هلا بالحلوات الجميلات ..
قبل أبدأ
بقولكم سر:
انا ما احب الصياديه ..
كذا مره اذوقها من افضل وارقى المطاعم عندنا بالسعوديه ومع ذلك ماتعجبني ابداااا
وابقولكم السر في هذي الصيادية اللي اعجبتني في نهاية الموضوع ..
بس هذي غير هبال خبال تخليك تاكلين منها بدون ماتحسين بنفسك ..
من جد عذااااااااااااااااب ..
ارتركم مع صورة للطبق النهائي عشان تتحمسون للطريقة
ماشاء الله تبارك الله
المقادير مقسمه لـ 3 أقسام
أولاً: تتبلية السمك:-
1- سمك فيليه او منظف شرائح "هامور او كنعد هذولا الالذ وانتي براحتك" ..تقريبا ربع كيلو ..
2- ملعقة صغيره كمون
3- ملح حسب الرغبه بس لاتكثرين لأنه بتضبطين الملح اكثر بالتسبيك..
4- فلفل اسود او احمر وبرضوه حسب الرغبه المقدار وحسب الرغبه تحطينه اولا..
5- ليمونه ونص معصوره
6- اثنين فص ثوم مدقوق
الطريقة:
تقطعين السمك تقريباً بحجم 4*4 او اقل شوي لأنها ممكن تتقطع معاك بالطبخ فعشان ماتكون مره صغيره لو تقطعت
هذا السمك قبل التقطيع
وهذا بعد التقطيع
وهذا بعد خلط السمك بالتتبيله
ماحبيت اكثر الصور اللي معروفه مثل الثوم والتوابل عشان ماتكثر الصور اللي مالها داعي..
وتخلينها تتبل اقل شيء ربع ساعه او فيما تخلصين من النقطة التاليه..
يـــتــبــ:21:ــع
1- بصله متوسطه
2- ثلاث طماطات متوسطه الحجم الى كبيره
3- حبة ماجي
4- اربع أو ثلاث ملاعق كبيره صلصة طماط
5- نصف ملعقة صغيره كركم
6- نصف حبة فلفل بارد صغيره مقطعه جوانح
7- بهارات وملح حسب الرغبه
8- ملعقتين كبار سكر او صويا حلوه
الطريقه:
نقطع البصل جوانح .. وهذي طريقة تقطيع الجوانح
ونقطع الطماطم بهذا الحجم
ثم نحمس البصل في زيت مو كثير ولا قليل لأننا بعدين بنقلي فيه السمك لين يتغير لونه
ثم نضيف السمك بدون تتبليه يعني اشخليه بالمشخله وبعدين حطيه في القدر إلا لو كنتي تحبين الطعم الحامض في الأكل فأضيفي التتبيله
وتخلينه شوي مع التقليب البسيط وبيتغير لونه ثم اضيفي الطماطم والتوابل الباقيه كلها
هنا فيه شي انا ماسويته لأني هالمره بدلت السكر بصلصة الصويا الحلوه فما احتجت السكر
وهو يعطي نفس النتيجه بالاضافه إلى أن الصويا اكثر فايده لكن السكر اكثر تواجد وهو هنا
السر يكمن فيه
لأني اكتشفت ان الطعم اللي ماافضله بالصياديه مهما كانت دقتة صناعها او لذاذتها الا أن طعم السكر المحروق
هو اللي يخرب نكهتها ولونها الغامق .. فأنتي تقدرين تتحكمين بالهشي بالسكر اذا حبيبتي تكون غامق مره
تخلين السكر على النار لين يحترق او تخلينه فقط لين يتغير لونه ويصير لونه بني وتضيفين له نص بياله مويه او بياله وتحركينه بسرعه عشان مايتعقد ويصير سايل بعدين تضيفينه للتسبيكه وهذي اخر نقطه بالتسبيك ..
يـــتــبــ:21:ــع