صبحكم الله بالخيرات والمسرات .. اصبحنا واصبح الملك لله والحمد لله ولااله الا الله وحده لاشريك له ..له الملك وله الحمد وهو على كل شي قدير ..
كيفكم بنات اتمنى انكم تكونون بأحسن حال ..
اختي جوهرة حياك الله وبالنسبة للمكان اللي اقترحتيه لطفلك انا ماأيدك وبرأي انك تخلي هذي المساحة تستفيدين منها للكتب او الشنط لأنها صغيرة ..
اقترح عليك تجيبين له دولاب من ساكو رووعة شكله وفي ثلاث ضرف صغيرة والباقي تعليق ,,هذا رأي ان شالله أكون أفدتك ..
والى لقاء قريب اخر النهار :time:..لأني اللحين بروح على غرفة النوم اخلصها وبعدين باقي البيت على خفيف لأنه نظيف ثم يجي اكوام واكوام من الكوي :06:

السلام عليكم اخواتي جميعا اعرفكم بنفسي نوال من باكستان من مواليد السعوديه ومن جده ولي بنتين مولودين بجده والباقي في باكستان اهلي من المهاجرين القدامه الي سافرو من باكستان الى السعوديه للحج مشيا علا الافدام واستقروا بلسعوديه وتوفا والي بها منذ عامين وامي واخواني هناك من عائلة البلوشي انا تزوجت وجيت باكستان يعني من يوم ما فتحنا علا الدنيا ما نعرف احد غير النا س الطيبه الي بلسعوديه العرب الي حولينا وبس ما عندنا لا اقارب ولا احد ولما كنا صغار انا واختي كنا نسمع من بنات المدرسه عن سوالفهم وكيف ان عمهم اوخالهم زارهم وكنا نسال هم من هو العم وايش معنى خال بمعنى العم يكون اخو الاب وهكذا وكنا نتمنا انا واختي تكون عندنا جده نسمع حكياتها قبل النوم لان البنات في المدرسه كانو يحكون عن اهلهم واقاربهم انا احكي لكم هذا الكلام علشان تعرفون قدر الاهل حتا الان مازال البحث مستمرا يمكن القا احد من اهلي نفسي بخاله او خال او عم ابوس ايدينهم احضنهم اخدمهم 000000000000 عندي 4بنات و2ولدين ما اقول عمري لكني قصيره ومتينه شوي شفت الحلا كله فيني المهم انا نظفت غرفة النوم والابواب والنوافذ وحتى الجدران غسلتها التنضيف ما شيه عليه تمام مشكلتي باذكار الصباح والمساء هذي الي ماني مواظبه عليها لاهميتها يعني اول ما اصحا ء اصلي علا طول المطبخ اعجن العجينه واخبز واسوي الشاهي ما في شي من بره با كستان كذا نظامها 3 اوقات لازم العجن والخبز هذا شي ضروري وامس ما خليت موضوع الا وقريته عن الرياضه ابغه الكرشه تروح الا عنتر بن شداد جامن السفر وجاب لي كرتون جبنه بيضه وكرتون زيت زيتون وكرتون شوكولاته من النوع الايراني الفخم كيف اسوي رياضه وعلشان اقضي هذه المقاضي اسا فر يعني من جده حتى الطائف السوبر ما ركت هناك وهذه الاشياء من ايران في باكستان فيه في المدينه بس غاليه جدن علشان تفهمون الجبنه السائله او البيضه ب500ربيه يعني الجبنه الوحده ب500 وبلخمسه مئه الوحده اشتري الطحين وكيس سكر وشاهي واللحمه واشياء كثيره للبيت وبمقابل هذه الاشياء جبنه وحده سائله علشان كذا اقول لكم احمدو الله واشكروه علا النعم والراحة الي انتم فيها واهم شي ان الكهرب ما ينقطع عليكم وسلامتكم انقطع الكهرب

يسعد صباحكم بالنور والايمان ومرضاة الرحمن ...

احكي لكم يومياتي يا صباح اصبح خخخخ
ابو الشباب بعد ما رجع فتح الكمبيوتر بتاعه يشوف شغلة على السريع
وإذ يقول له ادخل الرقم السري :o
وبدأنا صباحنا بالابتسامة :mad: وكلام هادي:angry2:خخخخخخخ
المهم اتضح انه امس لما خليت الست هانم :04: تلعب شكلها والله اعلم طقطقت فيه لما سوت له رقم سري وانا بطني بدأت تمغصني من صباح الله خير ...
ومسكين من عادته يرجع يحط راسه ساعة ونص ويروح الشغل بس اليوم من الزعل لبس وراح بدري وبرضه انا خلصت شغلي بدري ..

دحين الساعة 8 وربع ابشركم خلصت الواجب الحمد لله الساعة 7 ونص ..
نظفت المروحة والمكيف ومفاتيح الكهربة ومسحت الباب والشباك ما تعبني لأني نظفته قبل اسبوعين تنظيف عميق ...وانهيت الحفظ والمراجعة ولله الحمد
ورتبت البيت وكنسته والحمد لله انتهيت ...

وتوتة توتة خلصت الحدوتة


جروحة ...ننتظر رجعتك بالسلامة الله يكون بعونك طيب مو انتي خلعتيه ولا سويتله جلسات عصب الله يرفع عنك يارب ..

سمسمة ...ماشاء الله ويش هالكلام الزين والحركتات ماشاء الله عليك ..
كيفك اخبارك وكيف البنات وها بشري كيف زوجة اخوك ولدت ولا لسى ...

الجوهرة ...ياهلا بأهل جدة أهل الرخا والشدة تشرفت بمعرفتك :)
ماشاء الله تبارك الله عليك الله يحفظلك عيالك ويحميهم ويخليك لهم ولا يحرمهم منك ...
الله يديم عليك الصحة والعافية ..
بالنسبة لملابس الولد الأفضل تحطيها في الدولاب طالما في رف فاضي ..
أنا برضه عندي في التسريحة زي هذي الدرفة بس مخليتها لحوسة شهد حق لمدرسة ...

نوال حياك الله وبياك تشرفت بمعرفتك الله يحفظ لك عيالك ويخليكم لبعض ..
والله يرحم الوالد ويغفر له ويسكنه فسيح جناته ويجمعك به ويرحم موتانا يارب العالمين ..
وان شاء الله تقر عينك بشوفة أهلك وأحبابك ...
بالنسبة للأذكار مو مشكلة خذي ورقة معاك في المطبخ وعلقيها وانتي تطبخي قولي وممكن ورقة ثانية في اي مكان تتردي فيه في اليوم اكثر شي عشان تتذكري ...
في البداية بتحسي بمشقة لكن لما تتعودي ما يحتاج ورق ولا شي بتحسي لسانك دغري تعود ..الله يقويك ويثبتك ...
ورد و فشفوشة ...أهلين ومرحبتين ..

بروح اصلي الضحى وأقضب المخدة
استودعكم الله الذي لا تضيع ودائعه

صباح الخيرات

كيفكم من زماااااان عنكم والله ليكم وحشه

ايش الاخباار كيف تنظيف غرفة النوم ؟؟؟ انا خلصت الدولاب والتسريحه والكمدينو باقي المكيف و الشباك ان شا الله اليوم انظفهم

وبكره الجدار وخلاص
ام جوري الحمد لله على سلا مة اخوك ما تشوفون شر يااارب

جروح الوداع سلامتك يا قلبي الله يعينك على ها الضرس

الصمت , امي نوره , روح حواء , الفقيره الى الله , بسمات , زهرة عمري , ساره العمري , وباقي شلتي القدامى ايش اخباركم وحشتوني والله

ويا هلا وغلا با الجديدات طا لبات دبدوبه كللللللللللللهم *_*

وام زايد , ونوال الله يحييكم بين اخواتكم

صباحـ الورد
فرووحه : ماتشوفين شر يالغلا طمنينا عليك ..
ام شهد : الله يسلمك يالغلا... ماشاء الله عليك متميزة كعادتك .. عساك عـ القوة يالغاليه .. وتعيشي وتشوفي شطانه البنوته هههههههههه الله يخليها لكم يارب ..
هدوء النبض : الله يسلمك من كل شر ..والله يعطيك العافيه وعساكـ عـ القوة ..
سمسمه : وحشتينا حبيبتي كيفك واخبار البنات :27:
الجوهرة : ماشاء الله عليك الله يعطيك العافيه ..وانا مع رأي اخواتي بالنسبه لملابس ولدك في الدولاب افضل ..والله يخليهم لك يارب ..
نوال : حياك الله ياغاليه تشرفنا ..الله يخليلك عيالك وتفرحي فيهم ياااارب ..والله يرحم والدك ووالدي ويغفر لهم ويسكنهم فسيح جناته ويجمعنا بهم يارب العالمين ..
ويااااارب يجمعك بأهلك وأحبابك ...
فشفوشة : الله يعطيك العافيه ويقويك ..
stars : الله يخليك اولادك وتفرحي فيهم ياارب .. ويخليك زوجك ويارب ايامكم كلها عسل في عسل :32: