بنات تذكرت اسم الصبغة اللي مدحتها لي الكوافيرة
اسمها سليكتا - بالنسبة لشعري ااستعمل البني الفاتح رقم 5 هي ما تصبغ الشيب اسود تصبغة بني بس ما يبين بالمرة بين الشعر الاسود
هي تقول علشان تقدرين تصبغين بعدين لأن الغامق لا يمكن صبغة ألا بسحب اللون
عطوني تجاربكم

عندي اضافات ممكن اضيفها للموضوع ...

راجعه لكم لانه الوقت تاخر الحين وزوجي وصل ...

لي عودة معاكم ان شاء الله...

انا بعد عندي معاناة مع الشيب
اخر شي توصلت له صبغة غارنييه اخذت لون بني شوكولاتة
هو صح غامق بس فيه لون بني حلو احاول المره الجاييه اخذ افتح منه باذن الله بس غارنيية جداً رائع ومايتلف الشعر لانه بزيت الزيتون
وبانتظار باقي الافكار ..,..

السلام عليكم


يابنات ترا فروة الراس تمتص الصبغة والوالدة عندي لاحظت انه في لون احمر في فمها ولما سئلت الدكتور علمها انه فروة الراس تمتص الصبغة وتنزل على الفم والجسم و هالشي مو بالشي السهل

فاللي عندها صبغة طبيبعة للشيب او طريقة تخفف منه ياريت تفيدنا

الوالدة عندي جربت الحنة لكن للاسف صار شعرها خشن كثير وجاف وباهت
فقلت لها تضيف الصبار بعد الحنة او قبله وبالفعل لقت نتيجة افضل ورحعت لمعة الشعر
لكن ودي بصبغات ثانية طبيعية غير الحنة

السلام عليكم ورحمة الله وبركاته


عن عمر بن الخطاب رضي الله عنه قال :

قال رسول الله (( من شاب شيبة في الإسلام كانت له نورا يوم القيامة ))


و عن أبي هريرة رضي الله عنه أن رسول الله قال :

(( لا تنتفوا الشيب فإنه نور يوم القيامة , من شاب شيبة كتب الله له بها حسنة , و حُط بها عنه خطيئة , و رفع له بها درجة )) .


بعد اشتبوووووون احلا من جذيه ....؟؟؟؟


شوفوا يابنات انا اكتشفت انه فيني شيب من كان عمري 23 سنه ...

وعايلتنا الكريمه كلها تتميز بالشيب المبكر يعني من الوراثه ...اخواني قبل الزواج شعرهم مليان شيب...طبعا الحين شعري مليااان شيب من جهة الصدغين ...



انا كنت قبل دااااااايما اصبغ شعري وهايلايت وخصل و.......حتى تجعيد لشعري سويت (بيرم )



من شفت فيني شيب وقفت الصبغ ...واستمريت عالحنه

واحط معاها اشياء معينه بالتناوب ...ماتعطيني نفس لون شعري( اسود فاحم ) لكنها مرة على مرة تعطيه لون حلو....

وانا احط حنه اسبوعيا........

الاشياء اللي احطها مع الحنه طبعا مو كلهااااا .....بالتناوب ...كل مرة شي

مغلي المراامية

مغلي الشاااي ( الورق مو الليبتون)

مغلي اللومي الاسود

مسحوق القرنفل ( المسمار )

النسكافيه

كل هذووولي اخلطهم بالتنااوب مع الحنه ...

ومراات اضيف مغلي القرمز عشاان يصيير اللون ماايل للاحمر الغاامج ..

بس هااه لاازم الحنه اسبوووعياااااا

(( زيت دابر املاااا....زيت حبة البركة ))
7
7
7
هذي زيوت تغمج لون الشعر



او............


الكتم + الروب + ماي = تغير لون الشعر من اول استعمال

مايصير اسود يطلع اللون بني...اهم شي انه مو برتقالي

انا ما احب ريحة الكتم ... لكن النتيجه تبين على طول...

بس نصيحه ابتعدوا عن الصبغات ...لانها تزيد المشكلة

وتحياتي للجميع