السلام عليكم ورحمة الله وبركاته
اخواتي الحبيبات مبروك العيد تعيدوا بالصحة والهنا تعيدوا وتعاودوا إن شاء الله ويباركلكم ربي الحبيب فأزواجكم ويحفظ والديكم يارب ويرزقكم ربي الحبيب بالدرية الصالحة الطيبة البارة في القريب العاجل إن شاء الله
كانقول لكل أخت بغسما مبروك عيدك الحبيبة تعيد وتعاود يااااااارب
اسال الله العظيم رب العرش العظيم أن يقر أعين اخواتي بالدرية الصالحة وأن يثبت حملي وحمل أخواتي يارب العالمين
اللهم إني أستودعك مافي رحمي يامن لاتضيع عنده ودائع
fafita
•
اخر رد كتبتو كان 7:22 ودابا 9:55
شفتو العذاب مع كونكسيون والله كرهتني في الردود
المهم بلاتي نعاود ليكم اخباري يوم العيد باش تضحكو شوية
شفتو العذاب مع كونكسيون والله كرهتني في الردود
المهم بلاتي نعاود ليكم اخباري يوم العيد باش تضحكو شوية
المهم نحكي ليكم اش حصل لي نهار العيد
المهم ليلة العيد ملي رجعت من الجامع بعد صلاة العشاء
لأول مرة في حياتي تنصلي في مصلى النساء وحدي هههههههه
سبحان الله كونت نتسابق على الصف الاول ديما تنخرج قبل الوقت باش نصلي بالصف الاول
وذيك الليلة صليت بحدي في المصلى سبحان الله
المهم رجعت للدار وجمعتها ورتبتها وقديت البيوت والكوزينة زعما تنوجدو للعيد
المهم دخلت دوشت وقاديت حالتي كي وصلت 2 ديال الصباح قالي راجلي
ديري بحسابك غادي نمشو لمكة نصلو العيد
انا قلت ليه راه صعيب الحال غادي يكون زحام مفروض نخرجو بكري
المهم جلست نتسنى راجلي ماجاء حتى تقريبا 4 ديال الصباح حيث تعطل عند الحلاق مع الزحام
المهم توكلنا على الله وانا تنقول محال نلحقو صلاة الفجر في مكة
حيث زحام في الطريق السريع
المهم حمد لله دخلنا مكة قبل ما يوذن الفجر ايوا بقينا شوية شوية مع زحام ديال سيارات
نحاولو نوصلو للحرم ، وذن الفجر وتقامت الصلاة واحنا باقي غير في بداية مكة
المهم قررنا نخلو سيارة في اول ديال مكة ومشينا على رجلينا باش نحاولو نوصلو بكري للحرم
ايوا اش غادي نقول ليكم عمري في حياتي ما شفت زحام كي الي شفت هاذ العيد
رغم اني سبق صليت العيد في الحرم غير كنا هاذاك العام معتاكفين في العشر الاواخر
يعني ما خرجنا من من الحرم كنا ناعسين فيه داكشي علاش ما حسينا بالزحام
اما هاذ المرة شئ عجيب سبحان الله والله اكثر من الاكتظاظ الي تيكون في الحج
حيث الناس تيكونو كلهم مجموعين في لحظة وحدة في نفس المكان
على العموم يسحاب ليكم وصلت للحرم هههههههههههه فين احنا وفين الحرم
وصل وقت الصلاة وصلينا بعيد بعيد بعيد على الحرم حتى منارات ديال الحرم
ما كانشوفوها بالزحام حيث الناس مفرشين في الارض وشوارع
على بعد كيلومترات من الحرم حيث دايرين مكبرات الصوت
المهم احنا كنا ناويين نصلو العيد ونرجو الدار باش نوجد الغذاء
المهم الصلاة سالات 6:45 اصلا الخطبة ما قدرنا نجلسو نسمعوها حيث الناس ناضت وما يمكن تقدري
تجلسي في الطريق والصداع
وصلنا للسيارة بالرجل 7:30 وبقينا جالسين فيها حيث الناس قاطعة الطريق مستحيل تقدري تتحركي
وصلت ساعة 9:30 عاد بدات طريق شوية شوية تتحرك المهم بقينا في شارع واحد حتى 11
وهي الحاجة سيارة توقف بينا ههههههه شفتو الحظ حيث السلك ديال المكيف والمرحة تحرق
هي خدامة غير حرارة مرتفعة ما يقدر يسوق بيها المهم حطينا السيارة في واحد الزنقة وبقينا تنضحكو
حيث اصلا باقي ما ناعسيين سهرانيين من البارح وباقي ما فطرنا ههههههههههههه
مشى راجلي جاب خبز وحليب وشوية حلويات كليناهم وبقينا واحلين
اذا نزلنا للدار ماغادي نقدر نوصل باش نطيب للغذاء وغادي يجي خو راجلي والاب ديالو
وماغادي نوصلو نجيبو ذبيحة من المجزرة هههههههههه يعني ما نجو فاش نوصلو يكون كل المتاجر قفلو حيث
غادي يوصل وقت صلاة الجمعة
المهم قررنا نمشو عند اختو في مكة وتاصل راجلي واعتذر من خوه وباباه
ومشينا لدار اختو ما وصلنا حتى قريب يوذن الظهر صلاة الجمعة
واحنا صافي ما بقينا قادرين نتحركو من الحرارة والتعب وقلة النعاس هههههههههه
دخلنا سلمنا عليهم وهو راجل اختو قال يلاه نزلنا للحرم نصلو ههههههههههههههه
وطبعا احراج المهم قالو راجلي غير سبقنا احنا نتوضاو ونتبعوك هههههههههه
كذوب احنا مابقى فينا ما يتحرك جلسنا في الصالون نتسناو الغذاء ونعسنا
ايوا جاء وقت الغذاء تغذينا معاهم وعيطت ليا اخت راجلي مشيت معاها بيت النعاس زعما باش نجمعو
والله العظيم ماعرفتها اش كانت تحكي ليا غير تنهز راسي ساعة عيني مغمضة وساعة عيني مفتوحة
هاذا طبعا غير حالت حوايجنا تغبرو وتوسخو يعني قمة التبهديل
غير وذن العصر وانا نرسل ميساج راجلي قلت ليه نوض نمشو راني فاصلة ما بقيت قادرة نفتح عينيا
خلينا سيارة بمكة حيث متاجر قطع السيارات مقفولة نهار العيد
واستأجرنا سيارة ورجعنا الدار وصلنا 5 تقريبا الدار ديريكت نعسنا
ما فقنا حتى 11 ديال الليل هههههههههههه عاد رجعت فينا الروح
ومشينا جبنا العشاء من برى وراجلي خرج يقلب على سيارة باش يكريها ساعة
ما لقى والو وطلب من صاحبو والله يكثر ليه الخير خلى ليه سيارة ديالو
ايوا انا حتى 2 ديال الصباح يلاه بديت نتاصل بالعائلة ونرسل الرسائل للاحباب و الاصحاب
ايوا كي جاكم نهاري راني عاودت لكم بالتفصيل باش تعيشو الجو معايا
oum heba
•
حاولي تنعسي بكري بزز وتفيقي في الصباح بكري باش ترجعي لوقت النعاس الطبيعي ازين باش متكرفسيش في خدمتك وتبقاي تمشي وانتي منعساش راه واعرة بزاااف لنفسيتك ولصحتك ككل. شوفي نعسي في فراشك وطفي الضوء وبقاي حسبي الخرفان كما كيقولي راجلي يلى مجاني نعاس كيقولي غمضي عينيك وتخيلي الخرفان كيجرو وينقزو حاجز وهكا واحد من مور واحد حتى تنعسي هههههههههه ولكن بكل صراحة منفعاتش معاية دغيا كلقى راسي نسيت الخرفان وبديت كنفكر في حوايج اخرى لي كطير النعاس من عيني ولكن جربيها انتي لعلى وعسى. ربي يعاونك أختي.حاولي تنعسي بكري بزز وتفيقي في الصباح بكري باش ترجعي لوقت النعاس الطبيعي ازين باش متكرفسيش في...
salam alaykom
habiba: l kharfan hatta ana mataykhadmoch m3aya!!! kant tanhawl ndirha mais kif ma 9olti taymchi dmaghi l jiha okhra :angry: kheir inch'Allah
jourouh: walah ila tana9ra o tantkhayal mnach dazto!!! Allah ija3lo f mizan hassanatkom
hatta ana connexion t9iiiiiiiiiiiiiiiiiiiiiiiiiiiiiiiiiiiiila! o 3andi l khadma bezzaf! 3andi des dossiers khasni nwajadhom 9bal début d'octobre! o mazal madart fihom waloooooooooo!:35: Allah i3awni
lbnat: Allah iyassar likom
fi amani Allah
habiba: l kharfan hatta ana mataykhadmoch m3aya!!! kant tanhawl ndirha mais kif ma 9olti taymchi dmaghi l jiha okhra :angry: kheir inch'Allah
jourouh: walah ila tana9ra o tantkhayal mnach dazto!!! Allah ija3lo f mizan hassanatkom
hatta ana connexion t9iiiiiiiiiiiiiiiiiiiiiiiiiiiiiiiiiiiiila! o 3andi l khadma bezzaf! 3andi des dossiers khasni nwajadhom 9bal début d'octobre! o mazal madart fihom waloooooooooo!:35: Allah i3awni
lbnat: Allah iyassar likom
fi amani Allah
الصفحة الأخيرة
انا اليوم ثاني عيد هو اول يوم عيد عندي يلاه شرينا ذبيحة وسايبت واحد الحلوة والكيكة
ودرت غذاء عليه القيمة وفطور عليه القيمة هههههههههه