السلام عليكم ورحمة الله وبركاتة
بنتي الان بالشهر الرابع وودي اسالكم هل ابدا ادخل لها وجبات زي سيريلاك الارز او غيرة لانة كثير يقولولي ابداي لها وهي بالرابع عشان تتعود ع الطعم وماترفضة لما تكبر والبعض الاخر يقول لا خليها لما تدخل السادس
طبعا الوجبات تكون خفيفة جدا يادوب ملعقة صغيرة . وانا حاليا اعطيها عصير برتقال وثمن قطعة بسكويت فارليز مع حليبها مرة وحدة باليوم
واذا في شئ كمان ينفع اعطيها اياه ياريت ماتبخلوا علي بتجاربكم
السلام عليكم ورحمة الله وبركاتة
بنتي الان بالشهر الرابع وودي اسالكم هل ابدا ادخل لها وجبات زي...
يوم كان 4 شهور بديت اكلته خضار مسلوقة مخلوطة بالخلاط
او شوفان مع الحليب معصور بالخلاط
او رز مع الحليب معصور بالخلاط كمان
كنت اعطيه 3 ملاعق باليوم
وازيدها كل اسبوع لين وصلت نص وجبة
وبنهاية الخامس صارت وجبة كاملة باليوم
ومن لمن دخل السادس قلت بأكله سيريلاك لان تعرفي السيريلاك مكتوب عليه انه ماينعطى الا من عمر 6 شهور
ولدي تقرف منه واستفرغ
لانه ماهو متعود عليه
سويته مع المويا ماعجبه
مع الحليب ماعجبه
مع منقوع التمر ماعجبه
ضفت له عسل ماعجبه
اما الاكل التاني اللي هو الخضار والفواكه والرز والشوفان يتقبلهم لانه تعود ع طعمهم من الرابع
هذي نصيحتي لك عشان تعرفي ان التعويد من الرابع يخلي شهية الطفل كويسة وياكل اي شي ينعطى له
لكن من السادس يتشرط ومايعجبه العجب
بس لاتبدأي تعوديها ع الطعم الحلو عشان ماترفض الخضار
خلي الفواكه والبسكويت لين السادس
وممكن تعطيها من دحين بس بشكل خفيف
اعطيها اكثر شي الخضار والقمح والرز والشوفان
عشان ان الفواكه حلوة حتعجبها وترفض الاشياء التانية فيما بعد