الحمد لله أختي لاباس فهاد الساعة ولله الحمد إفتقدناك بزاف والله العظيم راه حالتي عالم بها غير الله سبحانه وتعالى انا اخر دورة جاتني نهار 10 ابريل وباقي ماجات لحد الان ودابا انا كنتعمل اتروجستان 2 حبات فاليوم باش غدا كان حمل يقبتوا من بعد مشيئة الله سبحانه وتعالى وغدا ماكانشي تهود انا كنفكر بزااااف ومتوترة عليها قمت بمراسلة الدكتورة منى فالموقع ديالا وشرحتلا الحالة ديال وغستفسلات منها واش نقدر نعمل أتروجستان جات هي قالتلي مامنو حتى ضرر عملوا حتى تأكد من الحمل خديت حبة فالليل نهار السبت وابارح 2 حبات واليوما ودابا معرفاشي واش نبقا ناخدوا حتى تهود اولا نعملو غير شي ايام ونوقفوا والله العظيم محتارة بزاف وخوفانة نعمل التحليل دابا نتصدم وعاد هنا فإسبانيا مكيعملوشي التحليل ديال الدم باش تقدر تنصحني انا مكنحس بوالو زعما شي أعراض ديال الحمل وتقووووووول فقط كثرة التبول
اه بالنسبة لاخبار البنات كيسقسيو عليك بزاف وخصوصا اختي اصبحت متفائلة راه باقي ماجاتها الدورة واختي نورس كتسقسي على واحد العشبة إسما الدبق

شكرا بزااف فافيتا على الرد ربي يخليك ازين ويفرحك في القريب العاجل

شوفي سمحيلي نسولك واش هاذ الشهر خذيتي منشطات او ما استعملتي حتى حاجة !!!

بالنسبة للحبوب راه عادية ما منها ضرر لان الهرمون الي فيها هو الهرمون الي كيتكون في النص الثاني للدورة
حيث تيرتفع البروجسترون واذا كان حمل كيبقى مرتفع باش يثبث الحمل
اما اذا ما كان حمل كينخفض وكتنزل الدورة

واحنا ملي كناخذو الحبوب بحال الدوفاستون كنديري نفس العمل الي مفروض يكون طبيعي في الجسم
حيث خاصك تستعمليه لفترة ومن بعد تقطعيه باش تعوضي النقص الموجود في الجسم عندك

اه شوفي فافيتا راه محدك كتاخذيه ماغادي تنزل الدورة ((( ويارب ما تنزل ويكون حمل ان شاء الله))
حيث غادي يبقى مستوى البروجسترون مرتفع في الدم
لازم على الاقل تاخذيه لمدة 5 ايام حتى 10 ايام طبعا على حسب الجرعة الي كتستعملي
انا بالغالب كنشرب مدة خمس ايام حتى 7 زوج حبات في اليوم
ومن بعد كنقطعو بالكثير عندي كتنزل في خلال 10 ايام من وقف الحبوب

انتي كملي بعدا مجموع 10 حبات يعني زوج في نهار مدة 5 ايام ومن بعد وقفيه واستناي اذا تعطلت اكثر من 10 ايام صافي ديري
تحليل واجي بشرينا ان شاء الله
واذا نزلات اذا قدرها الله ربي يعوض صبرك خير وان شاء الله تديري تحاليل وتنظمني هرموناتك ان شاء الله

الله يجازيك بخير اختي جروح ياااربي الحبيب نفرحوا كاااملين بينا هاد الشهر
انا ماخديت حتى شي منشطات وعلى ما أعتقد التبويض كان عندي نهار 23 من الدورة حيت نزلات مني حاشاك إفرازات كثيرة مثل زلال البيض وملي شرحت للطبيبة هادشي قالتلي تقدر تعمل التحليل بعد مرور 40 يوم من اول يوم فاخر دورة ونعمل اتروجستان حتى أتاكد من الحمل
انا بغيت نقولك فالشهر اللي قبل من هدا اللي فات كنت باقي كنعمل أتروجستان ونزلت الدورة يعني نهار 25 فالشهر كانت باقي واحد الحبة وجاتني هادشي كيحير بزااااف أنا كنت غادي نعمل التحليل نهار الجمعة الي ماجا دابا واش إدا عملتو مغاديشي يعطيني النتيجة حيت أنا متوترة بزاف وهادشي ماشي فالصالح ديالي عافاك جاوبني وريحني راه حالتي حااااالة

حبيبة اش خبارك اختي ان شاء الله ربي يكتب لك الي فيه الخير بإذن الله

ومن حقك تتأملي وتترجاي رحمة ربي لانه الله عز وجل اذا اراد للشئ قال له كن فيكون

غير وياك اصحبتي تتعلقي بالدورة لا تعلقي بالامل بالله عز وجل وان شاء الله يا حبيبة غادي يجي نهار وتهزي وليداتك بين ايديك
ان شاء الله وكلنا نفرحو بالذرية الصالحة ويبقى هاذ الشئ غير مجرد تعاويد ونضحكو على روسنا على ايام الي ضيعناها في الحسرة والحزن ، بإذن الله رحمة ربي كبيرة وغادي يفرحنا عاجلا غير آجل ان شاء الله

واذا قدر الله ونزلت الدورة قولي اللهم لك الحمد والشكر كما يليق بجلال وجهك وعظيم سلطانك
على الاقل الواحد يرتاح بان الدورة والهرمونات اصبحت طبيعية وما يبقى مشوش على سبب تاخيرها

انتي ديري الي عليك وخلي يقينك بالله عز وجل والله يدير لك الي فيه الخير ويفرحك يارب في القريب العاجل
ويكتب لك ذرية صالحة ويرزقك برها ان شاء الله