جروح الوداع :

حبيبة اختي صراحة ما عندي فكرة على تكلفة التحليل ولكن اكيد هو غالي وانتي الله يهدينا ويهديك عندكم استشاري في المدينة وجالسة تمشي ليا عند اخصائية راه اختي اخصائية تنفع لحالات الي عندهم مشاكل بسيطة اما بالنسبة لنا احنا الي عندنا مشاكل هرمونية وعدة موانع ديال حمل لازم استشاري ضروري حيث هو دارس اكثر في هاذ المجال اذا مشكلتك فقط انه راجل الحمد لله دينا دين يسر ماشي دين عسر الضرورات تبيح المحظورات وللضرورة احكام توكلي على الله وسيري عندو وان شاء الله يكون طبيب متفاهم ويعرف يطمن قلبك ولازمك تعرفي كيفاش تتكلمي معاه وتشرحي له وضعك حيث راه حتى المريض كيلعب دور في رد الفعل وكلام الطبيب غادي تدخلي عندو وتشرحي له طبعا وضعك كم سنة متزوجة وغادي تبداي تحكي ليه على دورة ديالك كيف كانت منذ البلوغ واش منتظمة او لا !!! على حد علمي ما كانت منتظمة!!! المهم قولي له انه تم تشخيص حالتك بتكيس المبايض وكنت كتاخذي حبوب منع الحمل باش يخف شوية تكيس واستعملتي منشطات من اجل الحمل ولكن ما حصل حمل ، ومن بعد زوجك دار تحليل واكتشفتي ان عنده ضعف وقلتي انك توقفي علاج في انتظار ان زوجك يتعالج عاد ترجعي تتعالجي بالمنشطات ولكن لاحظتي ان دورة سمعي مزيان اش غادي تقولي من بعد ما كانت تتاخر اسبوع بالكثير لاسبوعين ولات تتاخر شهر واكثر وفي الهاذ السنة الاخيرة لاحظتي انها ولات كتغيب بالشهور وانك درتي تحاليل هرمونات في وقت غير دورة واعطيه تحاليلك وقله نتيجة صدمتني حيث شفت fsh مرتفع وقلو صبرت شهر وهي دورة تنزل بحدها ومشيت درت تحليل fsh ثالث يوم دورة ولقيت نتيجة 10 طبعا غادي يقول لك فين تحليل ديال 10 قولي ودرتي ورقة ديال نتيجة وقولي له ودابا ثاني الدورة غايبة اكثر من شهرين وخفت ليكون ارتفع عندي هرمون fsh من جديد طبعا كلامي فوق فيه شوية ديال الكذوب انا عارفة ولكن هاكة لازم تقولي للطبيب باش تحسيه انك فاهمة وضعك وما يحكم عليك من البداية فهمتيني !!! وقولي ليه انا جاية بغيتك تعطيني ادوية تنظم لي الدورة او مانع حمل ما يأثر على هرمونات عندي وقولي له واش كي وصل عندي fsh لفوق 50 المرة ماضية معناه اني قربت لسن اليأس رغم اني عاودتو من بعد شهر في ثالث يوم دورة ولقيتو نازل ل 10 واش سبب ارتفاعو فقط تاخر الدورة او اني بديت مرحلة اليأس!!!! ضروري حبيبة عرفي كيفاش تتكلمي معاه باش يعرف يرد عليك مزيان ويفهمك كما قلت لك ممكن يطلب تحليل fsh قبل ما تنزل دورة باش يعرف واش المستوى الي كيوصل ليه في حالة اضراب دورة وممكن يستنى حتى تنزل دورة عاد يدير الفحص انا نفضل اختيار ثاني حتى تنزل الدورة المهم تركزي باش يعطيك ادوية تنظم هرمونات عندك اما تحليل الي قلت لك عليه خليه حتى من البعد حتى تشوفي نتيجة ديال كلامو ونتيجة ديال تحليل اذا طلب منك عاد سوليه عليه فيا الهدرة بزاااف ياك غير صبري عليا حيث انا معقديني اطباء ومن كثرة ما مرضوني وليت انا ملي كنمشي انا الي كنمرضهم

حبيبة اختي صراحة ما عندي فكرة على تكلفة التحليل ولكن اكيد هو غالي وانتي الله يهدينا ويهديك...