ندخل بالموضوع على طول
محاكيتكم عليمية بالحيل بالمستحضرات الي تخص البشرة
يعني مالي بالخلطات ولا هذا وشو وهذا ينفع وهذا يهبل
وأنا راعية هبقات كل فترة أطيح بشيء
والفترة هذي صاكة براسي مستحضرات العناية بالبشرة
فأدور وش راعيات العلم يقولن وأتصرمح من صفحة لصفحة تقل بنت أولى إبتدائي
مغير مطيرة عيوني
أتمقل وش يقولون
المهم طحت على هذا الشيء ولا أدري هو معروف ولا لا
بس ما أعرف ولا شيء عنه ممكن أحد يشرح لي
ماهذا الشيء ؟
ما فائدته ؟
كيف إستعماله ؟
وأخيراً وين ينباع عندنا في الرياض ؟
مقشر يوكو ( ملح الحليب)
أتمنى إني ما جبت العيد ودخلت في قسم غلط
ويصير لازم أسال في ساعدوني
وشكراً
هذا مقشر للجسم
تبللين جسمك مويه وتحطينه عليك 3 دقايق وتغسلين
فائدته
يبيض
ينعم
معزز بفيتامين E
حسب ماهو مكتوب عليه لكن بصراحه انا ماحسيت فيه بفرق
بس في بنات مدحوه
وينباع في الرياض في صيدلية سليمان الحبيب
عموما هو مش غالي اشتريه وجربيه :)
ان شاء الله الباقين يفيدونك اكثر