خسارة ماعندي زهر لقيتك خرجتي كنت نتمنى نلقاك ونحكي معاك شوية على الاقل غير نخفف عليك شوية
وسمحيلي مرة اخرى اذا كانت كلماتك اثارت مشاعرك غير والله كتبتها دون مراجعة الي طلع في خاطري
سطرتو وصافي ، اكيد نتشاطرو كلنا معاك الامل وندعولكم من كل قلبنا اني ربي يكرمك ويعوض صبرك يارب
ويفرحك ويفرح قلب زوجك في القريب العاجل يارب

المهم بطانة الرحم اختي راه هي غشاء الولادة الي قالت لك عليه الدكتورة الله يهديها حتى مصطلحات الطبية
ما عارفاها قتلاتنا غير الفرنسية والفهامة الزايدة عند اطباء ديالنا الله يهديهم
بما انها قالت لك انها ضعيفة فاكيد ما كانتش غادي تنزل الدورة لانها لازم تكون سميكة ومجرد كتوصل واحد الحجم
وما كيكون الحمل كيتكلف انخفاض هرمون البرجسترون في الجزء الثاني من الدورة بسلخ بطانة وبالتالي نزول الدورة

التحاليل الي عطاتك مزيانة ولكن كنعتقد كان بالاحرى انها تعطيك ابر او قويلبات تنزل الدورة عاد تديري تحاليل
لان عمل تحاليل في هاذا الوقت للاسف غادي تعطيك نتائج غالطة حيث اكيد النسب ديالها طالعة بزاف
بحكم كاين اضطراب في الهرمونات وما نزلت الدورة وبطانة الرحم ضعيفة بزاااف

المهم هرمون الاستروجين هو الهرمون الانثوي الي كيتكون في عدة خلايا من الجسم وكنت نفضل انها تطلب
تحليل استراديول في بلاصتو حيث هو الاهرمون الانثوي الي كيخرج من المبيض وهو الاهم في نظري
ولكن ربما هي بغات تعرف نسبة هرمون الاستروجين بشكل عام في جسمك

هرمون البرولاكتين هو هرمون الحليب الاحسن عمله في اليوم الثالث من دورة ولو ان بعض الاطباء
كيقولو ان ممكن عمله في اي وقت

هرمون fsh هاذ الهرمون يكشف عن سن يأس مبكر لا قدر الله الافضل عمل ثالث يوم دورة

هرمون lh هاذ الهرمون يكشف لك وجود تكيس من عدمه الله ينجيك الافضل عمله ثالث يوم دورة

هرمون البروجسترون هاذ الهرمون يبين قوة التبويض عندك في نظري ماعندو اي اهمية في وضعك الحالي
طبعا بالنظر ان الدورة ما نزلت وسماكة الرحم ضعيفة طبعا هو هرمون كاين في الحبوب الي كنتي كتاخذيها
ولكن بالعادة كنديرو تحليل ديالو في اليوم 21 من الدورة يعني اي يوم اخر تديري فيه تحليل غادي يكون غير دقيق
وغادي يعطيك لا محالة وجود ضعف تبويض

المهم كما قلت لك ممكن تديري هاذ التحاليل دابا طبعا هي غادي تبين لك حالتك ووضعية الهرمونات في جسمك
ولكن متاكدة غادي تخوف نتيجته لان ملي كيكون لخبطة في الهرمونات هرمون كياثر على هرمون وكترتفع او تنخفض
النسب بشكل كبير لذلك يفضل عملهم بعد الدورة ولكن ما يمنع طبعا ديريهم دابا باش تعرفي الاجراء اللازم عمله

نصيحتي ركزي دابا على fsh / lh / البرولاكتين
وممكن تديري الاستروجين اذا حبيتي ولكن البروجسترون بلا ما تخسري فلوسك
لان في غادي يعطيك ضعف في تبويض لا محالة وماكان لازم تعطيك تديريه
حتى لو افترضنا بغات تعرف النسب ديالو حيث انتي واخذة هرمونات تعويضية ولكن كون
بطانة الرحم عندك ضعيفة ما كبرت يعني ما قضى فيك والو الحبوب والهرمون ما ارتفع للاسف


اي سؤال حبيبة انا تحت امرك وغادي نحاول ندخل الصباح ونشوف اذا رديتي او احتاجتي حاجة
في حالة قررتي تمشي ديري تحاليل غير الي استغربت ليه علاش تحاليل تتاخر
انا كلها كناخذها في يومين بالكثير اذا تعطلت رغم كاين مختبرات ممكن تاخذيها في نفس اليوم
هنا سعر التحليل الواحد فيهم بين 240 حتى 300 درهم تقريبا الله يكون في عونك
ويعوض صبرك يارب

وسمحيلي اختصرت شرح هرمونات خفت يسرقني انترنت ونتعطل على صلاة الفجر
استودعك الله الذي لا تضيع ودائعه

اهلااااااااااا اختي جروح سمحيلي معرفتكش واش غادي دخلي في نفس اللحظة لي خرجت فيهااااا
للأسف مشفتش ردك الا دبا يلااااااااااه رجعت من التحاليل وللأسف مرة اخرى درتهم كاملين
وغاليين طلعوا ب 28000 الف ريال وقالولي النتيجة بعد ثلاث اياااااااااام.
يعني ماشي بحال تحليل راجلي.ياخسااااااارة مشفتش ردك قبل وانا كنقول علااااش سولوني في المختبر واش علي الدورة
اش غاااادي نقوليك ياربي يجعلنا نسمحوا لهاد الأطبااااااااااااااء لي معندهمش حس المسؤولية.
ومتعتدريش حبيبتي بالعكس كلماتك خلاتني نفوج على راسي بالبكاء حيث النهار كلو وانا كنجري عليه خايفة راجلي يشوفني
ومصدقت عطيتيني الإشاااااااااااارة هههههههههههههههههههه.
ربي يرزقك بالحمل التابث السليم في اقرب وقت ياااااااااااااااااااااارب ويعلم الله انني غادي نفرح بحال يلا حملي.
ان شاء الله ربي يجعل كل ما تفعلينه في ميزان حسناتك ياااااااااااااارب.
انا ان شاء الله غادي نحاول نلهي راسي بالتخمال حيث كنت معطلاه شوية خايفة زعما لنكون حاملة ههههههههههههههه
كما قالت فافيتا وايضا محتاجة مساعتك في موضوع كنت حطيتو هنا للبنات السعوديات بغيت نوريهم بحالاش يديروا الليك
الطريقة شديتها من اختي ولكن الأكثرية مفهموش اسماء الأعشاب ولازمهم صور.بحكم انك انتي بالسعودية يعني ممكن تعرفي
اسماء الأعشاب تما .ان شاء الله بمساعدتك نعاود نعدل الموضوع بإضافة الأسماء ديال الأعشاب بالسعودية وايضا الصور
بااااااااش ناخدو شوية الأجررررررررررر.البنات قالوا بأنهم كيشروا الليك بأثمنة خيالية ومعجبنيش الحال لأنها اصلا كتقام رخيصة
وهدا غش.

http://forum.hawaaworld.com/showthread.php?t=1513776

هاهو رابط الموضوع جروح

السلام عليكم أخواتي كيف توما كنتمنى تكونوا كاملين بألف صحة وعافية
الحبيبة ديالي متعملشي فخاطرك دابا إن شاء الله يرزقك ويفرحك ويعوض صبرك خير
ياااااربي الحبيب يسمعك خبر خير وتكون التحاليل مزيانة ياااارب والله العظيم كنت فرحانة وكان عندي أمل كبيييير تكون حاملة ولكن هادشي اللي عطا الله الحمد لله على كل حال المهم ارتاح مع راسك ومتفكرشي بزاف باش الهرمونات تستقر وأنا مع اختي جروح كان من الأفضل تعطيك شي دوا ينزلك الدورة عاد عمل التحاليل باش تكون النتائج مظبوطة خصوصا تحليل ديالfshوlh ولكن معندك ماتعمل هاد الأطباء حمقونا معاهم الله يرزقنا الصبر ويعاونا على التكاليف يااارب
سلامي للجميع توحاشتكوم بزااااف الله يسهل علينا كااااملين ياااارب
ربي لاتدرني فردا وانت خير الوارثين