حمالة الاسى
حمالة الاسى
اولا السلام عليكم ورحمة الله وبركاته
اش اخباركم اخوتي البنات اللي عارفيني اش اخباركم نتمنى تكونو لاباس والبنات الجداد اللي دخلو فغيبتي مرحبا بي عندكم من جديد والله يجعل هاد التجمع الجديد للي فتحات لينا جروح وبكيتيني فالنفاس بدوك العبارات الحساسة يجعلو فاتحة خير على الجميع ونهاية الاحزان ولكن للي نقولو ليكم عن تجربة هو لا تقنطو من رحمة الله لان رحمته تعالى واسعة وانا هاد المعجزة وقعات معايا خلاتني فحالة غريبة ومن بعد هاد التعويض للي عوضني الله حسيت ان السنين دازت دغيا والعوض كان كبير ولله الحمد قريت ان اختي لطيفة بشراتكم بانني ولدت ولله الحمد والعقبال ليكم تيشرونا بالحمل عن قريب والله العضيم رغم الخلعة ديال العملية والالم الى الطبيب تيجبد لي الولد من بين ضلوعي وانا حاسة بالام وكنبكي وندعي معاكم كاملين بالاسماء اللي عرفت وفاش خفت نسا قلت ياربي لهلا تحرم بنات المنتدى وارزقهم الدرية عن قريب حتى سلاو لي وكل ماتالمت او شفت فولدي وفرحت ندعي معاكم لهلا يحرم شي مسلم يارب العالمين
وللي نقولو هم الحمد لله من قبل ومن بعد وما تقنطوش والاخت فافيطا اللي مخلوعة من التكيس انا في تكيس وبزاف ولكن رحمة ربي اكبر من كل الاسباب وانا نعاود ليك تجربتي ولكل البنات للي عندهم نفس الحالة باش تطمنو
ال
fafita
fafita
مساء الخير
ماشاء الله غزيول تبارك الله ربي يحفظو ويباركلك فيه يااااااربي الحبيب
أختي حمالة الاسى الحمد لله على سلامتك والله يجعل كل دمعة درفتيها وكل دعاء خصصتيه لينا بالدرية الصالحة فميزان حسناتك والحمد لله ربي كبير وعوض صبرك خير أنا فعلا متخوفة بزااف من التكيس حيت عندي تكيس شدييييييييييييييييد وهادي 3 سنوات ونصف باش تزوجت وعندي هرمون lh عالي بزاااااف تقريبا 20 وكنخاف يجي واحد الوقت راجلي ميقدرشي يصبر على العيال ويطلب مني يتزوج
ملي كنتخيل هاد الموقف كنحس بواحد الغصة فقلبي والله العظيم
ياأرحم الراحمين ربي لاتدرني فردا وأنت خير الوارثين
حمالة الاسى
حمالة الاسى
فافيطا ما تقنطيش الحبيبة وما يهمكش التكيس راه غير سبب قادر ربي يرفعو بين ليلة ونهار حتى انا عندي تكيس عانيت منو من نهار بلغت الدورة مامقاداش ونفخني والهرمونات مامقداش وديما كنعاني وتزوجت 4 سنين حملت فيهم بالمنشطات واجهضت وكل طبيب دار في ما بغا واحد قالي سيري الى ما نقصت وزن ماتجيش راه ماعندك امل واحد قالي انت وراجلك مامتفاهمينش في الكروموزمات ومايمكنش يكمل ليكم الحمل وانا رغم كل المعاناة كانت تقتي فالله كبييييييييييرةتشائمت واحد العام ولقيت العمر كيجري وانا جالسة بلا ما ندير سبب وانا نمشي لطبيب اخر تبعت ماخلليت منشطات ماخلليت مفجرات والو ديما البوضة ماكلاملاش وقالي الطبيب صافي بقا ليك غير عملية كي المبايض وتزيرت لانني ساكنة مع احباب الراجل ومافخبارهمش كنتعالج وخفت يلقاو نقطة ضعفي وانا نرجع لله وولليت ديما الاستغفار والبكاء والدعاء وكل نهار كنشكي لربي قلة حيلتي وهواني على الناس وواحد المرة قمت فالتلت الا خير من الليل وطلبت من راجلي يقوم معايا باش ندعيو في نفس اللحضة رغم انه ماكان عندو اهتمام بالاولاد بحالي دار لي الخاطر وناض وصللينا ودعينا وبقيت كنطلب الله وانا ساجدة وكنبكي حتى تزيرت بالسجود ولقيت واحد الراحة كبير وفالغد مشيت للطبيب قلت ليه عاود معايايا محاولة غير بالدوا وفداك الشهر درت السبب وربي رزقني ودابا ولله الحمد ولدي بين احضاني مايكون عندموم كلكم ياربي والخلاصة ان دوانا هو الدعاء والاستغفار والتضرع والاخد بالاسباب والكمال على الله الواحد القهار
oum heba
oum heba
salam alaykom
nadia: hamdo li Allah 3la slamték! twahachnak! Allah ijazik kheir mlli d3iti m3ana lahdat lwilada!macha Allah 3 dyal zint rjal! iwa lbnat 3téwna chi 3rayssat ghzalat bhalkom! ana natmanna njib "heba" mais sda9ha ghaykoun ghaaaaaaaaaaaaaali! majatchi b ssahél! rakom 3arfin chno dawazt bach tji inch'Allah! hihihi

tifa: mach'Allah 3la rayan! rabbi yhafdo! ghzal tbark Allah! Allah ifarhék bih w yja3lo mina ssalihin

jourouuuuuuuuuuuuuuuuuuuuuuh: hbiba? nti li ghbarti daba! kheir inch'Allah

w khlaaaaaaaaaaas 3la habiba, jawhara, amel, fella, rakeel.... tawalto lghiba
حمالة الاسى
حمالة الاسى
فينكم وفين غابرين