السلام عليكم

جروح ربي يشافيك يا ربي و يفرح قلبك و يرزقط الذرية الصالحة السليمة لي تعمر عليك و تونسك يا ربي ما تحرمنا يا رحمان يا رحيم
ام ز ينب ربي يسهل عليك و يفرحك و ترجعي لنا باخبار زوينة يا ربي

اما اخر اخباري
انا اليوم لي رجعت من السفر كنت في زيارة للدكتور كيفما قلت لكم دار لي الايكو قال انه عندي شهرين و نص من الحمل فرحت ملي شفت الجنين كان واحد بكيت ملي شفته اول مرة لكن الفرح ما دام حتى ثانية ملي الطبيب ما لقاش النبض شحال و هو مدابز و يقلب و يعاود بقا تقريبا معيا شي ربع ساعة باش يتاكد لكن للاسف ما كاين النبض خصوصا انه قال انه شهرين و نص لازم يكون النبض
ربي لي عالم بالحالة لي كنت فيها و ما زال رجعت انا راجلي مصدومين لهلا يوريكم حالتنا ملي كنا غادين ول لبارح كنا فرحانين و كنتكلمو طول مسافة السفر لكن بعد ما خرجنا من عند الطبيب ما بقينا تكلمنا مع بعضياتنا الا زوج كلمات صافي و ملي شدينا الطريق العودة ما تكلمناش ابدا انا مجروحة و هو كثر مني

الحمد لله على كل حال
اللهم اجرني في مصيبتي و اخلف لي خيرا منها

سمحوا ليا كدرتكم لكن ما عندي غيركم من بعد الله


ربي يرزق كل مشتاقة يا ربي و يثبت حمل الحوامل يا ربي

بعمرانية ربي يصبرك اختي
ولكن نقلك حاجة متيقيش في الطبيب يلا كان الجنين ميت مغديش يبقى في الرحم ديالك
يعني حسب معرفتي القليلة طبعا ان الرحم مكيقبلش الجنين الميت ابداااااا لذلك عنداك تحيديه
ياااااااااارب اختي يكون الطبيب غالط بحال تقريبا جل الأطباء لي كنسمعو عليهم كوارث لذلك قبل مديري اي إجرااااء
زوري شحال من طبيب.
نقولك حاجة أختي كانت حاملة وفي اربع اشهر ومخيطة الفم نتاع الوالدة وجات واحد الطبيبة مكلخة وقالت ليها من بعد مادارت ليها الايكو طبعا راه الجنين طاح وفتحات ليها الخياطة والنهار الاخر عاد طاحت ليها البنية وهي حية وشافتها اختي بعينيها ولمساتها بايديها
يعني وياكي ثقي وياكي وياربي ميكون كلامي جاء متأخر وباش منخليكش تتأملي ونزيدك صدمة على صدمة ديري في بالك ان حتى كلام الطبيب ممكن يكون صح ومن فوق خاطري قلت ليك هاذ الكلام عرفت بأنني يلا خليتك تتأملي ومن بعد كان كلام الطبيب صحيح غادي يأنبني ضميري وبزاااف ولكن من جهة أخرى يلا سكت ومقلت ليك والوا نفس الشيء داكشي علاااش قررت نتكلم معاك اول مشفت الميساج ديالك بلا تفكير رغم أننيمكنت ناوية نكتب حتى كلمة في التجمع حيث حالتي مايعلم بيها غير الله.
يااااااااااااااااااااااااااااااااربي يكون الطبيب غاااااااااااااااااااااااااااااااااااااااااالط يااااااااااااااااااااااااااااااااااااااااااااااااااااااااااااااااااااارب.

أختي جروووووووووووووووووووووووح
ربي يشافيك ويعافيك يااااااااااااااااااااارب.
نتمنى تعذروني هاذ الفترة
راه دائما معاكم وكنقرا ردودم ولكن باش نشارككم مكنقدرش كنحس براسي معندي منقول رغم انه بزاااااااف
ميتقال ومن كثرثوا كيهرب لي وكنحس براسي خاوية وايديا فاشلين ياربي تصبرني وتبرد على قلبي ياااااارب
مجرد مشفت ميساج بعمرانية لقيت راسي كنكتب .

السلام عليكم ورحمة الله تعالى وبركاته

شكرا بزااف اخواتي على الدعاء انا الحمد لله اليوم بخير
من البارح حسيت راسي شوية احسن خاصة اني من بعد الدواء والعشوب حسيت راسي عرقت بزاااف
ولله الحمد اليوم صبحت بخير واخى باقي شوية حلاقمي ضاريني غير خير بالف مرة من الاول على الاقل
دابا نقدر نتكلم وناكل في خاطري

بعمرااااااااااانية

شوفي اختي سمعيني مزيان اش غادي نقول لك احساسك عارفاه وحاسة بيه بكل ما تحمل الكلمة من معنى
لاني انا جربت اني نسمع النبض ومن بعد يتوقف وعرفة احساسك وشعورك ملي كتشوفي كيس الجنين
حتى لو كيظهر مجرد نقطة في الشاشة غير القلب تيتعلق بيه سبحان الله

المهم اختي اني طبعا دايرة اطفال انابيب وحساب الاسابيع ديال الحمل كيكون مختلف
عن حساب اسابيع الحمل بالنسبة للحمل الطبيعي
كنعتقد الطبيب غادي يكون عارف هاذ الشئ
طبعا اذا قال لك عند شهرين ونص يعني 10 اسابيع
طبعا في هاذ الفترة كيبان النبض ديال الجنين
انا سمعت النبض في الاسبوع 9 ولكن بسونار مهبلي
ولكن سونار البطن ما بين النبض ورغم تخوفي من سونار مهبلي
طمني الطبيب ودرتو وسمعت النبض
انتي ما تستعجلي غادي تصبري اسبوع وتعاودي ديري ايكوغرافي
باش تتأكدي اكثر من الموضوع وحاولي يكون سونار مهبلي
غير ياريت تقولي لينا اش قال لك طبيب واش عمر الجنين اقل من عدد الاسابيع
او انه كيس من غير جنين او شنو بالضبط قالك الطبيب!!!!
والله كان بالي معاك وعرفتك مسافرة وكنت نتسنى تدخلي تطمنينا على اخبارك

انا في انتظارك اختي والله يكتب لك الي فيه الخير ان شاء الله