شمــاليه :

هلا اختي واكيد البنات مشغولين شوي ولو بيعرفون بيجاوبون او ان السؤال كان في الويكند وماحد انتبه له سويسرا انا رحت لها وبصراحه تستحق الزيااااره تجنن هذا تقريري المبسط اللي كتبته سابقا عن رحلتي لها بس الصور راحت غير اعدت تحميلها من جديد حاولت اختصر لك بالصور لانها كثيييييييره بس بخليها للتقرير الشامل إن شاءالله بقسم السياحه انترلاكن interlaken اكثر النشاطات السياحيه موجوده في انترلاكن من بحيرات وقمم جبليه وشلالات وكل ماتتخيلنه طبعا بقولك اهم شيء فيها اللي يستاهل انك تروحين له انترلاكن واشوف انها اهم مدينه سياحيه ولو تروحين لها لحالها تكفي وتشوفبن كل شيء _ كهف سان بيتوس St. Beatus caves دخوله تقريبا 17 فرنك للكبار والاطفال مجانا من خمسه وتحت حلو الشلالات وفيه مطعم وكوفي وياخذونكم داخل الكهف قمة جبل Heimwehfluh مفتوحه من 9 الصباح الى خمسه العصر وتذكرتها كانت حوالي 12 فرنك والاطفال مجانا من خمسه لتحت حلو المكان تشوفين انترلاكن كلها وقمم الجبال فيها مطعم والعاب اطفال تطلعون لها بقطار جبلي حلو وترجعون فيه او فيه زي مزلاجه تنزلين فيها بحيره بلو سيه Blausee حلو المكان مره والبحيره لونها غريب لاهو اخضر ولا هو ازرق كانها جايه على تركواز ويقولون حسب اسطوره مكتوبه بلوحه انها كانت وحده ساكنتها هي وزوجها ومات زوجها وكانت تحبه حيل وماغير تصيح لين ماتت وان هاذي دموعها عشان كذا لونها غريب طبعا خرابيط وفي البحيره فيه قارب يمشيكم فيها مجانا وفيه مطعم وكوفي Trummelbach Fall طبعا اشهر شلالات عندهم ولا شلالاتهم وش كثرها بس شهرة هذا الشلال انه عشر شلالات تصب في مكان واحد وتطلعون لها في درج وفيه مصعد داخل كهف بس لارحتي ومعاك اطفال انتبهي لهم زين ترى حواجزهم من تحت يقدر يمر منها الطفل انا كنت على اعصابي فيها عشان بنتي الصغيره ماتقعد ماغير تحرك وفيه درج كثير تذكرته عشره فرنك قمة جبل Schilthorn قريبه من شلالات تروميل باخ يعني روح لها بنفس الوقت تبعد خمس دقايق مره قريبه تطلعون لاربع قمم جبليه وتوقفون فيها حلوه تشوفين الخضار والثلوج ولاوصلتوا اعلى شيء تشوفين الثلوج والتزلج تذكرتها للشخص 80 فرنك انت خذوا اللي تطلع لاعلى قمه وبعدين وانتم نازلين وقفوا بكل مكان عشان تتفرجون وفيها الظاهر ثالث موقف لها تنزلون في قريه اسمها مورين حلوه تمشوا فيها القريه هاذي مرتفعه وماتدخلها السيارات بس السيارات الكهربائيه يتبــــــع.....

هلا اختي واكيد البنات مشغولين شوي ولو بيعرفون بيجاوبون او ان السؤال كان في الويكند وماحد انتبه له...

+4

شمــاليه :

وفيها مطاعم وكوفيهات في القمه قرية مورين تطلعين لها بنفس التلفريك هذا متحف و مزرعه شامله اكواخ وفيها مزارعيتن Ballenberg وتشوفيه كيف حياة السويسريين اول تشوفينهم يشتغلون قدامك يصنعون الخصف والبقر والبط وكل شيء تذكرتها 16 فرنك بس متعبه في المشي واشوف انها تخلينها اخر شيء اذا امداكم روحوا لها ماامداكم احذفوها لاني ماشوف انها مره مميزه اصلا تشوفين المزارعين واكواخهم وبقرهم وكل شي بطريقكم طبعا انترلاكن فيها اشهر واعلى قمه في اوروبا وهي (( JUNGFRA مارحت لها واكتفيت اني اروح لقمة SChilthorn لانها اعلى من اللي رحت لها ولاني شفت اللي ابي اشوفه من ثلج وتزلج بالاولى وماحبيت اكرر والاكسجين يقل فيها وبصراحه عشان معي طفلتين صغار ملاحظه انترلاكن مليانه قمم جبليه وش كثرها وكلها بالتلفريك بس انا فضلت اروح لوحده بس وتكون شامله يعني اشوف الخضار والثلوج والشلال وهي اللي قلت عليها وهي شلترون سويسرا مشهوره بالشوكلاته وهذا المحل حلو فيه ويبيع بالكيلوا انواع واشكال المحل اللي في انترلاكن اشوف انه ارخص من اللي بجنييف وهاذي صورة المحل عندهم نوع شوكليت كورن فلكس لذيذ فيه بوسط السنتر وعند المحلات محل اسمه هايدي طبعا فيه كل شيء عن سويسرا وفي الفندق يكون فيه بروشورات وكتيبات لكل الاماكن لادخلتوا قشي منها وشوفوها وشوفي وش اللي يعجبك وروحوا لها واللي في الرسيبشن بيساعدونكم مره طيبين ويساعدون اماكن القمم كثيره مره منها جنغفرو _ كلاين شادك _ هارد كلم في نفس انترلاكن تطلعون لها في قطار ونفس Heimwehfluh اذا انك ماتحبين تكررين روحي لوحده بس تكفي فيه قريتين وحده اسمها وينجن والثانيه مورين حلوات وريفيات مره وماتدخلهم السيارات غير السيارات الكهربائيه اللي فيها فيه جوله في بحيره برينز حلو في باخره ويوقف فيكم في عدة قرى ويوقف عند شلال اسمه جيس باخ حلو المكان مره وفيه نشاطات كثيره ومتعدده وموجوده في البروشورات في كل فندق هذاالفندق اللي سكنته اربع نجوم وحلو موقعه بوسط السنتر هذا موقعه على النت فندق خمس نجوم حلو اسمه فكتوريا جنقفرو موقعه على النت هاذي صور للطريق من انترلاكن لقمة شليترون ولشلال تروميل باخ وتشوفين زي هالمناظر كثير خاصه في انترلاكن والقرى اللي حولها وبين كل شلال وشلال ((شليليل )) تصغير شلال :39: يتبــــــــع..

وفيها مطاعم وكوفيهات في القمه قرية مورين تطلعين لها بنفس التلفريك هذا ...

+5

*احفظ الله يحفظك* :

منزل مبارك علينا جميعا والشكر في المقام الأول للغالية شمالية الله لايحرمك الأجر ويارب تلقينها في موازين أعمالك الصالحة وراح أنضم لكم رسميا بإذن الله ومدينتي راح تكون ساوثامبتون وهذا ندائي اللي أرسلته في نهاية الملف السابق مامدا أحد يرد عليه موجه للجميع ,, سيدات ساوثامبتون المحترمات راح أنضم لكم بمشيئة الله انا والفاميليا حقتي ,, وماشاء الله مبين عليكم من ردودكم انكم تبردون القلب .. ياحبني لكم والله بالله خبروني ياغاليات اذا كان السكن في البيوت آمن ,,(أصلي خفت بعد سالفة فاتوما الله يعوضهم) وفين أفضل مناطق السكن بحيث آخذها مشي للسوبرماركت والمدارس .. وبالنسبة للأخوات الجدد كيفكم مع نظام الفيزا الجديد tier4 خبصونا من جد ,, احنا قديمين فاكرينه النظام الأول ,, ياليت اللي عندها فكرة هو معقد زي ماتصورت والا يمشي الحال ,, ان شاء الله حنقدم عالفيزا خلال كم يوم فشايله هم مساعدة صدقة لله

منزل مبارك علينا جميعا والشكر في المقام الأول للغالية شمالية الله لايحرمك الأجر ويارب تلقينها في...

شمــاليه :

زيورخ اكثر مدينه فيها مجمعات تجاريه وحنا رحنا لها عشان رحنا لشلالات الراين المشهوره جنبها تبعد عنها 40 كيلو شلالات الراين تهبل بصراحه وخاصه لقربتي منها تروحين لها بقارب وتطلعين زي المطل تتفرجين فيه عليها مهرجان زيورخ فرق متنوعه (( وهاذي من اسكوتلند )) من اليابان لوزيرن وحنا راجعين من زيورخ مريناها لانها على الطريق اعجبتني هاديه قريبه من انترلاكن وميزتها في جسرها الخشبي اللي تكثر حوالينه البط والاطفال يستانسون فيها وفيها مركب انتي تسوقينه بنفسك بصراحه متعه تلقونه مقابل الجسر الخشبي نص ساعه ب40 فرنك يازين السواقه بالبحر وماحولك احد وفيه مكان اسمه الاسد النايم مشهور بعد يتبـــــــع...

زيورخ اكثر مدينه فيها مجمعات تجاريه وحنا رحنا لها عشان رحنا لشلالات الراين المشهوره جنبها...

+4