عزيزاتي بنات حواء 0000000 اليوم جبت لكم فكرة تحتاج الى
تفاعل وتشجيع وان شاء الله بنحس الفائدة وبنشوفها بعد. :)
الفكرة هي ان احنا نشجع بعض في عمل من الاعمال وبعدين نخبر بعض بالنتائج الا
صارت ===> ادري ما فهمتوا
انزين بقول لكم الموضوع بصورة اوضح
ويش رايكم نشجع بعض في تنظيف وترتيب بيوتنا ..... غرفة غرفة
... وركن ركن ......؟؟؟
مثــــــــــــــــــــــلا:
اول شي نبدأ بغرفة النوم 00000 يوم لترتيب الملابس والاغراض الا في الكبت (
خزانة الملابس والتسريحة والكمدينو والاغراض الا فيهم 000 وثاني يوم نغسل
الستارة والمفرش والشراشف 000 وثالث يوم تنظيف الجدران والاسطح الخارجية
لغرفة النوم 000 ورابع يوم نغسل الموكيت ==> خلصنا الحجرة
وبعدين ننتقل الى مكان غير حتى نخلص تنظيف البيت بالكامل
وكل يوم المشتركات يدخلون ويكتبون ويش الا صار عندهم حتى لو مر التنظيف
عادي لانهم بشجعون غيرهم.
بتقولون ليش ما انظف الغرفة مرة وحدة وكل يوم شي واجد بتطول السالفة 000
اقول لكم علشان ما نتعب ولان بعضنا عندهم التزامات ما يقدرون ينظفون
الغرفة مرة وحدة
سوف نقوم بتنظيف العدد الذي يناسب الجميع وهو
غرفة نوم واحدة
حمام واحد
صالة واحدة
مطبخ واحد
سوف نبدأ من يوم غد
( الثلاثاء) 12/7/2005 ان شاء الله =====> مستعجلة :D
والا عندها اي سؤال اني حاضرة
ملاحظة : عند البدأ في التنظيف سنفصل في طريقة التنظيف ونطرح افكارنا لتسهيل
العملية >>> السالفة فيها عمليات
واخيرا اقول لكم
سنحتـــــــاج:
* كيس كبير ( للمخلفات والملابس التي سترمى)
* سلة الملابس او ( لجانة) ==> للملابس التي تحتاج كي او تحتاج اصلاح
* فوطة ومنظف اثاث
* بخـــــــــور
### =========================== ###