نورس77 :

السلام عليكم توحشتكم بزاف غبرت عليكم اش خباركم فاتني بزا ف شحال هادي مدخلت كانو عندي شي مشاكل مع عائلة راجلي نهار اخر ندخل ونعود ليكم خصني نقرا ما تني ونشوف اخبركم وان شاء الله نلقا اخبار زوينين

السلام عليكم توحشتكم بزاف غبرت عليكم اش خباركم فاتني بزا ف شحال هادي مدخلت كانو عندي شي مشاكل مع...

جروح الوداع :

حبيبة يا حبيبة اش خبارك طمنينا عليك ان شاء الله نفسيتك صارت احسن بإذن الله شوفي حبيبة انا غادي نكون معاك قاسية شوية في الكلام نتمنى ما يزعلك كلامي لان ما ينصحك غير الي يحبك وخايف عليك انا صراحة ابدا ابدا ماعاجبني وضعك صح متعاطفة معاك وحاسة بكل الي انتي كتمري بيه الآن ولكن ...... سمحيلي انتي الي وصلتي نفسك لهاذ المرحلة !!! تعرفي علاش واش عمرك شفتي شي حد كيحط يدو في العافية انتي النار قدامك وحطيتي فيها ايديك حبيبة انتي انسانة كتومة وصبورة كتعطي الناس الخاطر فوق خاطرك هادشي جميل ولكن اي شئ كيتجاوز الحد ديالو كينقلب للعكس اولا صراحة موقفك مع بنت اخوك جد جد صعيب علاش تفتحي عليك باب انتي في غنى عنو يا اختي احنا مشاعرنا كتحرك وكتحرق لمجرد النظر لطفل صغيرغريب في الشارع مع امه وكيدخل السرور لقلبنا بمجرد اللعب او تقبيل او لمس طفل صغير وانتي الله اكبر نعستيها معاك ليلة كاملة الله يا اختي لو تكوني حجر وصنم غادي تنفجر عندك جميع احاسيس والمشاعر المكبوتة الي كنتي كاتمتيها او كتتغاضاي عليها صعيب جدا الي درتيه انتي حطيتي ايديك في النار صح احساس رائع جدا وما يمكن احد يوصفه ولكن ولكن ولكن بالنسبة لينا صعيـــــــــب بـــــــــــزااااافـــــــ وكوني متاكدة بانه اكثر شئ زعزعك وحرك المشاعر عندك ودخلك في هاذ الحالة النفسية الي انتي فيها ثاني حاجة حبيبة علاش كتكابري مع الواقع علاش كتركي نفسك تعيشي احلام وتهربي من الواقع عرفتي اش قصدي تذكري المرة الماضية ملي تاخرت عليك دورة كنتي مكابرة باش تديري تحليل !!!! وكنتي كتقولي خليني نعيش هاذ الايام وهاذ الاحاسيس!!! شفتي ملي خليتي نفسك تعيشي اللحظات كان صعيب بزاااف عليك نتيجة تحاليل واثرت على نفسيتك بزااف علاش يا حبيبة كديري هاكة في نفسك راه كلنا مجرد تتاخر الدورة ساعة ماشي يوم كنعيشو امال واحلام كنتمناو ما نفيقو منها الا وهي متحققة ولكن راه غلط لان احنا اكثر الناس احتياجا لضبط النفس باش ما تأثر على نفسيتنا وحياتنا اليومية انتي كررتي نفس الخطأ هاذ المرة وخليتي لنفسك وقت كبير عاد درتي تحليل واكيد هاذ الفترة عشتي فيها افكار واحلام وردية انا معاك الحلم جميل ونتمناو مانفيقو منو ولكن في وضعنا غلط غلط حبيبة كلشي عند الله قريب ولكن احنا لازم نبذلو الاسباب اذا تاخرت دورة لازم ندير تحليل اذا حمل نعمة وخير من عند الله اذا لا نتعالج باش ما نترك الوضع يتفاقم عندي وتزيد مشاكل الي تاخر الحمل عندي دورتي غير منتظمة الحمد لله الي ربي سخر لنا دواء نعالجها بالادوية وربي كبير صح كنملو من كثرة ادوية ومراجعات ولكن مافيها باس نرتاح شهر شهرين ثلاثة بالكثير ومن بعد نرجع نهتم بنفسي ونهتم بصحتي ونسعى ببذل الاسباب لتحقيق الحمل واحنا عارفين بان رحمة الله عز وجل كبيرة وماغادي يخيب رجانا انه على كل شئ قدير ثالث حاجة اختي تعاملك مع اهل زوجك لازمك تغيريه راه هم الي لازم يراعو مشاعرك ماشي انتي الي تراعي مشاعرهم لازم تحسيهم انك انتي صابرة عليهم من حبك لزوجك مضحية بلهفة الامومة من اجل زوجك وصابرة عليه ومحتسبة الاجر بان ربي غادي يشفيه ويفرحكم في القريب العاجل لازم تحسيهم بتضحيتك ماشي تحسي راجلك لا ثم لا اكيد هو حاس بهاذ الشئ وحاطك في مقام كبير عنده انا قصدي هم ماشي زوجك ، ثالث حاجة خليك جد رسمية معاهم زوريهم وما تقطعي رحمهم ولكن حطي حدود معاهم غادي نعطيك مثال بسيط شفتي المرة الماضية الي ام زوجك دخلت فتشت دارك من وراك الحل الوحيد ديالها خاصة ان عندها مفتاح ديري قفل اخر اه قفل اخر الي كيدور الي تيتقفل من الداخل فقط يعني الوقت الي انتم موجودين خليه مفتوح حتى اذا جات تعرف تفتح الباب من الخارج اما اذا خرجتي تقفليه من برى وبالتالي ما تقدر هي تفتح من بعد ما تخرجو !! هاذا غير مجرد حل باش نعطيك مثال على طريقة الي لازم تستعمليها معاه، راه كان بعض الاشخاص كمونيين لازم تحكيهم وتوقفي في وجهم باش يوقروك ويحتارموك وكيعتبرو الطيبة والسكوت ضعف انا عارفة كلامي شوية قاسي عليك ولكن اقسم بالله اني تكلمت معاك كيف الى كنت نتكلم مع اختي لاني خايفة على مصلحتك وما يعجبني نشوفك في هاذ الحالة ورانك غادي تلاحظي تاخرت في الرد عليك لاني كنت جد مترددة باش نكتب لك هاذ الكلام ولكن من حبي لك واعتبارك اخت لي قلت لازم نكتبو وكنزيد ونكرر اسفي واعتذاري اذا كلامي ازعجك غير شاهد ربي علي اني نتمنى نشوف ضحكتك وروحك المرحة تنورنا من جديد

حبيبة يا حبيبة اش خبارك طمنينا عليك ان شاء الله نفسيتك صارت احسن بإذن الله شوفي حبيبة انا غادي...