السلام عليكم
والله الا نسيت انك قولتيلي اختي اصبحت متفائلة نعاود كيفاش تلقيت الخبر ديال الحمل ديالي متكونو نتوما راح المشاكل كتنسي كنت قلت ليكم كان عندي المشكل مع عكوزتي ولوستي
المهم كيما كنتو عرفين كنت كنستنا الدورة تجي باش نمشي الدار البيضاء وندير التحاليل نوجدهم لمور رمضان باش ندير الحقن المجهري
تاخرت عليا الدورة شي 4 ايام عادي لحقاش دائما كتعطلي من 3 ايام ل 5 ايام وكنت كنحس بالاعياء وبغا غير نحط راسي على المخدة حتى هادشي قلت عادي لحقاش ملي كتقرب الدورة كنحس راسي عيانة ونهار واحد دراتني المعدة وجاتني الدوخة وحتى هادشي قلت عادي لحقاش مرة مرة كدرني المعدة والادراتني كتجيني معاها الدوخة الدوخة يعني مشكيت فوالو
داز النهار الخامس و 6 و7و8 وراجلي قالي نجيبلك التحليل نجربو وصافي عمرنا مشريناه نجربوه.... قتليه انا لا بلاش راه كنحس بالحريق ديال الدورة باينة غدي تهبط ليا اليوم..... وداز اليوم 9 وجا اليوم 10 وانا كنت كل يوم كنحس بافرازات قليلة كتنزل مني كيصحابلي صافي الدورة نزلا.... المهم ملي وصل اليومالعاشر قتليه صافي شريلي التحليل المنزلي نجرب مخصرا والو....
شراهلي وقلت ان شاء الله فالصباح نجرب....راجلي مشا الخدمة وانا بقيت ناعسة قلت نشبع النعاس راه باين مكين والو وصلات العشرة مشيت لطواليط جربت التحليل ولكن كنت ناسية شحال من نقطة ندير درت خمسة وحبست بدا كيبان الخط الاول وقلت مع راسي ويمكن كيديرو 8 ديال النقط ماشي خمسة رجعت زت 3 نقط.........

خليتو محطوط الصراحة مديتهاش فيه يعني قلت ندير الخاطر لراجلي وصافي من بعد رجعت ليه ولقيت جوج خطوط بقيت حالا عيني وفومي ممصدقاش وقلت فراصي راه انا الي غلط ملي خربقت في النقط....خديت التليفون عيط لختي وقوتليها الي وقع قطعات معايا وعيطات لوحد صحبتها كتخدم الصيدلية عودات ليها على النقط الي درت قالت ليها مادام خرجليها جوج خطوط يعني حامل وباش تحيد الشك تجي عندي نعودوليها.....الصراحا مكنتش متخيلا راصي حاملة مذكنت كنقول اكيد درت شي حاجا غلط وبغيتش نعشم راسي
كدالك عيط لراجلي وقوتليه الي كاين مشا كيجري للصيدلية الي حداه وسول على النقط الي كان خاصني ندير قاليه ضاروري 5 نقاط وملي قالهالي قلت صافي انا الي غلط ومكاين والو.....ولكن ختى تصلات بيا عوتاني وقاتلي اجي عندي الخدمة ديالي ونمشير للمختبر وديري التحليل مخاصرا والو هيا هديك مشينا للمختبر درت التحليل وقالولنا واحد ساعة ورجعي

وهادشي كلو حد مفخبارو حتى الي معايا فالدار مكنتش باغا نعشمهم وفي الاخير نصدمهم و نتحشم .....
مشيت مع ختي لخدما ديالها كنستنا الساعة الدوز وكل شوية كنمشي للتواليت نشوف ياكما الدورة نزلات....دازت الساعة وانا داخلا للمختبر قلبي كان غدي يوقف من الدقان وفيا لوجع ديال الخلعة.......البنت الي كان عندها النتيجة شافت في الورقة ومغاتش تقولي قاتلي سيري نتي خلصي هانا غدي نعطي النتيجة لختك مشيت نخلص وشوية ختي جايا كتدحك وكتبكي وقاتلي حاااااااااملة الصراحة من الكترة الفرحة متقتش مصدقتش نهائيا مخرجوليش الدموع بقيت انا كنصبر فختي الي كانت كتبكي فبلاصتي .....رجعنا للخدمة صليت ركعات شكر لله وتصلت براجلي قلتهاليه خصارا مكانش حدايا نشوف كيفاش تلقا الخبر ولكن باباه قالي راه دخل عندي كيبكي وكيقولي الخبر .....انا متقت حتى شفتو عند الطبيب عقباليكم ياربي
الحمد لله والشكر لله كلشي قريب عند الله
اللهم اني استودعك جنيني يامن لا تضيع لديه الودائع
اللهم ارزق اخواتي في المنتدى عاجل غير اجل انك قادر على كل شئ
طولت عليكم ولكن كنت باغا نعود ليكم بالفصيل
سمحولي على التعابير راه مكنعرفش نعود مزيان

أختي نورس خنقتني العبرة ...........الله يكمل عليك بالخير ويثبث لك حملك و يقر عينك بيه ..........ويرزق اخواتنا في هاد التجمع خاصة وفي جميع انحاء العلم من المسلمات عامة بالذرية لصالحة يااااااااااااااااااااااااارب

اصبحت متفائلة

ضحكتيني انتي باش قلتي انتي تحسي ونا نحلم ...........عرفتي علاش حيث حثى انا 9 شهور ونا كنحلم مع ينت لوستي وهي فدولة بعيدة بينا غي النت ........لدرجة الشهور الي كانتيجيها الارق انا الي كانت تدوز معايا الليل .ههههههه ايوا حثى ولدات ...والحمد لله هي ولدات فشهر 4 ونا كانت اخر دورة جانتي فشهر 6 عقبالك حثى انتي .........

بالنسبة ليربة هي لي كيقولو ليها الابر المثبتة وهي عبارة عن بروجسترون الي تيحتاج الحمل ....يعني ربما داكشي علاش كان كتوقف لي الحمل ...لانه فالاول الحمل تياخد البروجسترون من المبايض بديما تتكمل 3 شهور تتكون المشيمة خدامة مزيان تتولي هي الي تتنجوا .....يعني الى مكانش عندك تتوقف الحمل .....هادشي غي من المعلومات الي تنقرا هنا ........واليوم عندي وحدة وباقي لي وحدة نهار الحد ***** الله ةنحبسهم ......ويكون المجموع الي ضربت 24 ابرة ......المهم انا ولدي ان شاء الله مقررة انه ميبقاش في نهار نضرب ليه لبرة ديال جلبة وغادي نقولي بلا متبكي را ضربت على ودك 24 ابرة هههههههههههه

واضحكي علي...هههههه

ولكن رانا شادة لخلعة ..خايفة الى قطعت هاد ليباري فجأة تكون شي حاجة ماشي هي هديك......حيث كنت قريت موضوع ديال واحد الاخت هنا قالت انها وقفتهم فجأة وتبب ليها بانفصال جزء من المشيمة ...وملي جا الطبيب الي متبع معاه بقى تيغوت عليها .....والحمد لله تجاوزات الامر.........ونا قلت لطبيبة واش مكايناش شي خطورة اني نقطعهم فجأة ...قالت لي لالا معندك مناش تخافي هذا غي بروجسترون ........ولكن والله حثى شداني الخلعة ومعرفة مندير ..........ان شاء الله نستخر الله فهاد الامر .............

متنساونيش من دعوة في ظهر الغيب