اختي نورس الله ييسر ليك

اختي انا كنسكن في كازا ما سبقش لي سمعت على الدكتور الصنهاجي كنسمع بالدكتور الزرقاوي والدكتور السفريوي

والمساعد ديالهم هو الونجلي صاحي لابو ماك هما لي عندهم خبرة في هدا المجال على ما سمعت

سبق لراجلي تبع مع الزرقاي ونصحو بالحقن المجهري

شكرا ختي راكيل
والله حتى حرت فين نحط راسي كل مرة كنسمع هدرة جديدة قولت لراجلي يلا نمشيو نشوفو فبلاصة اخرا مبغاش انا مكرهتش نشوف فبلايص اخرين ونشوف في نرتاح
ربي يسهل علينا وصافي ونرتاحو من هاد الدوخة ديال راس

???????????????????????????????????????????????????????????????????????????????

عواشركم مبروكة ان شاء الله يدخل علينا رمضان بالصحة والعافية وبالحمل اكيد مع كترة الادعية والصلاة وقيام اليل طبعا
لبنات منعرف فين غبرتو مبقا والو لرمضان رجعو خلاص لديوركم باش توجدو الشباكية وسفوف راه توحشتكم حهجرتو القسم ديما مسكين مليوح في الصفحة الخامسة ولا السادسة

السلام عليكم اخواتي
انا الحمد لله رجعت لداري بعد غياب دام تقريبا شهر
و هانا كنتسنى حيث هذا السبت غادي نكمل اسبوعين من بعد الترجيع و هو اصعب اسبوع يدي على قلبي خايفة انا اتكالي على الله لكن و الله خايفة و انتم حاسين بيا ربي يفرحنا بحق هذا الشهر الفضيل يا رب
شكرا لكم على دعواتكم ربي يسمعني عليكم كل خير يا ربي
يا رب يدخل علينا هد الشهر بالخير و البركة و نباركو للجميع بالحمل يا رب
على فكرة الاثنين الماجي هو موعد التحليل فياربي يكون خير و نفرحكم رغم اني حاسة انه هد الاثنين دامي بحال عام


ربي لا تذرنا فرادى و انت خير الوارثين