Siemo :

مشكورين ع الترحيب وكان ودي ارد باقتباس بس لان خاشه من اي باد ومشووار اللي عطتني نصايح معليش ماركزت ع الاسم بس تسسلمين يا قلبي وربي يهون عليك وتولدين بالسلامه والله اتونس وانا اقرا سواليفكم *** الاسره كذا واحد حلو بس بغيت اسال وين احسن سنتربوينت والا ايكيا ؟ عاد تصدقون ان متحمسه للتجهيز هذا وانا بالثاني احس من اعرف وش ببطني بروح اخم السوق

مشكورين ع الترحيب وكان ودي ارد باقتباس بس لان خاشه من اي باد ومشووار اللي عطتني نصايح معليش...

Hdddoy :

سلاام صبايا اليوم كان موعدي الله ياخذ مستشفيات الحكومه زهقوني كاني اجر الكلام منهم واليوم فتحت اخر اشعه قبل 3 اسابيع وقعدت تقولي الي فيها قلت هذي قديمه والدكتوره الي قبلك شرحت لي وقالت معي تجمع دموي والحين ابي تصوير جديد اشوف وش سوى قالت خلاص بعد 3 اسابيع اعطيك موعد للاشعه وبعده بااسبوع النتيجه انا هنا ماعاد شفت من الضغط ولمى شافتني عصبت نادت الاستشاري وقال العلاج الي تاخذينه كثير قلت انا اخذه لان معي دم وصار معي نزيف قال ولو خففيه كلمت الدكتور الي عملي الحقن قال لاتوقفينه فجاه خليه بالتدريج مشكله الي متعود على الاهليات يعطونك وجه وياخذون ويعطون مو انا الي اعلمهم شغلهم الزبده قلت التحليل وش طلع نتيجته قالت معك نسبة سكر في تحليل الصايم ولاقالت غير هالكلام طيب وش اسوي اخذ علاج ولا حوليني لااخصائي سكر ينظمه لي بس لاحياة لمن تنادي بنااات الحين انتو دكتورتي للي عندها سكر هل نسبة 130 صايم عاليه وش الحميه الي اقدر امشي عليها موفقين جميعا اكتب وانا مصدعه ذبحوني لطعه 3 ساعات وفي الاخير ماطلعت بنتيجه ياليت الي عندها سكر تطمني ربي يوفقكم سلاام

سلاام صبايا اليوم كان موعدي الله ياخذ مستشفيات الحكومه زهقوني كاني اجر الكلام منهم واليوم...