي الا بكره الظهر بيتي عندنااا اليوم
فرح : ايه والله من زمان مابيتي عندناا
منيره : لا والله ورجلي .... ماااعنده خبر
رااكان : ترى اناا بنام عاادي عند ترووك مو مشكله
منيره : تهج من بيتك عشاني لا والله ...
رااكان : مو مشكله والله
منييره : اقووول تعال شيلهم وخلصني
رااكان : حااضر بشيلهم
شــادن
شــادن •
× نـــــــــوال ×
احلم ... ايه انا احلم اللحين رح اصحى .. اصحي يانوال اصحي ..اصحيييييييي ... لا اناا ماااحلم مااااحلم ويلي .. ناظرت بالقميص الي اناا لااابسته ..امييييييييييييييييي ... حيااتي انتهت خلاااص .... حرااام عليك ياااصقر اناا وش سوويت لك عشاان ترميني بهالبلووووه .. والله حراااااام سمعت صوت نحنحه التفت لمصدر الصووت
كان فهيدان واقف عند البااب وعليه ابتسامه من الاذن للاذن.. ويلي هذا وش جااابه اللحين لفيت روب القميص علي بقوة لدرجة حسيته رح يتشقق الله يااخذ بليسك ياااامهاااا كله من تحت رااسك هذي نتجيه اختياااارك ...بلعت ريقي بصعوبه وانا اسمع صوت خطواااته تتقدم باتجاااهي ...ويلي ليه مو حلم ليييه زدت اشد ع الرووب .. حسيت بفهد وهو يجلس جنبي ع السرير ... بسرعه قمت من مكاااني ..وابتعدت عنه
بس مااعرفت وين ارووح ! اطلع من الغرفه ؟!! او اتم وااقفه ؟! امييييي وش ذي الوهقه ؟!!
فهد اخيرا تكلم : نوال تعالي اجلسي مااارح اسوي لك شي
مااصدقته اكيد يكذب ايه يكذب خلني اقرب منه مااارح يرحمني
فهد : والله العظيم مارح اسويلك شي بس تعااالي ابي اتكلم معااااكي .. ومد لي ايده
رحت وجلست بعيد عنه طبعا بعد ماطنشت ايده المممدووده ..
سألني : لازم يعني المساافه ذي كلهاا
قلت بصوت ياقال اني متماسكه : انت قلت بنتكلم ..تكلم وخلصني ابي انام ..انتبهت لكمتي بسرعة عضيت شفاتي
ضحك : حتى انااا ترى ابي اناااااااااااااام
قلت بدفاعيه : انا مااقصد الي انت فهمته
رفع حواجبه وشفت نظرة خبث بعيونه : وش فهمت ؟!!
نزلت عيوني بالارض: ولا شي ولاشي
انفجر ضحك : ههههههههههههههههههههههههههههه
انقهرت : ممكن اعرف على ايش بتضحك ؟!!
جاوبني : عليكي
وقفت وانا منقهره : شاايفني مضحكة ؟!!
مسكني من يدي : اقول اجلسي بس
جلست وانااا اناظره من طرف عيني "شزر " ...
قالي : شوي شوي ترى اخاااف
قلت له وانا اهز راسي بتريقه : هي هي ماايضحك
هز راسه هو بدوره : محد قالك تضحكي
يقهررررررر والله يقهر ..مديت له لساااااني : سخيف
ضحك : طفللللللللللللله وربي طفللللللللللللللللللللللللللللللله ومد سبااابته وخبط فيها جبيني
سحبت اصباااعه وعضييييييته صرخ : ااااااااااااااااااخ ...... خبلة انتي
قلت : تستاااااااااااااااااااااهل
× مــهــــا×
اخيرااا وصلناا البيت . بعد ماودينا حصه بيتهم ..على طول رميت نفسي ع كنب الصااله ونزلت الكعب من رجلي " الله يعزكم " اااخ ياااارجلي مره يعوووور
صقر سألني : زعلت ؟!!
قلت له : صدقني اهي اللحين اخر شي تفكر فيه كلااامك
سألني : يعني ماا زعلت ؟!! ماكلمتك ؟!!
قلت له : ماا عطيتهاا وقت يااادوب خليتها تغير ملاابسهاا
شفته وهو يسند راسه ع الكنبه : وداامك خاايف انها تزعل ليه ماااجبرت خاطرهااا ؟!! مااتعرف انهاا بوضع محتاجه فيه لكلمه تريحهااا ؟!!
جاوبني : مااقدرت اكذب عليها مو بيدي
قلت له : هذا انت مو بيدي مو بيدي .. تصدق احيان كثير تحسسني انك مغلووب على امرك
طالعني بنص عين : وش تقصدين ؟!!
قلت له : ولا شي انسى المووضوع خذيت الصندل " وانتو بكراامه " وطلعت غرفتي
فتحت دولاابي اطلع لي بيجااماا البسهاا ومع سحبي للبيجااماا طااح شي بصرااحه ماكان فيني حيل انحني واشوف وش هوو ..رحت خذيت لي شوور بمويا حاااره تسااعدني اني استرخي وانسى كل التعب الي احس فيه ... بعد ماطلعت قمت انشف شعري نشفته زييين .. خذيت فستاني الي كنت راميته ع السرير وحطيته بعلاقه عشان اعلقه بالدولااب حسيت نفسي دست على شي .. حنيت رااسي شفت شي فكرت اني تخلصت منه من زماااان .... انحنيت مسكته بيدي ..كان عباارة عن صورة لي يووم زواجي مع سعد حسيت العبره تخنقني واناا اشوف نفسي ايدي بيد سعد ... بفستاااني الفخم الي جبته من بااريس ..ضغت ع الصوووره بقووة وانا اتذكر ليلة زوااجي ... اتذكرها كأنها شريط سينمائي .. غصب عني بدت دمووعي تنزل كان زواجي مثاالي ..زواج تتمناااه أي بنت بالدنيااا ..كان باكبر قاعاات جده .. افخم التنظيمااات اغلى الطقااقااات ... فستاني رحت وشريته من فرنسااا واشتريت عقد المااس بقيمه خيااليه .. صقر ابد ماابخل علي كاان مايبيني احس بان ابوي ميت ...كنت فرحاانه بكل هذاا وغير كذا فرحاانه اني رح اتزوج سعد ولد عمي الي انا محجوزه له من صغري كنت احبه .. كان بالنسبه لي فتى الاحلام .. عمري ماتخيلت نفسي رح اكون لاحد غيره ..تذكرت شلوون هجم علي وسحبني من شعري وسألني والشرر يتطااير من عيوونه : منوه ؟!! منووو ؟!!
كنت خاايفه وارتجف واتألم : ااخ اتركني يااسعد يعوور
زااد الشد : اقولك اعترفي من كااان ؟!!
بكيت بحرقه : انت مجنوون وش تقوول
عطاااني كف : مجنوون ولا انتي الي حقيره شلوون قدرتي تلعبين دور العفه والطهااره وانتي
صرخت فيه واناا ابتعد : حدك يااسعد مو بنت الذيب الي ينقال لها هالكلااام
رجع وهجم علي ولوى ايدي لدرجة اني حسيت انه كسرهااا : ولك وجه ترادين انتي الي زيك مااايتكلم ولا يفتح فمه بكلمه الي زيك يتوسل للرحمه
قلت بحدة وثقه : خذني بيت ابوووي
رمااني ع السرير بقووة : اكيد انا ماايشرفني اقعد مع وحده كلها وصخ خلي اخووك يدفنك بالحياا
اذكر شلووون دخلت بيتناا جري ولقيت صقر جالس يقرا جريده سحبت سااعتهاا طرحتي ورميتهاا عليه
وصرخت بعالي صووتي : نخيت يااصقر نخيتك ياولد الذيب
الصقر وقف مصعووق وهو يشووفني وانا دااخله عليه واناا ابكي وكان اثر الضرب باين على وجهي ..تخيلو عروس ترجع بعد يوم من زوااجهاا مضروووبه
صرخ صقر : مهااا وش صااار ؟!! وش سوى فيك كذاا ؟!!
جاوبه سعد بكل وقاااحه : اناااا
صقر : نعم وراح وهجم عليه بيضربه
سعد مسك ايده وقاله : بدل لاا تضربني شف اختك ضيعت شرفكم مع من
الصقر جمد بمكااانه مو قاادر يستوعب الي سمعه : انت شتخرف
سعد بدنائه : اخرف اختك ياامحترم موو بكر
شــادن
شــادن •
أنا اشهد ان العرف للرجل نوماس
غبة بحر ماكل واحد يعومه
وانا اشهد ان الهرج للرجل مقياس
ماهوب في زله ولبسه هدومه
ولاكل سوقن داخله تاج والماس
والماس ماكلٍ يقدريسومه
ولاكل طير طار بالجو قرناس
والحر حر وكل عالي يعومــه
× مــهــــا×
اختك موو بكر ... كلمته حسيتها خرمت طبلت اذنه .. مو بكر .. صقر جمد بمكااانه .. صااار ينااظرني بنظره مدري شلون اوصفهاا نظره فاارغه .. يناظر فيك وهو مب معااك او انه اعمى ..صقر سكت لمده بسيطه سكت من الصدمه صدقووني اللحظات هااذيك كااانت دهر بالنسبه لي ..
كااان وااقف بنص الصاالة .. اتذكر زيين نبرة صووته نبرته كااانت غير عن كل مره نسمعه فيهااا كااانت نبرة كسيره نبره متألمه حسيت مع كل كلمه ينطقهاا جزء من رووحه يطلع
سألني وعيوونه بالارض : مهاا صحيح هالكلاااام ؟!! صحيح الي يقوله سعد
مااهاان علي وقسم بالله اشوف اخوي الي طول عمره مااحنى رااسه محني الرااس وعيوونه مااتجاوزت موضع قدمه ... لا وصوت سعد المتشمت وهو يقوول : وش تبيها تقول لك ؟! تبيها تتكلم عن سواااد وجهاا ؟! ليه واااقف بمكاانك ياااصقر وكمل بشماااته ..زين ان عمي ميت ولا شااف الصقر غدا حماامه
صرخت فيه واناا دمعي على خدي : تخسسسسسسسسسسسسسي ...
جريت جهت المطبخ وصرت ادوور بالادراااج .. الين مااطاحت عيني على سكينه كبيره وحااده رجعت للصاله جري وقربت لصقر .. اذكر نظرة سعد والخووف بعيووونه يمكن كاان مفكرني رح انتحر ولاا رح اوسخ يديني بدمه ..وقفت بكل شمووخ وعزت نفس قداام صقر وقلت له واناا اقصد كل كلمه اقووولهاا : صقر ارفع راااسك واناا اختك .. مااعشت ولااا كنت اذا بيووم احنيت رااسك بسبتي وسحبت ايده وحطيت السكين فيهاا بكفه وضغطت عليهااا
صقر كان ينااظرني ومو فااهم شي قربت منه وميلت رااسي بشكل ان رقبتي تكوون بااابينه وواضحه قلت لصقر : هاك يااصقر رقبتي ان كاان عندك ذرة شك فيني .. وغصيت بعبرتي .. اذا كنت تفكر للحظة وحده ان ممكن بيووم اخلي عيووونكم بالارض ممكن اجيب لكم الذل اذبحني واشرت له ع رقبتي .. قلت بصووت اقوى واكثر حده مع ضربي بااصاابعي ع رقبتي .. انحرني ياااصقر وانت محلوول من دمي ليووم الدين ..
صقر مااتكلم لكني سمعت صووت السكين وهو يطيح ع الارض وصقر رااسم ابتساامه على وجهه ابتسااامه داافيه .. ابتساامه قدرت تنسف جباال من الخوف بدااخلي
سمعت صوت سعد الكريه : اذبحهاا يااصقر وش تنتظر اذبحهاا واغسل عاارك لاا تغرك هالتمثيليه ... وشفته يقرب مني .. مااحسيت الا وصقر وااقف قداامي بشكل ان ظهره يغطيني .. صقر ... صقر اخوي الي اناا اعرفه بهيبته بكبريائه الي اول مااكاان هوو لاا ..كان شخص ثااني شخص حس انه انطعن بالظهر من اقرب الناااس له مااقدرت يومتهاا الومه .. أي شخص ينحط بمووقفه رح يسوي زيه وممكن بعد مايصدق كلمه من الي قلتهاا ... اعتقد اني كنت محوظه نوعاا
الصقر وهوو يناظر بنظرته الحاده : حدك يااسعد قلت الي عندك واختي قاالت الي عندهاااا
سعد : وش تقصد؟!!
الصقر: يعني ياااسعد اناا مصدق اختي ولا اني بمكذبهااا عجبك عجبك مب عااجبك هذا هو الباااب يووسع جمل
سعد بغضب: تطردني ؟!
الصقر: ايه
سعد وهو يستعد للخروج : مجالس الرجال تعذرك يااصقر خلك بين الرخوم و النساا ابرك لك
صقر : تجاوزت حدك يااسعد ... اعرف من تكلم اناا الصقر بن الذيب انا من تفزله المجالس لا انذكر اسمه بس
سعد بتهمكم : انعم واكرم
صقر بحده : برى من بيتي ولا عااد اشوف رقعت وجهك هني
سعد مارد عليه ...ومشي يبي يطلع .. مدري من وين جاتني الشجاعه وناديته : سعد قبل لاا تمشي في مكان لاازم نروحه
طالعني صقر مصدووم .. قلت موجهه كلاامي لصقر: ماابي يكون بقلبك ذرة شك اتجاااهي ياااخوي ..وطالعت بسعد بقرف.. هو مااايعنيني ابد
صقر : وين بتروحين ؟!!!
جاوبته : ابي ارووح المستشفى ابي طبيبة نسا تكشف علي
صقر : مها ماله داعي الفضاايح
قلت بحزم : صقر الموضوع لازم ينحسم ..مو من مصلحت احد يفضل كذا معلق
وفعلاا رحناا المستشفى كنت حااسه بذل فضيع اثناء الكشف او حتى وقت ماكانت تاكد برائتي ..كنت اشووف سعد الي كان وجهه مسوود حسيته زي الي تمنى الارض تنشق وتبلعه .. رجعناا البيت وطول المسافه سااد الصمت بينااا ... اتذكر اني ماانتظرت حتى دخوول البيت ... كنا بالحديقه
التفت صقرعلى سعد وقاله : بيتناا يتعذرك يااسعد
سعد : صقر خلنا نتفاااهم
صقر كان يضغط على اسنااانه : مابينا تفااهم ..
قاطعه سعد : يااصقر اناا عرفت غلطتي واستسمح منكم .. ووجه كلامه لي .. مهاا اناا اااسف أي احد بمكاني كاان سوى كذااا
صقر بعصبيه قاله : ولد العم يستر يااسعد ...ولد العم يصوون.. تهقى ابوك لو درا بسواياك وش رح يكون موقفه ؟!!
قااله : يااصقر انت لو مكااني كااان سويت نفس الشي
صقر قاله : من سترم ؤمنا بالدنيا ستره الله يوم القياامه
قلت وانا اتمسك بذراع صقر: الي مثله يااااصقر ماايفهم
سعد : مهاا ..اطلبي الي يرضيك ؟!!
قلت له : اللي يرضيني ؟!! متأكد ياااسعد
سعد : ماارجع بكلمتي يااابنت عمي
قلت له :طلقني .. ماابي منك غير طلااقي
همس : طلاق
قلت له : سعد ماااعادت النفس تقبل شووفتك ولاا تحمل قربك... طلقني
سعد جا بيتكلم الا صقر ماعطاه فرصه : سمعتها ياااسعد طلقهااا وفكنااا
قاله : انت مفروض تعقلهاا يااااصقر عطهااا فرصه تهدا
جاوبه : هذي هي قداامك ياااسعد واقولهااا لها قداامك هي وحده من ااثنيين ياااتشتري نفسهاا وكرامتهاا الي انت ارخصتهاا يااااترجع لك وتنسى ذا البيت وتنسى ان لها اهل بالدنيااا
سعد ناظرني وكانه ينتظر جواب مني ماارديت كل الي سويته اني عطيته ظهري وهو فهمهاا
سعد نطق اخيراا : انت طااالق ...وطلع