أحلى الجياكر :

صباح الخير على الكل ..... مثل ما وعدتكم ..أنا ناوية أشن غارة على المكتب ...فبديت أمس بجولة إستطلاعية .. الله لا يوريكم ..مصنع كراتين !! وكلها إشياء مالهه معنى ..إغراض زوجى يوم كان يدرس بأمريكا ... ما أدرى متى كان إييبهم البيت .الظاهر وأنا نايمة و المكتب فى السرداب ..و ما أدخله وايد ..فالكراتين قاعدة تسرح و تمرح ..المهم ..قعدت أفجج و أطالع ..بعد هالأشياء مو مالت قط بالشارع ..ذكريات ..إحترت والله :confused- ...فقمت و دقيت عليه و قلت له المشكلة ..أنا بس طلبت منه يخصص وقت يجرد ..الله لا يورى أحد :angry2: ...جنى سابته ..أعوذ بالله من الشيطان الرجيم ..المهم خليت أغراضه و رحت أشوف أغراضى ...كتب دورات الكمبيوتر و ملفات و أوراق كلها قعدت أشقشقها من الحرة (وناسة والله) يمكن 5 فايلات ضخمة ...و لأوراق يمكن ترس كرتون ..و كان عندى من يوم أنا ببيت أهلى أشرطة فيديو ..كنت أروح الجامعة و أسجل برامج أوبرا وينفرى ...هم ترس كرتوون و أقطهم ..أسمع أصوات براسى (بنات أفكارى) تقول ..حرام خليهم ..سجلى عليهم..والله و أطنش ..و شوى شوى و يبدا المكان تنكمش فيه الأغراض .....و فجأة !!!! :eek: أحس أن إيدى صارت يابسة من الغبار و التعب ...و أهد كل شى و أروح أتسبح و أرتاح ... بس إشرايكم بنات ..أقط الأشرطة ولا أخليهم ؟؟؟؟

صباح الخير على الكل ..... مثل ما وعدتكم ..أنا ناوية أشن غارة على المكتب ...فبديت أمس بجولة...