OMZAYNAB :

اصبحت متفائلة ضحكتيني انتي باش قلتي انتي تحسي ونا نحلم ...........عرفتي علاش حيث حثى انا 9 شهور ونا كنحلم مع ينت لوستي وهي فدولة بعيدة بينا غي النت ........لدرجة الشهور الي كانتيجيها الارق انا الي كانت تدوز معايا الليل .ههههههه ايوا حثى ولدات ...والحمد لله هي ولدات فشهر 4 ونا كانت اخر دورة جانتي فشهر 6 عقبالك حثى انتي ......... بالنسبة ليربة هي لي كيقولو ليها الابر المثبتة وهي عبارة عن بروجسترون الي تيحتاج الحمل ....يعني ربما داكشي علاش كان كتوقف لي الحمل ...لانه فالاول الحمل تياخد البروجسترون من المبايض بديما تتكمل 3 شهور تتكون المشيمة خدامة مزيان تتولي هي الي تتنجوا .....يعني الى مكانش عندك تتوقف الحمل .....هادشي غي من المعلومات الي تنقرا هنا ........واليوم عندي وحدة وباقي لي وحدة نهار الحد ***** الله ةنحبسهم ......ويكون المجموع الي ضربت 24 ابرة ......المهم انا ولدي ان شاء الله مقررة انه ميبقاش في نهار نضرب ليه لبرة ديال جلبة وغادي نقولي بلا متبكي را ضربت على ودك 24 ابرة هههههههههههه واضحكي علي...هههههه ولكن رانا شادة لخلعة ..خايفة الى قطعت هاد ليباري فجأة تكون شي حاجة ماشي هي هديك......حيث كنت قريت موضوع ديال واحد الاخت هنا قالت انها وقفتهم فجأة وتبب ليها بانفصال جزء من المشيمة ...وملي جا الطبيب الي متبع معاه بقى تيغوت عليها .....والحمد لله تجاوزات الامر.........ونا قلت لطبيبة واش مكايناش شي خطورة اني نقطعهم فجأة ...قالت لي لالا معندك مناش تخافي هذا غي بروجسترون ........ولكن والله حثى شداني الخلعة ومعرفة مندير ..........ان شاء الله نستخر الله فهاد الامر ............. متنساونيش من دعوة في ظهر الغيب

اصبحت متفائلة ضحكتيني انتي باش قلتي انتي تحسي ونا نحلم ...........عرفتي علاش حيث حثى انا 9...

جروح الوداع :

حبيبة غادي نخرج لك من البيسي:mad: يا بنت الناس واش انتي عندك شي عقل او ما عندك واش انتي اصلا شفتي شي فائدة من الطبيبة المرة الماضية غريب صراحة كيفاش رجعتي عندها هي اصلا لقيتي منها اخطاء طبية فادحة وعاودتي رجعتي ليها والله ماعندك عقل وما تقولي ليا ماكاين غيرها واخى نعرف نسافر مدينة اخرى ونتبع مع طبيب خير ولا انك تمشي عندها شوفي حبيبة سمعيني مزيان اختي انتي اهملتي راسك بزاااااااف وراني قلت لك شحال هادي قلت لك راه عدم اهتمام بتنظيم الدورة كيأثر عليك سلبا وكيزيد يضاعف لك المشاكل في جسمك طبعا انتي قلتي ما لقيتي الدواء الي كتبت لك عليه رغم اني كنت نتمنى توصي عليك شي حد من الدار البيضاء لان مستحيل ما يكون هاذ الدواء في المغرب بصفة عامة اكيد متواجد في بعض الصيدليات على العموم انا مع فكرة تشربي حبوب منع الحمل شربيها على الاقل تنظم لك الهرمونات وتنظم الدورة الشهرية عندك انا اصلا كنت غادي نصحك بيها ولكن ماشي اي نوع من حبوب منع الحمل لازم استشاري يوصفها لك على حسب مستويات الهرمونات عندك انا كنرشح حبوب ديانا35 حيث انتي سبق قلتي انا طبيب شخص حالتك بتكيس مبايض في السابق حيث هاذ الحبوب مناسبة جدا لتكيس المبايض كتخفف اعراض التكيس بحال الشعر في الجسم وتنظف البشرة ولكن لازم استشارة طبية عرفتي علاش قلت لك تاخذي حبوب في انتظار ان زوجك يتعالج ان شاء الله وايضا انتي تخرجي من دوامة انتظار الحمل وتنساي شوية باش ترتاح نفسيتك وايضا باش تحاولي تحافظي على مبايض ديالك باش ما يتفاقم الوضع عندك وتصير عندك مشاكل اخرى في الهرمونات انا شخصيا من رايي لازم استشاري امراض نساء وولادة ماشي اخصائي وياريت لو كان ايضا استشاري مناظير واطفال انابيب عارفة تكلفة ماشي ساهلة ديال الكشف عندو ولكن المهم الواحد يعرف راسو ماشي في الطريق الصحيح اولا حاجة يعطيك تاخذي حبوب تنزل الدورة ومن بعد يعطيك تديري تحاليل في اليوم 3 او 2 من الدورة وممكن يعطيك تديري تحليل fsh بحدو قبل ما تنزل الدورة هاذا اذا كان باغي يعرف لاي مستوى كيوصل عندك fsh في حالة اضطراب الدورة ومن بعد تطلبي منو ان يعطيك ادوية تنظم الدورة او يكتب لك حبوب منع حمل تناسب حالتك لان كاي بعد حبوب منع حمل ما تناسب ارتفاع fsh ومن بعد تستمري عليها واحد 3 حتى 6 اشهر وتعاودي تديري تحاليل وتطمني على وضعك وايضا تابعي مع زوجك باش ملي يتحسن الوضع عندو تحاولو تديرو عملية خزعة للخصية باش ياخذو منها حيوانات منوية وجمدوها باش ما تضيع باش تحافظي عليها في حالة بغيتي تديري اطفال انابيب وان شاء الله تتحسن نتيجة عندو وتحملي طبيعي بإذن الله بالنسبة باش تعرفي واش مزال المبيض كينتج بويضات ماشي سونار مهبلي الي غادي يبين لك سونار غير تيبن في حالة المبيض انتج بويضة او لا وكم الحجم ديالها وطبعا اذا كاين اضطراب هرموني ماغادي يفيدك سونار لازمك تحليل اسمو (AMH ( anti mullerian hormone هاذا تحليل غالي ولكن هو تحليل الوحيد الي يقدر يعطيك مخزون البويضات في الجسم عندك طبعا هاذ تحليل دقيق وماعندو علاقة باضطراب الهرموني عند المرأة لان النسبة ديالو دقيقة وكتحدد عدد الجريبات موجودة في المبيض وهاذ الجريبات هي الي كتثكاثر في فترة الاباضة الشهرية وهو الي غادي يحدد اذا كانت المرأة دخلت مرحلة سن اليأس وايضا حيدد العمر التقريبي للقدرة على الانجاب والولادة

حبيبة غادي نخرج لك من البيسي:mad: يا بنت الناس واش انتي عندك شي عقل او ما عندك واش انتي اصلا...