نحن معاك اختي
لكن المسألة فيها مطبخ
لازم بالأول استعد نفسيا ههههههههه

مساء الخير للجميع...


من يومين والموقع ما يفتح معي علشان كذا ما ادري وش بتشتغلون ..
على العموم بحاول اني ألحق معكم شغل امس واليوم...
نصائح للمطبخ :
1-خلي البهارات والزيوت ومواد الطبخ في الدواليب القريبة من الفرن
والصحون واغراض التقديم في الدواليب القريبة من الباب
علشان تنظيم العمل في المطبخ.

2-حاولي تخلين صحون واغراض الاستخدام اليومي في دولاب وصحون واغراض
المناسبات في دولاب مستقل.

3-تقدرين تفرشين في دولاب الزيوت ورق امتصاص من الأنواع المنقوشة(تلقينها
عند محلات البلاستيكات المنزلية) تعطي منظر حلو وتمتص الزيت وبكذا ما يتوسخ الدولاب.

4-اذا كان عندك ادراج في المطبخ وحاطة فيها الفناجيل او الملاعق وودك ما تصدر
اصوات اذا فتحتي الدرج او تتحرك من مكانها تقدرين تشترين من ساكو مفرش الدرج
اللي يثبت الأغراض في مكانها بحيث ما تتحرك اذا فتحتيه.

5-عند تنظيف الثلاجة افصلي السلك من الكهرباء وبعد التنظيف شغليها وولعي فحم وحطيه بمبخرة وحطي عليه بخور مستكة وحطيه في الثلاجة وسكري عليه ربع ساعة
هاذي الطريقة تمتص الروائح من فلتر الثلاجة وتعطيها رائحة زكية.

6-الرز والدقيق والبهارات والبقوليات والمكسرات يفضل وضعها في علب بلاستيك
علشان اذا شريتي شيء مسوس من السوق ما ينتشر فيها وهاذي كثير يعانون منها
وتقدرين تنثرين بعد قليل من القرنفل في خزائن البهارات علشان يطرد السوس.

7- خلي الأدوات البلاستيكية في الدواليب القريبة من حوض الغسيل علشان الرطوبة
ممكن تخرب الصواني الحديد او الأدوات الخشبية.

8-افرشي جرائد او سفر ورقية فوق الدواليب والثلاجة بعد التنظيف غلشان لما تنظفين مره ثانية ما تمسحين من اول وجديد بس تشيلين الورق وتلقين المكان نظيف وهي بعيدة عن العيون يعني محد راح يشوفها.

9- حاولي ما تتركين خربطة كثيرة على دواليب المطبخ ..يعني لا تتركين قدام العيون
الا علب السكر والشاي والبن والهيل والأشياء المستخدمة كثيرا في اليوم ..
لأن اتساع المكان وقلة التفاصيل يعطي راحة كبيرة للنفس اثناء العمل.

10- وجود طاولة في المطبخ ممكن يريح اذا كان المطبخ كبير وبعد تعطي منظر حلو
بس اذا المطبخ صغير فالأفضل انك ما تحطين طاولة لأنها تزحم المكان وتوتر الأعصاب.

11-الأكياس اللي تشترين فيها اغراضك ممكن تستفيدين منها في جمع مخلفات الطعام وفصلها عن بقية زبالة البيت..وهذا من اكرام النعمة..ممكن تحطين زبالة صغيرة للطعام جنب الزبالة الكبيرة وتفرشين فيها هاذي الأكياس .هذا اذا كان الأكل قليل اما اذا كان كثير مثل العزائم ففيه جمعيات مسؤولة عن توزيعه تتصلين عليهم ويجون.

12-وضع نبات طبيعي في المطبخ يريح النفس كثيرا..حتى لو كان صبار..اوحتى
ازرعي نعناع في اصايص صغيرة جنب الشباك..ورطوبة المطبخ راح تساعد النبات
على النمو..

13- اذا كنتي تتحسسين من الكلوركس تقدرين تستعيضين عنه بالليمون افركي
عيون الفرن وحوض الغسيل بليمون واتركيه شوي وبعدين امسحيه بصابون وماء
وشوفي النتيجة.

هاذا اللي جمعته من خبرة 3 سنوات في بيتي ..واذا تذكرت شي ابرجع اكتبه
والآن الى التنظيف.

اهلا بنات امس انتهيت من خزانة الاوانى والصوانى و درج الملاعق و رشاقة الاطباق و كذلك التوابل
باقى البوتجاز و الاجهزة والارضية و خزانة الاكواب و اطقم الضيوف والله المعين شيدوا حيلكم

صحيح اخت روعه تحس براحه نفسي لما تنظف اي شئ بالبيت ودائما لما انظف شئ اقول فعلا النظافه من الايمان واكون مبسوطه لاني احب النظافه
توقعت ان الفرن والثلاجه كل واحد بيوم مع ان الفرن عندي مش وسخ بس عندي الثلاجه مليانه اغراض شكلي بخليها وبكره ان شاء الله بابدا بالفرن وبعض الادوات الكهربائيه لسه منظفتها والباقي بكره بكمله
الله يقويكن يابنات

مرحبا بنات ......... بصراحة توقعت انكم خلاص ما راح تردوا ....... خفتوا من تنظيف المطبخ

وكم فرحت عند ما شفت الردود الا عن المطبخ

انا نظفت المطبخ في وقت متأخر شوي يعني بديت التنظيف الساعة خمس لان بنتي

ما سكتت من الساعة 4 الفجر الى 4 العصر وهي تصيح

وبس سكتت رحت ركض على المطبخ اكمل التنظيف فيه

بديت التنظيف بمروحة الشطف واستخدمت منظف ممتاز اسمه ( فورملا 409)

وبعدين نظفت الفرن من الداخل والخارج والجوانب والخلف ومن الامام ونظفت

تحت الفرن بعد

والغلاية غليت فيها ماء وخل وصارت مثل الجديدة ومن الخارج نظفتها بقطعة قماش مع صابون

والثلاجة نظفتها من الداخل وخليت في مفرش صغير حتى يكون تنظيفها في المرات القادمة

اسهل ومن الخارج نظفتها بنفس المنظف والمجمدة ( الخزان) فرشته بمفرش سفرة ( سماط)

حتى يسهل التنظيف مرة ثانية

المايكرويف غليت ماء وخليته فيه ومسحته من الداخل واستخدمت المنظف السابق

والمكيف والمروحة بنفس المنظف ايضا